عشقى الحر

التاسع ،،،،،،الشيكولاته

لم تكن تلك الحظات سوى لحظات توقف فيها الزمن عن  السير  لحظات  من غير وجود عزة يراها وتراه  لحظات سرقت من عمر جونى ولن تعود الا بعودة عزة له  حتى لو كانت ليست له يكفى انها فقط موجودة وبامان .
جاءت بدقائق  معدودة  سيارة تبدو عليها الفخامة سيارة كسيارات الشرطة الخاصة عالية وفخمة وسوداء وزجاج فاميه دخل  جونى بسرعة وسال السائق  :  عرفتم مكان العربية  الى اديتك اوصافها يا بن !
بن هو ذراع جونى الخفى  خفى جدا جدا . ومدير شركته الخاصة به .

رد بن وقال :  ايوة عرفنا من جهاز  القمر الصناعى العربية وصلت لحى   كدة مجهول دلوقتى هنوصل ياجونى لا تقلق لكن قولى  اى حاجى عن المهمة دى .
جونى بغضب : العربية دى خطفت بنت وانا عايزها من غير ما حد يلمس منها شعرة واحدة يابن لو لمسوها هاقتلكوا كلكوا .
بن لاحظ فعلا غضب جونى ولم يسأله اى سؤال اخر  سوى اسم البنت .
حونى  قاله اسم البنت . وبلغ بن بقية افراد  رجال جونى المسلحين  باحدث  الاسلحة والتقتية  ينافسون  اكبر جهاز مخابرات  .

على النحو الاخر .
وصلت السيارة وخرج الشباب يحملون عزة مقيدة من ايديها ورجليها وراسها مغمى وفمها مغلق بشريط لاصق دب الرعب فى قلبها وكل جسمها كله حتى اخر عضلة فى جسمها تناجى ربها وتقول  ربنا ولا تحمل علينا اصرا كما حملته على الذين من قبلنا  ربنا ولا تحملنا مالا طاقة لنا به واعفو عنا واغفر لنا وارحمنا  انت مولانا فانصرنا على القوم الكافرين .
يارب اكفنيهم بما شئت وكيف شئت يارب انا فى حفظك  . وتوقفت  عندما دخلوا الشباب الى الشقة  واجلسوا عزة على الكرسى وربطوها من رجليها وايديها .ورفعوا عنها غطا الراس .

عزة نظرت للواقفين وقالت طبعا بالعربى  :  ياحقير  قال شيخ قال يانصاب يا  سافل انا هوديك فى ستين داهية ياكلب .
الشيخ داوود ضحك وقال : هاتودى مين ياعزة انتى هتكونى مراتى انهاردة برضاكى او غصب عنك .

عزة بغضب :  انت مفكر نفسك شيخ بجد ياكلب دانت متعرفش حاجة عن الدين ولا شرع ربنا اصلا  انت ماركعتهاش تصلى العصر قدامى ياحقير وبتضحك عالبنات دول باسم الدين وتتجوزهم  واحدة ورا التانية وطبعا تطلقهم والكلاب اللى وراك دول يتجوزوهم  طب بتسبوهم يقضوا العدة ولا عملتوا شرع جديد لنفسكوا تستحلوا فيه جسم البنات ياحقير انت وهو .

كان احد الشباب يريد ان يضربها لكنه الشيخ منعه وقاله : اهدى يا صابر خليها تطلع اللى جواها دى برده عروسة  .
عزة بغضب وتهكم  : وهتجوزنى بماذون ولا هتكتب انت  ولا يمكن من غير ماذون خالص  ماهو الجواز عندك كدة يلا  انتى مراتى وانا جوزك ونادت بعلو صوتها عالبنات وقالت :

يابنات دول بيغتصبوكوا  دول بيزنوا بيكوا لا ازواجكم ولا حاجة بيضحكوا عليكوا باسم الدين وهما ما يعرفوش اى حاجة ابدا عن الدين ولا شرع الله ، بيضحكوا عليكم بكلمتين  وربنا قال غير كدة الجواز  حب ومودة ورحمة  واعلان واشهار  مش بيعة وشروة ويستحلو اجسامكم لشهواتهم فوقوا لربكم  هتتحاسبوا زيكم زيهم .