شقة شهاب – الصالة
المياه بتخرج من الحمام والصالة إمتلأت مياه وبدأت تدخل للحجرات والجرس يرن ونبيلة بتنادى
نبيلة: نينا نينا إفتحى
**********
امام شقة شهاب
نبيلة واقفة قلقانة وصفاء بجوارها
نبيلة: أعمل إيه ؟ أكسر الباب
صفاء : شهاب أكيد زمانه جاى تعالى أقعدى معايا فى شقتى على ماييجى
نبيلة :أقعد إيه بس؟ زمان الشقة غرقت دلوقتى
صفاء:مش شقتك لوحدها المياه اللى نازلة دى أكيد غرقت شقق كتير
تطلع سيدة مسنة وتزعق :إيه المياه دى ؟ جاية منين؟ دى دخلت شقتى وغرقت لى الدنيا
نبيلة :أنا آسفة قوى ياطنط
تطلع واحدة تانية وزوجها ويقول بثورة : ده إسمه كلام ده! قاعدين فى بيتنا تدخل علينا مياه من الباب
الزوجة: السجاد غرق كله
الرجل :انا هاعمل محضر فى الشرطة
نبيلة :محضر إيه بس طول بالك دى الحنفية تقريبا باظت وإنا فى الشغل
السيدة المسنة :وإحنا ذنبنا إيه ؟
صفاء :إستهدو بالله ياجماعة هى كمان شقتها غرقت كلها و ....
الرجل :ماتغرق إحنا مالنا مش هى السبب
زغلول :أنا سبق وقلت لكم تركبوا عتب على بيبان الشقق
صفاء :أيوه ياعم زغلول ركبهم الغلط خليهم يسكتوا
نبيلة :أنا آسفة قوى قوى مفيش حل غير كسر الباب شوف حاجة وإفتحلى الباب ده بأى طريقة
زغلول :هاتى شاكوش من عندك يامدام صفاء
صفاء :ماتستنو شوية شهاب زمانه جاى بدل ماتبوظو الباب...
تدخل صفاء شقتها وتبص نبيلة بحزن للمياه :وبعدين بقى ؟؟
الحمد له إن عندى عتبة وشقتى مدخلتهاش المياة وإلا كنت قطعت علاقتى بيك والله ...
سيبينى فى اللى انا فيه ياصفاء.
انا بأحاول اخفف عنك ياروحى.
تخففى إيه بس العمارة غرقت ومعرفش نينا فين؟ ربنا يستر.. مش هاينفع ننتظر هاتى شاكوش ياصفاء بسرعة.
سلم العمارة
شهاب طالع السلم ويدوس فى المياه
CITEȘTI
أنا والمدام ونينا إجرام
Umorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
