مر يومان اخران .فى منزل السيدة رجاء ..
اسامة كان معاها بيتكلموا وقفت وقالت : خالتك تعبانة وانا رايحة اشوفها .
اسامة : طب تعالى اوصلك وبالمرة اشوفها واطمن عليها واخدها اسامة الى بيت اختها فتح لهم سامر ودخلوا كلهم الى صالة البيت .
قعدوا يتكلموا شوية وخرجت يسرية تسلم على اختها واسامة . واتكلموا شوية ورن جرس الباب فتح سامر واستقبل ايمان ودخلها الى صالون البيت .
ايمان دخلت وشافت اسامة تسمرت فى مكانها .يسرية شافتها وقفت لتسلم عليها وقال : اهلا يايمان اتفضلى .
رجاء عندما شافتها انزعجت كثيرا وسلمت عليها بجفاء قليلا لم تنسى انها كانت خطيبة ابنها اسامة فى يوم ما وتركوا بعض لانها عنيدة وتفعل ماتريد ولا يهمها خطيبها ولا غيره .ايمان جات قدام اسامة ومدت ايديها وقف اسامة وسلم لكن كانت عينه بعيدة عنها .
سامر : اقعدى ياايمان .
ايمان قعدت لكن عيونها على اسامة تنظر له من تحت لتحت قالت : انا كنت جاية اسلم على طنط يسرية واشوف اروى .
يسرية : فيكى الخير عاملة ايه واخبار جوزك ايه !
ايمان ردت وتريد ان يسمعها اسامة بالذات : احنا هنطلق اتفقنا خلاص .
رجاء تدعى الحزن تريدها بعيد عن ابنها : ازاى يابنتى ليه كدة !
ايمان : كدة احسن ياطنط رجاء .!
يسرية : وابنك يابنتى هتعملى فيه ايه !ايمان : مودى معايا وهنقل مدرسته هنا .كل هذا واسامة ساكت .
سامر دخل ليرد على التليفون فى اوضته .
يسرية : هاقول للبنت تعملكوا عصير وقفت رجاء وقالت : انا هادخل الحمام خدينى معاكى وكان القدر يصنع لهم فرصة لقاء غابت طويلا .
ايمان وكلها شوق لحب عمرها القديم : ازيك يااسامة عامل ايه !
اسامة رد بجفاء قليلا : كويس الحمد لله بخير .
ايمان : ايناس والولاد عاملين ايه !
اسامة : الحمد لله بخير .
ايمان : انا هاطلق وهارجع اسكندرية من تانى .اسامة لايرد وكانها لم توجه له اى كلام . ايمان : انت مش بترد ليه يااسامة .!
اسامة : وانا مالى ومالك ياايمان ماتطلقى ولا تجوزى انتى حرة دى حياتك وانتى حرة فيها انا مليش دخل فيها .
ايمان : بجد يااسامة مش عايز تعرف حاجة عنى !
اسامة : واعرف ليه عنك ولا عن غيرك انا راجل مشغول بحياتى مراتى وولادى افكر فى حد تانى ليه اصلا .ايمان تبكى : بس انا لسه بافكر فيك يااسامة مش قادرة انساك ابدا حتى لما اتجوزت مقدرتش انساك ..اسامة وقف وقال بهدوء جدا : انتى حرة تفكرى او ماتفكريش انتى حرة انا مليش دخل .
ايمان : وانت يااسامة عمرك مافكرت فيا ولو لحظة واحدة بس .اسامة : تصورى عمرى مافكرت اصلى بحب مراتى وولادى شاغلين كل فكرى مفيش فى حياتى ولا عقلى غيرهم وبعدين انا مش فاهم انتى تقصدى ايه بكل الكلام دة ياايمان !
ايمان تمسح دموعها : كان نفسى يبقالى فرصة تانية معاك يااسامة ولو حتى من بعيد .
اسامى اتفاجا بطلبها الجرئ وقال : انتى مجنونة ولا ايه فرصة ايه ! انا بحب ايناس ومستغنى بيها عن كل الستات اللى فى الدنيا كلهم وانتى منهم شوفى حياتك ياايمان بعيد عنى وانسينى خالص ياترجعى لجوزك ياتجوزى غيره انتى حرة وتركها ورحل .
أنت تقرأ
عشقى الحر
Romanceعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...