Unicode
အပိုင်း ၄။ လူချမ်းသာများ၏နေထိုင်မှု
မျက်နှာမှ ဒဏ်ရာဒဏ်ချက်များမှအပ အခြားထိခိုက်မှုမရှိသွားသည့် ရှောင်းကျန့်၏ ခန္ဓာကိုယ်နှင့် ဝမ်ရိပေါ်က ဆေးရုံဆေးခွင့်ရသွားပြီဖြစ်သော်လည်း ခေါင်းကွဲသွားသည့် ဝမ်မျိုးရိုးခန္ဓာကိုယ်ထဲရောက်နေသည့် ရှောင်းကျန့်ကတော့ ဆေးရုံကုတင်ပေါ်မှာ လူမမာသဖွယ် လှဲနေရဆဲပင်။
" ဆန်ပြုတ်ပူပူနွေးနွေးလေးလာပါပြီ "
စကားသံနှင့်အတူ သူ့ရှေ့ရောက်လာသည့် အငွေ့တထောင်းထောင်းနှင့် ဆန်ပြုတ်ခွက်။ ရှောင်းကျန့်က ဆန်ပြုတ်ခွက်ကိုကြည့်သည်၊ ထို့နောက် ချိုင့်ခွက်ကိုကိုင်ထားသည့် ဝမ်ရိပေါ်၏ဖခင်ဖြစ်သူကိုကြည့်သည်။ သူ၏နှလုံးသားလေးက ဝမ်းနည်းမှုတို့ ပြည့်နှက်လာသောကြောင့် ငိုချင်လာပြီ။ သူ သည်ဆန်ပြုတ်ပဲ သောက်နေရတာ ဘယ်နှနပ်ရှိသွားပြီလဲ။ ဆန်ပြုတ်ဆိုသည့် အသံပင်မကြားချင်လောက်သည်အထိ ဆန်ပြုတ်ကို အီနေပါပြီ။
" ဗိုက်မဆာသေးဘူးလား "
သူတုပ်တုပ်မျှမလှုပ်သည်ကိုမြင်တော့ ဝမ်ရိပေါ်၏အဖေက စိတ်ပူသွားဟန်နှင့် သူ့နဖူးနှင့်လည်ပင်းမှ အပူချိန်ကို လာစမ်းသည်။ ပုံမှန်ဖြစ်သည်မှ သေချာမှ စိတ်အေးသွားဟန်နှင့် သက်ပြင်းသဲ့သဲ့ချသည်။
" ဆန်ပြုတ်ကြီး မစားချင်တော့ဘူး "
အသံသေးသေးနှင့်ပြောလာသည့် ရှောင်းကျန့်က သနားစဖွယ်။ သူ့ကိုသာ ဆန်ပြုတ်ထပ်တိုက်ရင် ဆေးရုံကြမ်းပြင်ပေါ်ထိုင်ပြီး အော်ငိုတော့မည့်သဘောတွင်ရှိသည်။
ဝမ်ရိပေါ်ခန္ဓာကိုယ်နှင့် ရှောင်းကျန့်ပြုမူနေသည့်ပုံစံက အဖေဝမ်ကို အံ့အားသင့်စေပုံရသည်။ ထို့နောက် အဖေဝမ်က တိတ်တခိုးပြုံး၍ ရှောင်းကျန့်၏ ခေါင်းလေးကို ခပ်ဖွဖွ ပွတ်သပ်လာသည်။
" ဒါဆို သားက ဘာစားချင်လို့လဲ။ အဖေဘာလုပ်ပေးရမလဲ "
" ကြေးအိုး "
ရှောင်းကျန့်က မနေ့က ဝမ်ရိပေါ်စားတာမြင်ကတည်းက စားချင်နေခဲ့သည့်အရာကို ထုတ်ပြောလိုက်သည့်အခါ ဖခင်ဖြစ်သူက မျက်နှာပျက်သွားသည်ကို မြင်လိုက်ရသည်။ ထိုအဖြစ်အပျက်က အလွန့်အလွန်ကို တိုတောင်းသောကြောင့် အာရုံများနေသည့်ရှောင်းကျန့်က သတိမထားမိလိုက်ပေ။
YOU ARE READING
Switch
RandomWhen an Unexpected Change Occurred Between You and Your Rival. Start Date - 4 Oct 2023 ( Wed ) End Date - 12 Apr 2024 ( Fri ) Status - Completed Chapters in Total - 36 Chapters Average words per chapter - 1500 BJYX Myanmar Fanfiction: Wang Yi Bo ×...
