فى الصباح الباكر استيقظت البنات وعزة فى غرفتها مراحتش انهاردة الكلية اعتذرت لانها متوترة جدا جدا وحاسة انها بتحلم وانها مش فى الحقيقة سمعت عزة صوت جاى من الخارج .نزلت تشوف ايه لقت البنات وامها عاملين حملة نظافة وبيتكلموا وبيضحكوا وشويه ودخلت ايناس ومعاها العاملة اللى بتساعدها وانضمت ليهم .
عزة : انتوا بتعملوا ايه ! ليه دة كله .!
ايناس ابتسمت : مش فى عريس جايلك انهاردة لازم نعمل كدة .
امها ضحكت وقالت : والله ربنا كريم يانوسة ربنا عوضها بايه راجل قيمة وسيما .
عزة نزلت : وانتى بقة شفتيه فين يارجاء القيمة والسيما دة ..رجاء ضحكت : اسامة ورانى صورته فى التليفون .
ايناس ضحكت وغمزت لعزة دة جاى من فرنسا وراكى ياقادرة عملتى ايه فى الراجل .امها : دى خيبة هتكون عملت ايه هى بتدى حد ريق حلو حتى .
عزة وقفت وقالت : اه الحفلة هتكون عليا لما بتتجمعوا مع بعض الله السلامة .ايناس ضحكت : يابت اطلعى اعملى كدة ماسك واهتمى بنفسك شويتين انتى عروسة .
عزة : هو قلت رايى لسه خلتونى عروسة .!ايناس راحت لها ومسكت ذراعها وقالتها: بجد ياعزة الراجل شكله شاريكى وبيحبك وعمال يلف وراكى من بلد لبلد وانتى لسه بتفكرى .
امها : والله لما اسامة حكالى مكنتش مصدقة فى حد يعمل كدة بيحب كدة الله المستعان .
عزة خجلت منهم وقالت : انا طالعة اوضتى اتساهروا بقة مع بعض وتركتهم .رجاء : تعالى ياايناس ورينى الدكتور دة تانى عالنت ايناس قعدت جنبها وبحثت عنه لقت جوجل مليان اخبار عنه وعن عيلته .
ايناس : بيقولو ان عيلته اكبر عيلة فى فرنسا وهو وابوه اكبر رجال اعمال ياماما .
رجاء فرحت : دة ربنا ، هما كمان اسلموا !
ايناس : اسامة قالى هما لأ يوسف بس .رجاء : وعيلته موافقة على الجوازة دى ! اسامة قالى انهم موافقين بس قلبى مش مصدق ازاى هيقبلوا واحدة مسلمة وسطيهم .
ايناس : اسامة قالى ان يوسف اكدله انهم موافقين حتى خلاه يكلمهم فى التليفون صوت وصورة وكلم امه وابوه يعنى اكيد فى الاول كانوا رافضين لكن يوسف اقنعهم .
رجاء : مادام كدة خلاص يبقى على بركه الله هعوز ايه اكتر من كدة .
ايناس : دة جاى يمسك فرع شركته فى الشرق الاوسط كله هنا ياماما دة ملياردير .
امها قلقت : ماانا قلقانة من كدة يانوسة قلقانة خايفة يكون بيلعب بيها شوية .ايناس : بيلعب ايه ياماما دة واحد راح من قارة للقارة التانية هيكون بيلعب دة واحد عاشق ياماما عاشق بيحب .
رجا فرحت لكلام ايناس وقالت :
ربنا يسعدكوا كلكوا ياحبايبى ويحفظكم من كل سوء انتى وعزة واسامة والولاد وكل حبايبى ،
ايناس : ايوة كدة ادعيلنا وتركتها وذهبت لتطمئن على المطبخ والبنات .
YOU ARE READING
عشقى الحر
Romanceعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...