" ပြေပါတယ်။ မင်းအဖေက အရမ်းဂရုစိုက်ပေးပါတယ်။ မင်းရော ငါ့အိမ်မှာနေရတာဘယ်လိုလဲ "
" သခင်လေးရှောင်းရဲ့အိမ်မှာနေရတာ သက်တောင့်သက်သာပါပဲ "
ရယ်ကျဲကျဲနှင့်ပြောလာသည့်ဝမ်ရိပေါ်ကို ရှောင်းကျန့်က မျက်စောင်းထိုးလိုက်သည်။ မေးမိသည့်သူက မှားတာပါပဲ။
" မင်းပြောကြည့်။ ငါတို့တစ်သက်လုံး ဒီလိုပဲနေရတော့မှာလား... "
ရှောင်းကျန့်က သက်ပြင်းချ၍ သူတို့၏ အနာဂတ်ကို စဉ်းစားသည်။ ယခုလို ကိုယ့်မိဘကိုယ်လာတွေ့သည်ကိုပင် မိဘများ သူ့ကိုမတွေ့အောင် နေရသည်က စိတ်ပင်ပန်းစရာကောင်းလှသည်။ ရှောင်းအိမ်တော်မှာ နေရသည်က များပြားလွန်းသည့်စာသင်ချိန်များကြောင့် ဘယ်လောက်ပဲ ပင်ပန်းရသည်ပြောပြော၊ အနည်းဆုံးတော့ သူ၏မိဘအရင်းများနှင့် အတူတူနေနိုင်ပါသေးသည်။ သူတို့က စာနှင့်ပက်သတ်လျှင် တင်းကျပ်ပါသော်ငြား၊ သူ့အပေါ် အမှန်တကယ်ဂရုစိုက်သည်ကို သူသိပါသည်။
" ငါလည်းနည်းလမ်းစဉ်းစားနေပါတယ် "
" ဘယ်နည်းလမ်းမှ အလုပ်မဖြစ်ရင်ရော? "
" အခုလို ဘေးကနေ အားပေးနေတဲ့သူငယ်ချင်းမျိုးရှိတော့ သေချာပေါက် နည်းလမ်းက တစ်ခုမဟုတ်တစ်ခုတော့ အလုပ်ဖြစ်မှာပါ "
ရွဲ့သည့်ပုံစံဖြင့်ပြောလာသည့် ဝမ်ရိပေါ်ကြောင့် ရှောင်းကျန့်က ထိုသူ၏လက်မောင်းကို ဖတ်ခနဲ လှမ်းရိုက်မိသည့်အခါ ထွက်လာသည့်အသံက မဆိုသလောက်ကျယ်သွားတာမို့ နှစ်ယောက်လုံး၏ အကြည့်များက ကုတင်ပေါ်ရှိ ရှောင်းမားဖြစ်သူထံသို့ ရောက်ရှိသွားကြသည်။ ရှောင်းမားက ဆက်အိပ်နေဆဲဖြစ်သည်ကို သေချာမှ ရှောင်းကျန့်က စိတ်သက်သာရာရသွားပုံဖြင့် ခပ်ဖွဖွသက်ပြင်းချသည်။ သေချာပေါက် သူ့မားက သူ့ကို ဝမ်ရိပေါ်လို နောက်ခံမရှိသူနှင့်ပေါင်းသည်ကို သဘောကျမှာမဟုတ်သောကြောင့် ရှောင်းမားက သူ့ကို တွေ့လို့မဖြစ်ပါချေ။
" ငါ သည်နေ့တော့ ပြန်လိုက်တော့မယ်။ နောက်နေ့မှ လာကြည့်မယ် "
" အင်း ဟုတ်ပြီ။ မင်းလာလို့အဆင်ပြေတဲ့အချိန်ကျရင် ငါမင်းကို စာလှမ်းပို့လိုက်မယ် "
YOU ARE READING
Switch
RandomWhen an Unexpected Change Occurred Between You and Your Rival. Start Date - 4 Oct 2023 ( Wed ) End Date - 12 Apr 2024 ( Fri ) Status - Completed Chapters in Total - 36 Chapters Average words per chapter - 1500 BJYX Myanmar Fanfiction: Wang Yi Bo ×...
Chapter - 23
Start from the beginning
