شقة شهاب – حجرة الأولاد
يدخل شهاب ونبيلة وراه تضحك
شهاب : إنت لسه بتضحكى ؟ مبسوطة قوى ؟
نبيلة :أصلك مش شايف منظرك شكلك يضحك لابس الروب بالمقلوب وحافى
يقف يبص فى المراية ويبتسم : أه والله الست دى مخلتش فى عقل
نبيلة :ياترى الجيران شافوك ؟
شهاب :هو ده كل اللى يهمك ده لولا ستر ربنا كنتى بقيتى أرملة أو كنت رجعت لك على كرسى متحرك
نبيلة :متقولش كده ياحبيبى ربنا ستر
شهاب :إنت مشفتيش الراجل حاجة كده زى الهضبة وعنده عضلات رهيبة انا كنت بابص له فوق
نبيلة :أكيد نينا خافت
يضحك شهاب : خافت ده إيه ؟ دى كانت واقفة قدامه زى
النمر الشرس وبهدلته والراجل طبعا مقدرش يعملها حاجة علشان واحدة ست قامت بقى إتمنظرت بى انا وتقولى إضربه ياشهاب واثقة فى قوى و فاكرانى فتوة وطبعا انا ماأخدتش غلوة فى إيده هى روصية واحدة جابنى الأرض
يضحكوا ويكمل شهاب: ساعتها بس خافت , بس متقلقيش شوية وهاتنسى
نبيلة :بيتهيألى المرة دى اخدت درس وهاتتغير
شهاب : مستحيل ودلوقتى تشوفى
تظهر إكرام على الباب: شهاب نسينا نجيب النسكافيه بسبب المتوحش ده إنزل هات لى ياللا
يبص شهاب لنبيلة ويضحكوا
******
شقة شهاب – الصالة
شهاب وإكرام ونبيلة والأولاد قاعدين فى الأنتريه وبيضحكوا
إكرام : شهاب دخل بين الناس زى أسد شجاع
شهاب :أسد إيه ينينا ؟ ده إنتى مخدوعة فى قوى , هو انا كنت شايف حاجة ده انا لما وقفت قدام الراجل حسيت إنى قزم
إكرام :بس إنت شجاع قوى مش خفت منه
شهاب :انا !! ثقتك فى الصراحة بتهز مشاعرى , انا بس ملحقتش اخاف أخدنى غدر وعليه دماغ تكسر جبل ,الراجل خد منها واحدة جوريجريت وعنيكم ماتشوف إلا النور. ولع نار من الغيظ وإنتقم منى انا..
يضحكوا ويقول شهاب: غوعى تخافى يانينا أبدا وراكى رجالة.
تلتفت إكرام حولها وتسأل: فين رجالة دى؟
يضحكو وتقول نبيلة: لأ هو يقصد يعنى إننا معاكى على طول وهاندافع عنك..
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
