Unicode
အပိုင်း ၃။ ဆန်ပြုတ်ချည်းသာသောက်နေရသော သခင်လေးရှောင်း
ပြန်လည်သတိရလာသည့်အခါ ကိစ္စအလုံးစုံကို သဘောပေါက်သွားသည့်ရှောင်းကျန့်က ကြံရာမရဖြစ်နေရသည်။ သူနှင့်ဝမ်ရိပေါ်က ရန်ဖြစ်ပြီး လှေကားပေါ်မှ ပြုတ်ကျသွားပြီးနောက် ခန္ဓာကိုယ်ချင်းလဲသွားခဲ့သည်။ သူက လက်ရှိ ဝမ်ရိပေါ်၏ခန္ဓာကိုယ်ထဲမှာဖြစ်ပြီး ဝမ်ရိပေါ်ကတော့ သူ့ခန္ဓာကိုယ်ထဲမှာဖြစ်သည်။ ရှောင်းကျန့်က ယခုချိန်ထိ တစ်ဖက်ကုတင်တွင် အေးအေးလူလူလှဲနေနိုင်သော ဝမ်ရိပေါ်ကို မျက်စောင်းထိုးသည်။
သောက်ကျိုးမပေးတဲ့ ဝမ်မျိုးရိုးနဲ့ကောင်။
" ရိပေါ် သားဗိုက်ဆာပြီလား။ ဒီမှာ အဖေဆန်ပြုတ်ပြုတ်လာခဲ့တယ် "
ဝမ်ရိပေါ်၏အဖေဖြစ်သူက ယူလာသည့်ထမင်းချိုင့်ကိုဖွင့်၍ သူ့ကိုခွံ့ရန်ပြင်သည်။ ရှောင်းကျန့်က အစက ဗိုက်မဆာသော်ငြား အဖုံးဖွင့်လိုက်သည်နှင့် အငွေ့တချို့နှင့်အတူ ဆန်ပြုတ်နံ့မွှေးမွှေးလေးကပါ လေထုထဲသို့ ရောနှောပါလာသောကြောင့် သူ့ဗိုက်က ဟာတာတာခံစားလိုက်ရသည်။ သို့သော် သူက ခွံ့ကျွေးမခံချင်တာကြောင့် ဖခင်ဖြစ်သူလက်ထဲမှ ချိုင့်ခွက်ကို လွှဲယူလိုက်ပြီး သူကိုယ်တိုင်သာစားသည်။ ပူနွေးနွေးဆန်ပြုတ်လေးက သူ့ဗိုက်ထဲသို့ ဝင်လာသည့်အခါ ကျေနပ်သွားသည့်ရှောင်းကျန့်က အပြုံးလေးတစ်ခုဖန်တီးသည်။ ရှောင်းကျန့်က သူနှစ်သက်သည့်အစာစားရချိန်တိုင်း ပျော်ရွှင်တတ်သည်။
" သခင်လေးအတွက် မစ္စစ်ရှောင်းက ကြက်ပေါင်းခေါက်ဆွဲပို့ထားပါတယ်။ သခင်လေး သုံးဆောင်တော့မလား "
ရှောင်းကျန့်၏ မိခင်ဖြစ်သူက မပြီးမြောက်သေးသည့်အလုပ်များရှိသေးသောကြောင့် သူ့သားကို စောင့်ရှောက်ပေးရန် လူတချို့ခေါ်ထားပေးခဲ့သည်။ ယခုလည်း သူတို့သခင်လေးက သူများစားနေသည်ကို ငေးကြည့်နေတာကြောင့် အလိုက်တသိမေးလိုက်ခြင်းပင်။ သခင်လေးက ခေါင်းညိတ်သည့်အခါ သူတို့လည်း ပူနွေးနွေးခေါက်ဆွဲကို ထုတ်၍ သခင်လေးကို စားနိုင်ရန် အသင့်ပြင်ပေးလိုက်သည်။
YOU ARE READING
Switch
RandomWhen an Unexpected Change Occurred Between You and Your Rival. Start Date - 4 Oct 2023 ( Wed ) End Date - 12 Apr 2024 ( Fri ) Status - Completed Chapters in Total - 36 Chapters Average words per chapter - 1500 BJYX Myanmar Fanfiction: Wang Yi Bo ×...