شهاب – حجرة نومه -
شهاب قاعد ماسك الورقة فى إيده ونبيلة أمامه غاضبة
نبيلة : ووافقت ياشهاب !؟؟؟
شهاب : أعمل إيه ؟ هددنى بإنى هاخسر شغلى
نبيلة : إخص عليه ده إنتوا كنتوا زمايل
شهاب : إديكى قلتيها كنتم زمايل يعنى زمان وكان مصاحبنى علشان المذاكرة والامتحانات دلوقتى بقى صاحب الشركة ومديرى
نبيلة : وهاتقعد فين بقى إن شاء الله الشقة كلها أوضتين
شهاب : ننيمها مع الولاد فى أوضتهم
نبيلة : فين بس ياشهاب دى الأوضة يادوب على قد الولاد
شهاب : أنا عارف بقى نتصرف وخلاص أهى توريطة بقى
نبيلة : وهانقول إيه للولاد هم عارفين إننا معندناش أى قرايب
شهاب : هانقول الحقيقة إنها عمة بابا وكانت مسافرة وهاتيجى تقعد معانا شوية
تضحك نبيلة : هى دى الحقيقة برضه
شهاب : حقيقة ناقصة حتة متنسيش إن الفلوس هاتفرق معانا جامد
نبيلة : عندك حق بس إفرض بقى إنها عارفة شكل شهاب
شهاب : هاتعرفه منين ؟ شهاب قال إنها مسافرة من قبل مايتولد ولاهو يعرفها ولاهى تعرفه
نبيلة : طيب إفرض إنها كانت بتراسلهم ومعاها صور ليه ؟
شهاب : اللى فهمته من شهاب إن صلتها إتقطعت بيهم من زمان
نبيلة : طيب إفرض ...
يقاطعها شهاب : لأ مافرضش وكفاية أسئلة بقى يانبيلة
نبيلة : طيب لو ..
شهاب : يووووه وبعدين يانبيلة
نبيلة : خلاص خلاص هى هاتوصل إمتى ؟
شهاب : بعد يومين
نبيلة : طيب وبتتكلم عربى ولافرنساوى
شهاب : مش عارف ماقاليش
نبيلة : مش تسأل ياشهاب
شهاب : هابقى أسأله بكرة تعالى بقى نقول للولاد مش عارف رد فعلهم هايبقى إيه ؟
نبيلة : أكيد هايفرحو لأنهم من زمان كان نفسهم يبقى عندنا قرايب
شهاب : وهى الست دى قريبتنا
نبيلة : لأ طبعا بس إحنا هانفهمهم كده وإلا تيجى نقول لهم على الحقيقة وخلاص وإنها ضيفة وهاتقعد معانا شوية
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه