أنا والمدام ونينا إجرام

الحلقة 28

امام فيلا شهاب بيه,

نبيلة وشهاب واقفين بجوار السيارة وتبص نبيلة للساعة: الولاد إتاخرو انا قلقانة قوى..

شهاب: زمانهم جايين على هايعرف يتصرف.

أنا خايفة الست المتوحشة اللى إسمها نور تعمل فيهم حاجة..

شهاب: لو عملت حاجة يبقى آخر يوم فى عمرها..

تبتسم نبيلة وتبص لشهاب يسألها: بتبصى لى كده ليه؟

نبيلة: عجبتنى قوى ياشهاب لما وقفت قصاد هولاكو..

شهاب : يعنى مكنتش عاجبك قبل كده؟

نبيلة: عاجبنى طبعا بس حقيقى كبرت فى نظرى قوى ....

شهاب: علشان واجهت هولاكو!!

نبيلة: لأ علشان وقفت جنب نينا الست المظلومة وبتدافع عنها..

شهاب: كان لازم اعمل كده دى ست مسكينة وملهاش حد...

يقرب على وأميرة بسرعة وهم يلهثو وتسأل نبيلة: إيه يا أولاد مالكم؟

أميرة: الخدام بيجرى ورانا...

شهاب: يعنى مشفتوش نينا؟

على: عيب.. شفناها وكلمناها وإديت لها الموبايل اطلبوها بقى..

أميرة: بتقول حابسينها فى الأوضة ومش بيخلوها تخرج أبدا...

نبيلة: المجرمين اطلبها ياشهاب ياللا..

يتصل شهاب :ألو نينا إزيك ياحبيبتى

تشد نبيلة الموبايل: عاملة إيه يانينا؟ كويسة...... متزعليش شهاب هايتصرف.

شهاب:هاتى بقى يانبيلة : ايوه يانينا .......لأ طبعا ننساكى إزاى؟ .... هم اللى منعونا نتصل بيكى........ لأ لايمكن هاسيبك عند هولاكو .......هارجعك عندنا ..إبقى أطلبينا علشان نطمن عليكى ..مع السلامة ياحبيبتى...

تتنهد نبيلة براحة: يآآه خيرا إطمنا عليها ...

على: هانرجعها إزاى ؟

شهاب: نفكر ياعلى .. ياللا نروح بقى..

حجرة شهاب...

شهاب نايم ونبيلة قاعدة بتبص عليه بدهشة وتزقه تصحيه.

نبيلة: شهاب.. شهاب قوم ...

يفتح عيونه: أيوه يانبيلة.... عارف أقوم انام برة, أمرى لله.

نبيلة: لأ ... مش هاتنام برة...

شهاب: أمال بتصحينى ليه؟

نبيلة: إنت مش بتحلم...

شهاب: إيه؟

نبيلة: بأقولك مش بتحلم .. نايم من ساعتها من غير صوت خالص...