His Promises

CHAPTER 19

Sakit

"Hilton?" Where's he?

Gumalaw ako at napa 'aww' sa hapdi na naramdaman. Nabigla ata.

Nasaan ba ang lalaking yun? Pagkatapos akong akitin at angkinin, iiwan lang ako dito?

Sinilip ko ang katawan ko sa loob ng kumot at naka underwear lang ako. Nakatulog ako kaagad na hindi ko namalayan na nalagyan niya pa ako ng undies. Bumangon na ako at inabot ang oversized shirt sa may mesa para isuot.

Mabilis akong naglakad pababa ng hagdan, hindi na alintana ang sakit. Wala naman sa sala si Hilton. Sumilip ako sa labas at natanaw ko si mama na nagdidilig ng halaman at si Mica na nagwawalis sa bakuran.

"Mama!" tawag ko.

Lumingon naman ito saakin na naniningkit ang mga mata, dahil sa araw na unti unting tumataas.

"Si Hilton po?"

"Umuwi na atee" natatawang sagot ni Mica. Napanganga ako at parang nanlumo. Umuwi lang ng walang pasabi? Ang sama ng lalaking yun ah. Natawa din si mama nang makita ang pagsimangot ko kaagad.

"Nandiyan sa loob ang asawa mo. Di mo nakita?"

Kumunot ang noo ko at bumalik sa loob. Nakita ko si Hilton na nakasandal sa hamba ng pintuan ng kusina at nakahalukipkip habang nakangisi saakin.

"Looking for me huh"

God. Did I ever say how hot he is when he's topless while in the kitchen?

Nagpipigil ako ng ngiti na lumapit sa kaniya. Wala na akong pakialam kahit na para akong tanga ngayon sa harapan niya. He pulled me for a hug and a kiss on my forehead.

"Good morning, wife."

"Ang aga mo naman magising. Akala ko umalis ka na" kumalas ako sa pagkakayakap para tingnan kung anong ginagawa niya dito. He's cooking and preparing the table. Kung hindi ko lang alam na nagluluto talaga siya kahit sa Maynila ay iisipin ko na nagpapa impress lang siya dahil nandito kami sa Bicol.

"Hindi ako aalis ng wala ka. Anyway, call your mom and your sister, let's have our breakfast first" binitiwan niya ako at naglakad ako para tawagin kina mama at Mica.

Masaya kaming nagsalu salo ng almusal sa hapag. Si papa at si Jino lang ang wala dahil may importante daw itong pinuntahan ayon kay mama. Hindi na ako nag usisa at mas tinuon ang pansin sa masayang momentum na nangyayari saamin ngayon.

Tinatanong ni mama ng tungkol sa trabaho si hilton at magalang niya naman itong sinasagot. Habang kami ni Mica ay tahimik na nakikinig lamang. Tinitingnan lang ako ng kapatid ko at inaasar na kaya daw ako na-inlove dahil sa mga sinasabi ni Hilton.

Lumipas ang ilang oras ay nagpaalam kami na babalik na ng Maynila. Sakto rin na dumating si papa at Jino kaya nakapagpaalam din kami ng maayos. Pinaalalahanan pa kami ni mama na mag uusap sa tuwing may problema kaming dalawa, hindi yung ganito na maghahabulan pa bago magkabati. Natawa na lang ako at napailing naman si Hilton, namamanghang tumingin saakin na parang kasalanan ko ang lahat ng nangyari saaming dalawa.

Kinuha ni hilton sa kamay ko ang mga bag na dala dala ko at lumabas na kami. Inihatid pa kami nina mama sa labas habang kumakaway sila saamin. Nakakalungkot. I want to stay with them. Ang bigat bigat sa loob ko na iiwan ko na naman sila.

Sa sobrang arte ng lalaking ito ay mag-aantay daw kami ng taxi. Eh hindi naman uso yan dito saamin sa Albay. Kaya hinila ko na siya pasakay sa traysikel dahil hindi kami makakaalis kung maghahanap siya ng taxi. Ayaw niya pa nga sa bus. Pumayag na lang ako na sa Bicol International Airport kami pumunta.