شقة شهاب – الصالة الساعة - تشير ل 5 ونص ودخان ينبعث من المطبخ
يتفتح باب الشقة من برة ويدخل شهاب شايل ورق كتير وسومات ويرمى نفسه على أول كرسى
شهاب : أه يانى تعبت قوى وهاموت من الجوع
يبص حواليه بدهشة : هو البيت هادى كده ليه ؟ نبيلة أنا جيت ... لولو على أميرة هم راحو فين ؟
يشوف الدخان ويشمشم : إيه الدخان ده و ريحة الشياط دى
يقوم ويجرى على المطبخ يدخل يفضل يكح يطفى البوتجاز ويفتح الشباك
شهاب : إيه ده نبيلة ...نبيلة
يلف الشقة يدور على نبيلة والولاد : هم راحو فين
يطلع الموبايل من جيبه ياخبر الموبايل فاصل شحن أروح أشحنه واطلبها
قبل مايتحرك يتفتح بابا الشقة وتدخل نبيلة بالأولاد واول مايشوفوه يقفوا الثلاثة مربعين إيديهم ويبصوا له بغضب
شهاب : إيه ؟ ها إيه ؟ بتبصوا لى كده ليه ؟
يقرب منه على وأميرة بخطوات ثابتة ويتراجع قدامهم ببطء لحد مايخبط فى الحيطة شهاب : إيه بصة ريا وسكينة دى ؟ إيه حصل إيه ؟ حد يتكلم فيه إيه ؟ قلقتونى حصل إيه ؟
تزعق أميرة : مش عارف إيه اللى حصل ياسى بابا ؟
شهاب : لأ مش عارف, فيه إيه يانبيلة ماتتكلمى إنت كنتى فين ؟
نبيلة : كنت بأتفسح انا والولاد
شهاب : ياسلام تتفسحى وتسيبينى هنا بأدور عليكم ومش عارف مكانكم
نبيلة : إتفسح إيه إنت كمان إنت صدقت
شهاب : مش إنتى اللى بتقولى يانبيلة أمال خرجتى ليه ؟
نبيلة : وليك عين تسأل ياشهاب ؟ كمان مش عارف ؟دى عملة تعملها
...... شهاب : عملة إيه بس والله أنا جيت لقيت ال
يقف على وأميرة ويبصوا عليه بغضب ويضرب على كف على كف
على : كمان مش عارف غلطتك ولا مستوعب اللى عملته أما والله عجايب
شهاب : ماتقول إنت ياكابتن فيه إيه ؟
يمسك شهاب على من كتفه ويكمل : إحنا رجالة زى بعض فهمنى
على : مع إنى غلبت فيك بس مفيش مانع أفهمك غلطك
شهاب : أشكرك
على : حضرتك ياسى بابا
شهاب : أيوه
على : نسيتنا عند المدرسة
KAMU SEDANG MEMBACA
أنا والمدام ونينا إجرام
Humorهذا العمل ليس رواية ولكنه مسلسل كوميدى خفيف عن العلاقات الأسرية وعقوق الأبناء شهاب يقبل أن يأهخذ عمة مديره لبيته على أنه هو إبن اخيها ويرعاها ثم يتعلق بها ويقرر أن تعيش معه
