Unicode
အပိုင်း ၇။ အချိန်ပိုင်းအလုပ်
ယနေ့ကျောင်းဆင်းချိန်တွင် ရှောင်းကျန့်က အိမ်တန်းမပြန်ရဘဲ ဝမ်ရိပေါ်အလုပ်လုပ်ခဲ့သည့်ကဖေးဆိုင်သို့ သွားရသည်။ သူအလုပ်မလာတာကြာပြီဖြစ်တာကြောင့် ဤမနက်တွင် ဆိုင်ရှင်ထံမှ သတိပေးစာရရှိခဲ့သောကြောင့်ဖြစ်သည်။ ဆိုင်ရှင်က သူဒဏ်ရာရခဲ့ကြောင်းကိုသိခဲ့သောကြောင့် အလုပ်မထုတ်ဘဲ သတိပေးစာပဲပို့ခြင်းဖြစ်မည်ဟု ရှောင်းကျန့်ကခန့်မှန်းချက်ပြုလိုက်သည်။ သို့သော် ဆိုးသည်က ဆိုးသည်ပင်။ ပန်းကန်ပင်တစ်ခါမှမဆေးဖူးသည့်ရှောင်းကျန့်လိုသခင်လေးက ဆိုင်ဝန်ထမ်းလုပ်ရမည်ဆိုသည်မှာ အတော်လေးအကျပ်ရိုက်စရာကောင်းသည့်ကိစ္စရပ်မျိုးပင် ဖြစ်သည်။
ဆိုင်သို့ရောက်သည့်အခါ ဝန်ထမ်းယူနီဖောင်းလဲပြီး အခြားဝန်ထမ်းများ၏လုပ်ဆောင်ချက်များအတိုင်း သူလည်းလိုက်လုပ်ရသည်။ ပန်းကန်များကိုသယ်သည့်အခါ မပြုတ်ကျအောင် ကြိုးစားနေရသည်မို့ အေးစိမ့်စိမ့်လေထုကြားမှရှောင်းကျန့်က ချွေးများစို့လာခဲ့သည်။ အခြားသူများကို ဝန်ဆောင်မှုပေးနေရသည်က သခင်လေးတစ်ယောက်အနေဖြင့် အတော်လေးကို မကျေမနပ်ဖြစ်စရာပင် ဖြစ်နေပါ၏။
" အစပ်မထည့်ဖို့မှာထားတယ်မလား။ ဒါကဘာလို့စပ်နေတာလဲ "
ရှောင်းကျန့် ဟင်းပွဲသွားပို့ခဲ့သည့် စားပွဲဝိုင်းမှ စားသုံးသူတစ်ယောက်ထံမှ မကျေမနပ်တုံ့ပြန်ချက်တစ်ခုထွက်လာသည်မို့ ရှောင်းကျန့်က ထိုဝိုင်းဆီသို့ ပြဿနာဖြေရှင်းရန် သွားရသည်။ ထိုဝိုင်းအတွက် မှာစဉ်က စာဖိုမှူးကို အစပ်မထည့်ဖို့ပြောခဲ့သည်ကို သူအသေအချာမှတ်မိပါသည်။ ဟင်းကလည်း အစပ်ပါပုံရမနေပါချေ။
" ကျွန်တော် စာဖိုမှူးကို အစပ်မထည့်ဖို့ သေချာပြောလိုက်ပါတယ် "
" အဲ့တော့ ငါက အပြစ်မရှိအပြစ်ရှာနေတာပေါ့ "
" မဟုတ်ဘူးလား "
ရှောင်းကျန့်၏ တုံ့ပြန်စကားကြောင့် ထိုအမျိုးသမီးက တော်တော်လေး ဒေါသထွက်သွားပုံရသည်။
BẠN ĐANG ĐỌC
Switch
Ngẫu nhiênWhen an Unexpected Change Occurred Between You and Your Rival. Start Date - 4 Oct 2023 ( Wed ) End Date - 12 Apr 2024 ( Fri ) Status - Completed Chapters in Total - 36 Chapters Average words per chapter - 1500 BJYX Myanmar Fanfiction: Wang Yi Bo ×...
