عزة فى حد بيصحيها قامت مفزوعة لما لقت بنت واقفة قدامها فى اوضة النوم ، عزة اتخضت وحاولت تغطى روحها باى حاجة كانت لابسة شورت جينز وبادى بحمالات رفيعة .
البنت ترفع حواجبها وتسال عزة بالفرنسية : انتى مين !
عزة ترد عليها : انتى اللى مين وازاى دخلتى هنا ؟
البنت : دى شقة حبيبى ادخل واطلع زى ماانا عايزة انتى اللى مين !
عزة انعدلت و تجلس على حرف السرير ورجليها وصلت الارض وتقولها : قصدك جونى !
البنت : اه جونى انتى بتعملى ايه هنا !
عزة ردت بغضب عارم لكن بنبرة هادئة : انا عزة مراته .
البنت : اه المصرية اللى اتجوزها .
عزة : عرفتى ! اتفضلى من غير مضطرود وماتجيش هنا تانى . البنت ولا كانها سامعت حاجة راحت وقعدت عالكرسى الكبير اللى قصاد السرير وحطت رجل على رجل .وقالت : انا هاستنى جو
عزة شافتها واستنتها تمشى لكن هى قعدت ودة وترها كتير و غضبت من تصرفها فى نفس اللحظة دخل جونى للاوضة لقى عزة قاعدة وساندة راسها بايدها وشعرها نازل كله على وشها وقاعدة على طرف السرير وبتهز رجلها بعصبية سالها فى ايه ازا !
عزة شاورت على البنت اللى قاعدة وقالت : لقيت الشئ دة بيصحينى من النوم .
جونى بص لقى دولى وقال بذهول وغضب : دولى ايه اللى جابك هنا !
دولى : كنت باجى حبيبى يمكن تيجى هنا قلت استناك .
جونى بغضب : دولى امشى روحى بيتك ومتجيش هنا تانى ابدا وهاتى مفتاح الشقة
دولى بغضب بصت له وادته المفتاح وخرجت واغلقت الباب وراها بعنف .
جونى اتصل على مكتب امن واستقبال البناية وطلب منهم ان دولى ماتطلعش تانى شقته وقفل التليفون وبص لقى عزة على نفس الوضع وبتهز رجليها بعنف يبدو عليها العصبية راح وقعد جنبها وبيلعب فى شعرها وقال : حبيبى انا عارف انك متضايقة ودة مش هيتكرر تانى .
عزة بغضب : عارف يعنى ايه الاقى واحدة بتصحينى من النوم وانا فى سريرى بتقولى دة بيت حبيبى عارف انا حاسة باية دلوقت .
جونى بيلعب فى شعرها : خلاص بقة هى مش هتيجى هنا تانى دة ماضى وخلص من زمان .
عزة بضيق : خلص ايه ياجونى مش دى السكرتيرة بتعاتك يبقى خلص ازاى سيبنى دلوقت ارجوك ..جونى : يابنتى والله خلص اقسملك .
عزة بضيق : طب سيبنى دلوقت وانا ههدا لوحدى . وتركها جونى وراح قعد عالكرسى الى كانت دولى قاعدة عليه واستنى شوية عزة تهدا لكن مابتهداش لسه متضايقة راحلها تانى وحاول يصالحها .
عزة بضيق : سيبنى ياجونى .
جونى بضيق : ازا انا بحاول اصالحك من بدرى وانتى ما بتهديش ومش عايزة تهدى ولا تتصالحى وسابها ودخل لغرفة الدريسنج يغير هدومه وهو منزعج ومتضايق .
عزة بتبصله وهو ماشى متضايق جدا حست انها زودتها مع جونى وهو ملوش ذنب مسكت تليفونها وشغلت اعنية امال ماهر . بحبك
دخلت وراه وحطت التليفون على اقرب كرسى .
KAMU SEDANG MEMBACA
عشقى الحر
Romansaعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...
