2
فى شركة المقاولات ...
إلهام واقفة وشهاب بيه قدامها وبيزعق بصوت عالى: بتقولى إيه ماجاش إزاى ؟
تحط إلهام صباعها فى ودنها بوجع وتقول : والله انا هانطرش على إيدك
شهاب بيه : ده منتهى الاستهتار وقلة إحترام للعمل يعنى إيه ماييجيش
يشاور بإيده فى وشها وتبعد رأسها للخلف قبل ماصابعه يدخل فى عنيها وتقول : عادى يافندم من حقه يغيب يوم عارضة هو إنت إشتريته
شهاب بيه : حقه يعنى إيه ؟ فيه شغل وهو معطله
إلهام : شهاب بيه حد قالك إنى ماباسمعش ؟
يعلى صوته اكتر وتحط إيدها على ودنها وتبص له بغيظ :
أطلبيه حالا فى بيته وقولى له ييجى فورا فورا واقفة ليه ؟
إلهام : بتقول إيه ؟
شهاب بيه : إيه مسمعتيش؟
إلهام :لأ مسمعتش ودنى باظت
شهاب بيه : وبتردى على إزاى لما ودنك باظت
يعلى صوته :روحى أطلبيه روحى
تتراجع إلهام للخلف امامه وتخرج وهى بتكلم نفسها : حسبنا الله ونعم الوكيل الراجل واخد يوم عارضة يرتاح من وشك العكر ولسانك الطويل اجيبه ليه يعنى؟ ده إنت مؤذى
تخرج وتقفل الباب بعنف
شقة شهاب – الصالة
الصالة مزينة وغير مرتبة وشهاب واقف يبص بفخر ومعتز ماسك كيس تلج على رأسه ويقول: الثالة بقت جميلة قوى
شهاب : لولو تعالو شوفوا الزينة
تخرج نبيلة وصفاء من المطبخ وتقول نبيلة :الله ينور الصالة بقت جميلة قوى
معتز : إحنا كنا هانتكثر فيها
شهاب : هو مين اللى إتكثر ؟ أنا بس اللى إتكثرت ياخويا وإنت زى الحديد اهو
صفاء : ماخلاص بقى ياميزو مش انا اعتذرت لك وبعدين ياحبيبى شهاب عنده حق هو اللى إتبهدل ياقلبى و إنت مصفح ده انت كسرت السلم
شهاب : وكان هايكسرنى انا كمان ده من ساعة ماوقع على وانا ضلوعى بتوجعنى
تضحك صفاء : إحمد ربنا إنك خرجت سليم ياشهاب ده معتز كان ممكن يفعصك ويقضى عليك تماما
يضحكوا وتكمل صفاء: وبعدين مكانش قصدى والحمد لله محدش فيكم إتكسر
شهاب : إنتى كنتى عايزة حد فينا يتكسر كمان
YOU ARE READING
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه