عشقى الحر

الفصل الاول ،،،،،قرار

ابطالنا مميزين جدا جدا
عزة ،،،،،،معيدة فى كلية الاداب جامعة الاسكندرية قسم تاريخ مهذبة وملتزمة وجميلة مش بيضة قوى ولها غمازات وشها مدور محجبة وعلى قدر كبير من الثقافة والايمان مخطوبة من الباشمهندس هشام الصردى مهندس معمارى يعمل فى شركة عالمية مهندس مرموق انخطبا من عامين وكتب كتابها ، جواز صالونات ..

جونى ،،،عنده ٣٥ سنه مدرس فى جامعة السربون فرنسى له نفوذ قوى . ويعدين هنشوف بقية ابطالنا مع الاحداث .

دخلت عزة الى المحاضرة ، عزة كانت لها هيبه ولها نظام فى القاعة البنات بجوار بعض والشباب بجوار بعض . نظرت وجدت شاب يجلس بجوار فتاة ويمسك يدها .

عزة بكل جديه : الشاب اللى قاعد جنب البنت يتفضل يقعد مع الشباب عشان نبدأ المحاضرة .
قام الشاب لانه يعرف طريقة عزة الجدية مع الطلاب وجلس مع الشباب

عزة كانت انتهت من محاضرتها للطلاب عزة دائمآ انيقة جدا ومحتشمة جداجدا وتلبس لبس عصرى جدا ولاتسمح ابدا بالتجاوز مع طلابها الشباب برغم ان فارق السن بينهم مش كبير عزة عندها ٢٦ سنة .

عزة مبتسمة للطلاب فى القاعة :
اظن كدة الترم دة عدى بمنتهى السرعة اتمنى تكونوا ركزتوا معايا فى المحاضرة دى واتمنالكوا التوفيق وبدات تلم ورقها فى شنطتها وتخرج .خرجت وراها بنت خالتها اروى .
وهى طالبة عندها .

اروى : عزة انتى متاكدة ان اللى قلتيه النهاردة دة مهم !
عزة وقفت وبصت لها وابتسمت :
بت يااروى انتى كنتى مركزة معايا ولا دماغك فين ها ! ايوة ياختى كله مهم وبعدين يابت احترمينى شوية انا الدكتورة بتاعتك يامفعوصة .

اروى ابتسمت :
حاضر يازوزة هاحترمك المرة الجاية ماتيجى تتغدى معانا خالتك عاملة ورق عنب انهاردة .

عزة :
ماتفكرنيش بورق العنب دة هشام نفسه فيه من سنه بيتحايل عليا اعملهوله لما ييجى عندنا وانا ياعينى مش لاقية وقت خالص اعمله الماجيستير واخد كل وقتى

اروى تسخر منها : ياحرام دة الباشمهندس صعب علية ماتجبيه وتيجى عندنا دى خالتك هتفرح ، حتى تاكلى ورق عنب قبل ماتسافرى المنحة بتاعتك .

عزة : دة لسة بادرى قوى قوى قوى على السفر ادعيلى يارورو ربنا يحنن قلب هشام عليا ويوافق .
اروى : هيوافق ماتقلقيش يالا سلام بقة هاروح لاصحابى .

عزة قرصتها من خدها وقالت : ركزى يابت فى المذاكرة ها مذاكرة وبس .
اروى تالم : حاضر يادكتورة حاضر بس وصى خالتك عليا انتى .

عزة ابتسمت : يالا بقة زوقى عجلك ورايا حاجات كتير هاعملها قبل ماامشى .
اروى ابتسمت ورمت لها بوسه عالهوا : سلام يازوز . وتركتها وذهبت .

ضحكت عزة على طريقة اروى بنت خالتها فى الحديث معها برغم فارق السن بين عزة واروى حوالى ٦ سنين الا ان عزة تعتبر اروى اختها الصغيرة وتحبها جداجدا .