عشقى الحر

الثامن عشر ،،،،ذكريات جديدة

بعد فترة بسيطة قامت عزة  ولقت  جونى بيصلى  خلص وبيدعى ربنا يحفظ مراته من كل شر انتهى وقام لقاها صحيت 
جونى ابتسم لها وسالها : بقيتى كويسة !

عزة ابتسمت له وقالت : الحمد لله طول ماانت معايا ربنا بينحينى انت  بقى فيك ايه كل مايجرالى حاجة انت اللى تنقذنى .

جونى  اخدها بحضنه وقال : بصراحة مش عارف انتى اللى فيكى ايه بينك وبين ربنا كل مرة بينجيكى  ياترى انتى بتقولى لربنا ايه عشان ينقذك كل مرة ..عزة رفعت راسها وقالت : بقول يارب احفظنى انا و كل البنات  بس كدة .

جونى : عشان كدة ربنا بينجيكى عشان بتدعى لنفسك ولكل البنات . بقولك احنا هنمشى فى اقرب وقت ماتيجى ننزل نشترى هدايا  !
عزة :  ضرورى !  انا مش عايزة انزل ..جونى قومها وقال يشاكسها  : يالا ادخلى الحمام وتلبسى خلينا نزل ناكل ونشترى هدايا عشان بوسى  .
عزة ضحكت عليه وقالت :   اه من  بوسى  وحشتنى .

جونى : يالا بسرعة خلينا ننزل  وبالفعل دخلت عزة للحمام وخرجت ترتدى الاسدال صلت فرضها ودخلت لغرفة الملابس وارتدى بنطلون جينز واسع وعليه سويت شيرت طويل وحجاب وكوفيه وخرجت كان جونى ارتدى جاكيت طويل وتحته سويت شيرت واخدها ونزلوا  وذهب بها لاكثر من محل،
تشترى عزة لاقاربها وجونى يشترى لها ثم اخدها لمطعم  يعمل اكل عربى  اكلوا وانتهو، واخدها واشترى لها  ايس كريم وحاول ان ينسيها ما حدث .دخل بها لمحل ملابس اشترى لها جواكيت  كثيرة  ماركات عالمية لاتوجد الا فى باريس .

عزة : خلاص انا تعبت قوى عايزة اروح ..جونى يضحك عليها : استنى تعالى نشترى برفانات واخدها بالعافية ودخلوا واختار لها برفات كتيرة .
عزة : ودول لمين بقة ان شاء الله .
جونى : ليا طبعا امال هتحطيهم لمين يعنى غيرى انا  .بصتله عزة وسكتت .

جونى : ملكيش دعوة انتى واشترى برفانات كتير  .
خرج جونى  وفى يده كيس صغيرة وقال : يالا نروح بقة ..عزة ردت : اه يالا لاحسن اشترينا نص باريس  .

ضحك جونى وقال : يالا عشان  المحلات هيبعتوا الحاجات اللى اشتريناها ، وهما ماشيين شاف محل شنط  دخلها غصب عنها واشترى لها شنط كتير  .
عزة : جونى يالا تعبت والله . اخدها جونى ووصلوا البيت دخلوا وفعلا الامن طلع الشنط كلها لحد الشقة كانت صالة البيت كلها  اكياس ..

عزة : جونى تيجى نبات فى شقتى انهاردة !.جونى رد : ماشى وليه لأ  وذهبوا لشقتها فتحت ودخلوا . واغلق جونى الباب خلفه دخل وابتسم .
عزة : ايه بتبتسم ليه !
جونى : فاكرة لما كنتى واقفة هنا فاكرة لما اتكلمنا هنا  فاكرة !.

عزة : فاكرة  شدها جونى عليه وقال : مش فى طقوس لازم نعملها  اول ماندخل المكان !.عزة ردت : طقوس ايه !

جونى قبلها بحب وشوق كبير وجذبها لحضنه وقال : هى دى الطقوس وقبلها مرة اخرى وقال : لازم ننسى كل حاجة وحشة حصلتلنا هنا ونعمل ذكريات جديدة هنا تعالى قوليلى كنتى زعلانة وحزينة وبتعيطى فين !.