شقة شهاب
أميرة وعلى قاعدين على السفرة نبيلة تحط الفطار وشهاب يساعدها شهاب : هى مش هاتصحى بقى هاتفضل نايمة طول اليوم
يقوموا بسرعة من مكانهم ويجروا
أميرة : أصحيها انا
على : لأ أنا
نبيلة : أميرة على تعالو هنا
أميرة : ياماما ....
نبيلة : انا قلت إيه إرجعو مكانكم و أقعدوا ياللا
يرجعو وهم زعلانين ويقعدوا ويبدأ وفى تناول الفطار
وتخرج إكرام من الحجرة وتدق بالعصاية على الأرض بقوة ويتخض شهاب ويوقع فنجان الشاى
إكرام :بونجور
يجرى على وأميرة عليها يحضنوها بفرح
نبيلة : بونجور يانينا
شهاب : صباح الخير
كرام : قول بونجور ياولد
ينفخ شهاب بغيظ : بونجور يانينا
أميرة : أحنا فرحانين قوى يانينا إنك هاتعيشى معانا
إكرام : وأنا كمان ياحبايبى أنا كنت فى فرنسا عايشة وحدى ومش فيه حد بيزورنى
نبيلة : خلاص يانينا بقى عندك عايلة تعيشى معاها
إكرام : إيه ده إنتوا بتآكلوا من غيرى
نبيلة : مرضيناش نقلقك يانينا إتفضلى
إكرام : أوه نو لازم آخد حمام الأول وبعدين آكل فين الحمام بتاعى
شهاب : مفيش غير حمام واحد فى الشقة
إكرام : أوه نو جاميه حمام واحد بس و أنا عايزة حمام لوحدى
شهاب : إزاى يعنى حمام لوحدك أجيبه منين ؟
إكرام : ماعرفش , أنا لازم يكون لى حمام لوحدى
شهاب : أتصرف إزاى يعنى ؟ أهد البيت وأبنيه تانى وألا اقلب لك أوضتى حمام هى الشقة كده بحمام واحد
نبيلة : شهاب متزعقش
شهاب : إنت مش سامعة يانبيلة بتقول إيه؟ أجيب حمام منين ؟
إكرام : إنت يتزقع لى ليه ؟
شهاب : ماهو مش معقول من اول ليلة عايزة اوضة لوحدك وحمام لوحدك نسيب لك الشقة يعنى ونقعد فى الشارع وإلا إيه ؟
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه