وصلت عزة الى شقتها لا تعلم كيف وصلت الى شقتها دخلت وجلست على اقرب كرسى ومددت رجليها وقالت : ياه ايه اللى بيجرالنا ازاى الواحد يقدر يعيش بوشين كدة ليه الخيانة سهلة قوى كدة لما انا مش عاجباه ليه ماصارحنيش بكدة كنت هاقبل والله عادى واسيبه ونزلت دموعها بغزارة كبيرة وقالت وهى ترتمى على الارض وضربت على صدرها وقالت : ليه الخيانة بتوجع قوى كدة يارب انا عشت معاه بما يرضى الله كنت حافظاه وحافظة واسمه عمرى ماخليت حد يتجاوز معايا بكلمة ومسحت دموعها وقالت :
عشان انتى عزة صلاح الدالى بيه او من غيره عمرك ياعزة ماهتخلى حد يتجاوز معاكى مش عشان هشام لا عشان دى تربيتك واخلاقك فوقى ياعزة وبصى لمستقبلك وحياتك ربنا اختارلك الأصلح والاحسن يفعل الله ما يريد والحمد لله على كل حال اشهد يارب انى ما ظلمته .وحسبنا الله ونعم الوكيل وكفى بالله حسيبا وكيلا وقامت دخلت الحمام واخدت دش وطلعت بدلت ملابسها ودخلت على سريرها .
فى نفس الوقت كان جونى يجلس مع امه وابوه فى صالون القصر الكبير .
سيلينا امه : جو حبيبى انا عايزاك تتجوز وتبنى اسرة .
جونى : ياامى لسه بدرى قوى .
سيلينا ابتسمت وقالت : انا بعتلك انهاردة عشان اقلك لقيتلك بنت جميلة من عائلة غنية جدا من الدنمارك وبتدير شركه ابوها من زمان وهتبقى شريكتنا
ابوه باتريس : جونى مش هيتجوز كدة ياسيلينا لازم يعذبنا الاول .
جونى ضحك وقال : اه يعنى صفقة يعنى وعندها كام مليون يورو بقة !
ضحكت سيلينا وضعت فنجان القهوة وقالت : وايه يعنى يبقى جواز وشراكه .
بات : بس ابنك مش بيفكر زبنا كدة .
سيلينا : ايه رايك ياجو لو عملت حفلة عشا وجيت تشوفها وتتقابلوا !
جو وقف ووضع ايده بجيبه وقال : امى الزمن دة خلص من مدة طويلة جدا انهاردة شئ تانى لازم اكون واثق من خطوة الجواز دى ومع الانسانة اللى بحبها مش شركات وبيزنس .
امه : بس جوليا بنت ممتازة جدا وجميلة وسيدة اعمال شاطرة ليه ماتتعرفوش على بعض يمكن يحصل بينكم علاقة حب وتتجوزها .
جونى كان مشغول بعزة جدا وقلقان عليها وعايز يرجع بسرعة لشقته عشان يطمن عليها رد وقال : لما اعوز اتجوز هابقى ابلغكم بالانسانة اللى هاختارها سلام وتركهم ورحل .
دخل جونى الى العمارة وصعد الى شقته وهو يمشى امام شقة عزة يريد ان يطرق بابها لكنه يعلم عاداتها لن تقبل بهذا ضم يده بغضب وقال فى نفسه :
هى مش هتسمح ليا انى اتكلم معاها بس انا عايز اطمن عليها . وذهب لشقته واغلق الباب خلفه ودخل وارتدى تيشيرت وبنطلون قطنى وكوتشى ووقف ينظر للشارع من شرفة منزله حتى قاطعه رنين جرس الباب .
فتح جونى وجد بنت جميلة امامه ترتدى بليزر اسود وجيبة سوداء مينى وتيشرت قصير للغاية تحت البليزر وقالت : اهلا جونى
جونى ابتسم لها ودخلها رغم انه كان متضايق جدا وقال :
اهلا جوليا بسرعة البرق ماما خبرتك مكان شقتى .
جوليا ضحكت وردت : حبيبى انت معروف جدا وسهل اعرف مكان شقتك ياجو وانا معجبة بيك قوى .
ESTÁS LEYENDO
عشقى الحر
Romanceعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...
