فى صباح اليوم التالى ذهب يوسف للكلية القى محاضرته ثم ذهب لشركته دخل ودخلت خلفه السكرتيرة وقالت :
دكتور يوسف المذيعة ايمى سالم سألت على حضرتك اكتر من مرة وهى برة مصممة تدخل لحضرتك .
يوسف بهدوء : دخليها . تركته وخرجت ودخلت ايمى سالم وظهر عليها الحزن وقالت :
دكتور يوسف ازى حضرتك عامل ايه يارب تكون بخير .يوسف بهدوء اشر لها ان تجلس امامه على كرسى المكتب وقال : الحمدلله بخير .
ايمى تدعى الحزن : انا مش عارفة اتاسفلك ازاى على الاخبار اللى انتشرت امبارح دى انا اسفة جدا جدا .يوسف بذكاء : عادى صحافة صفرا كل اخبارهم كدابه ومحدش بيصدقهم .
ايمى بنفس التاثر : انا مش عارفة اقولك ايه بجد اتمنى ماتزعلش ابدا هما الصحافيين كدة ما يصدقوا يقابلوا اى شخصية عامة ويعملوا عليهم حوار اتمنى ماتزعلش .يوسف : اتمنى ماتزعليش انتى يااستاذة من الخبر الكداب دة ولا ايه،،،،،!
ايمى ابتسمت له وقالت : الحقيقة حضرتك شخصية جذابة كنت اتمنى يكون الخبر حقيقى .
يوسف ضحك : بعض التمنى احلام .
ايمى تبتسم : ليه هو انا مااستحقش يادكتور !
يوسف : اعتقد بذكاءك دة تقدرى توصلى للى انتى عايزاه لكن فى حاجات صعب توصليلها فى الدنيا .
ايمى تبتسم : طب اعمل ايه عشان اوصل للحلم دة !يوسف نظر لها وقال بهدوء : قربى للى تقدرى توصليله بس . غير كدة صعب عليكى وعلى فكرة انتى غبية قوى حركة زى الاخبار دى ماتاثرش سم واحد فيا شوفى لعبة غيرها .
ايمى ذهلت مماقاله ردت بسرعة وتدعى البراءة : انت فاهم غلط انا مليش يد فى الاخبار دى يادكتور اقسملك .
يوسف ضحك وقال : مش بقولك غبية قوى اسمعى يا مدام انتى هتخرجى دلوقتى من هنا وهانساكى بعد لحظة واحدة مش هافتكرك اصلا فالاحسن ليكى ولا كانك قابلتينى .
ايمى تنظر له مصدومة مما قاله وقفت وقالت : بس انا ماتنسيش يا دكتور .
يوسف : لا عادى اللى زيك كتير بيتنسوا عادى جدا وانا اكتفيت انى شيلت المواقع دى من على الوجود خالص لانه لعب اطفال مش اكتر .ايمى ضايقها كلامه المستفز وخرجت دون كلمة واحدة . نظر لها يوسف وهى تخرج رفع حاجبه وقال : قال بينى وبينها حب قال وضحك على غيرة عزة وانه فضل طول الليل يصالحها لحد ماهدت وقال : الحب جنون والغيرة قاتلة . وكمل شغل .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند عزة فى الفيلا .
دخلت سيارة ايناس ومعها ابنها صلاح وبيسان الى الفيلا من الداخل . استقبلتهم عزة بالفرح والترحاب . حضنتهم ودخلت معهم الى الداخل .
عزة بفرحة : ايه المفاجاة الحلوة دى وقبلت بيسان من خدها وقالت : بوسى ياقمر اخبارك ايه !
بوسى : بخير يازوزة وحشتينى .
صلاح : عاملة ايه يازوزة اخبارك !
عزة : بخير الحمد لله انتوا اللى عاملين ايه وقالت لايناس : ماما اخبارها ايه !
أنت تقرأ
عشقى الحر
Romanceعزة واقفة قدام جونى مرتبكه جدا تنظر فى عينيه الزرقاء قرب منها جونى ويده فى جيب بنطال بدلته وقال بمنتهى الجديه بجوار اذنها باللغة العربية لا تخافى لن اقترب منك مجددا الا عندما تكونى حلالى على سنه الله ورسوله . وتركها ورحل الى غرفه العميد وقد برقت...