عشقى الحر

الخامس عشر .،،،،انقى شيء

خرجت عزة من الحمام وعاكسها جونى ثم دخل الحمام هو الاخر وخرج والدته كان بتتصل بيه .
ردعليها بالفرنسية .
سيلينا : حبيبى ياجو عامل ايه ! طمنى عليك ليك شهرين بعدين عنى .
جو ضحك : ياسيلى ياحبيبتى انا كويس جدا جدا جدا وهتشوفينى قريب قوى .
عزة كانت بتبص له وتبتسم اشر لها جونى وجت قعدت على رجله وحاضناه .

سيلينا : كدة ياجو تتجوز وانا ماحضرش فرحك .
جونى : ياحبيبتى ماعملناش فرح ولا حاجة دى كانت حفلة بسبطة كدة عشان العروسة واهلها وقبل عزة من خدها .
سيلينا : طب هتيجى امتى انا عاوزة اشوفها .
جونى : هاجيبها واجى قريب .
سيلينا : طب تعالى عشان نعمل حفلة كبيرة ونعلن جوازك قدام الناس .
جونى : حاضر ياسيلى هاجى قريب . واغلق الخط . ثم تكلم العربى مع عزة

عزة : دى مامتك ! .
جونى : ايوة عايزة تشوف البنت اللى اتجوزتها وبحبها وقلت هاروح قريب هاخدك ونسافر هناك يومين كدة .
عزة : بجد عايزة تشوفنى سيلى .
جونى ضحك وقال : ايوة دلعيها و هى تحبك .
عزة بقلق : يعنى ياجو هتحبنى مامتك ولا عشان انا مسلمة هتكرهنى !
جونى : ماما بتحبنى وهتحب اى حد بحبه  وبعدين هما بيكرهوا المسلمين عموما يعنى مش انتى لوحدك اطمنى .
عزة بصتله بقلق جونى شدها وباسها من جبينها وقال : انتى خايفة ليه مش انا معاكى يبقى متخافيش ابدا .
عزة : بس انا خايفة تمشى وتسيبنى ولا ياخدوك منى و عينيها رغرغت بالدموع .

جونى ضحك وقال : مين دول اللى ياخدونى انا محدش ياخدنى منك يا حبيبى وبعدين انا ماسيبتكيش ولا لحظة انا كنت معاكى فى كل حته وكل مكان وعارف بتعملى ايه من اول مارحتى تسألى عن مين اللى بعت الورد وروحتى قعدتى عالكافيه اللى قعدنا فيه ويوم ماكلتى ايس كريم مع بنت صاحبة ديدى ويوم خطوبة ديدى وطارق لحد ما خلصتى ورقك وهتمشى ويوم ما قعدتى عالبحر انتى وقريبتك .وروحتى شربتى قهوة .

عزة بصتله باندهاش وذهول : انت كنت بتراقبنى ولا ايه !
جونى : لا كنت باطمن عليكى خايف لحد يخطفك منى كدة ولا كدة ويتجوزك غصب عنى .
عزة بصت له وضمت حواجبها : ياسلام يعنى عرفت دة كله عشان كدة بس !

جونى : طبعا وحضنها جامد وقال : متعرفيش انا كان بيجرالى ايه لما كنتى بتقعى فى كل مشكلة وخفت عليكى قوى لما اتخطفتى لحد دلوقتى وانا بخاف عليكى .
عزة بعدت عن حضنه وقالت : فحطيت عليا حراسة صح !

جونى : ياشقية بطلى تشغلى بالك .
عزة : استنى فى فرنسا وفهمناها انما عالبحر دى عرفتها ازاى !
جونى : انا بقة اللى شفتك تعرفى انى كنت قاعد قريب منك وحسيت بيكى قوى وانتى سرحانة بتفكرى فيا .
عزة ضربته بصدره وقالت : طب ليه ماجيتش تشوفنى وتخلينى اشوفك واطمن عليك .
جونى : كنت مرتب كل حاجة ومش عايز حاجة تبوظ

عزة: اه صح احكيلى بقة انت جيت هنا ازاى واشتريت الفيلا امتى وبتعمل ايه فى اسكندرية وجامعة اسكندرية .!
جونى : ولا حاجة جيت ورا حبيبتى عشان ماتبقاش لوحدها وتبقى زعلانة انى سيبتها بس كدة .