انتهى جونى من محاضرته والقى فيها بعض المعلومات القيمة جدا لفت نظر عزة طريقة شرح جونى السلسة جدا وفهمت انه خبير جدا بمجال التاريخ والحضارات وهذا كان واضحا جدا من القاء بعض المعلومات الهامة وسط المحاضرة . انتهت المحاضرة وخرج جونى بعدما القى نظرة على عزة سريعة وذهب وابتسم انه ضايقها زى ماضيقته الصبح .
ديدى مدت يدها لعزة الجالسة بجوارها وقالت بالعربيه : اهلين فيكى نورتى الصف انا خديجة بينادونى ديدى .
عزة فرحت ان فى حد عربى معاها ابتسمت لديدى ومدت ايديها وقالت : اهلا بيكى انا عزة من مصر .
ديدى : وانا سوريه وعايشى بباريس من زمان كتير .
عزة : اسمك جميل ياخديجة .
ديدى قدمت طارق لعزة وقالت : هيدا طارق معنا فى الصف وهو كمان سورى .
طارق مد يده لعزة وقال : اهلين عزة .
عزة ابتسمت ورفعت القلم وسلمت بيه وقالت : اهلا طارق عذرا انا مش باسلم على شباب .
طارق ابتسم وقال : عادى ولا يهمك نحنا كلنا هون اخوات وبنحترم بعض وفى صبايا كتير مثلك مابيسلموا .
ديدى : عزة بدى اقولك شى اول مرة الدكتور جونى يسمح لحدا يدخل محاضرته انا اتفاجات كتير والله انه خلاكى تفوتى عالصف .
طارق لديدى : ياديدى الصبية باين عليها انها غريبى والزلمى طول عمره مزوق ونظر الى عزة وقال : اسمعى عزة الدكتور جونى رجال مليح لكن له نظام يحب الكل يحترمه اطلعى حولك هون شباب كتير فرنسيين ما بيميز حدا عن حدا .
عزة ابتسمت وردت : ان شاء الله تكون سنة سهلة وبسيطه علينا كلنا وتعدى بخير
ديدى ضحكت وقالت : كنتى عم بتقولى شى وانتى فايتة والله ضحكتنى .
عزة ضحكت بسخريه وقالت : اه ماانا معيدة فى جامعة اسكندرية وكنت هابقى مدرس مساعد لولا المنحة وبصراحة كدة انا برده ليا نظام زى الدكتور دة .
ضحك طارق وديدى وقال طارق : هيدى دعوة حدا منهن مافوتيه عالدرس .
عزة قالت وهى بتقف : اظاهر كدة وقالت لديدى : فى محاضرات تانية انهاردة !
ديدى : فى محاضرة للدكتور فريدى بس حطى براسك هيدى زلمى قاسى كتير ومابيحب الا الفرنسيين وبينادى بان كل الطلاب لابد يكونوا فرنسيين بس وما بيحب العرب .
عزة بذهول : معقول فى حد متخلف كدة ! امال احنا جايين نتعلم هنا ليه وسايبين حياتنا وبيوتنا وبلادنا .
ديدى نظرت ليدها وجدتها ترتدى دبلة فى يدها اليمين سألتها : انتى مرة متزوجة !
عزة : لأ مخطوبة و مكتوب كتابى و لسه متجوزتش .
كان احد الطلاب الفرنسيين يرى عزة وهى تتحدث مع طارق وديدى وحوله عدة طلاب فرنسيين غيره يتحدثون بالفرنسية .
فرانسوا : بصوا البنت اللى جات جديدة ياشباب .
ديمى صديقه : اه حلوة بس باين عليها مسلمة يافرانس .
كودا صديقهم : سيبكم منهم كلهم مسلمين ياجماعة ماتهتموش بيهم .
فرانس : بس البنت دى حلوة بجد ياكودا .
كودا ربت على ذراع فرانس وقال : فرانس المسلمين ليهم عادات غيرنا سيبك منها .
ديمى بانزعاج وتافف : هو احنا ناقصين كفاية علينا اللى هنا عشان تيجلنا واحدة كمان ومسلمة ولابسة البتاعة اللى على شعرها دى .
YOU ARE READING
عشقى الحر
Romantikعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...
