وقف الجد بالحوش وقال بهواش: كل صلاة جمعه متأخرين يهود انتو ماتعرفون وقت الصلاة؟
طلع سيف وهو يلبس شماغه: ماتأخرنا يايبه تو الناس
الجد: انت بالذات تسكت دايمًا اخر واحد
ابتسم سيف: طيب اليوم طلعت لك اول واحد ولا تزعل
طلعوا معاذ وابو معاذ وبعدهم طلع فيصل
سيف ناظر فيصل: وين ابوك؟
فيصل: الحين يجي
سيف: باقي معصب؟
تنهد فيصل: من امس مايكلم احد حتى امي رفضت تنام بغرفتهم
هز سيف راسه بحسره: الله يعين
طلع ابو فيصل الي قلبه موووجعه على بتال بس يكابر: خلصتوا نطلع؟
حس عليه الجد من وجهه ومشى: يلا
طلعوا للصلاة وخلال هالوقت كانوا حصه وهند مُصرييين على طقوس الجمعة واجتماع العائلة عشان ابو فيصل وام فيصل نفسيتهم متدمررره
حصه: ام معاذ عامر وش قال بخصوص الغداء؟
ام معاذ: قال انه حاجزه من زمان لاأحد يطلب شيء
دخلت هند المجلس بمبخرتها: وين العاملات ليه القهوة ماجهزت؟
مريم: توني دخلت جاهزه بس يجيبونها
الجده: والبنات وراهم مايقومون يجون؟
ام معاذ: انا بناتي الحين يجون وزينه عندهم
الجده: هند بناتك متى اخر مره جو سلّموا علينا؟
انقلبت ملامح هند وحاولت ترقع: تعرفين انتصار تعب الحمل والوحام ونجد ماتقدر تتركها
الجده: كلنا حملنا وولدنا ماانقطعنا عن الناس ، ووحامها خلص من زماااان
سكتت هند ماعندها رد
الجده: تكلمينهم الحين يجون يحضرون الغداء وش قلة الحياء هذي جدهم مايجون يسلمون عليه
هند: ابشري
طلعت هند من المجلس اتصلت على نجد
نجد: هلا يمه
هند: اهلين حبيبتي ، الحييين تلبسين انتي واختك وتجون
نجد: بسم الله صاير شيء؟
هند: مو صاير شيء بس كل مره يسألوني عنكم ارقع خلاص فشلتوني
نجد: انا ماعندي مشكله بس انتصار ماراح تجي
هند: قولي لها امي تقول انا قلت تعالي وماعندي غير هذا الكلام
تنهدت نجد وهي عارفه برفض انتصار: طيب بحاول
قفلت نجد وراحت لانتصار تقنعها وانتصار رافضه
نجد: طيب مانتأخر غداء ونجي بس
انتصار: مصدقه بيخلونا نرجع بدون ماينشبون لنا نجلس؟
نجد: تكفيين والله امي بتعصب علينا
انتصار: قلت مانيب رايحه ، اروح عشان اتحمل نظرات فيصل ونظراتهم
نجد: تحملي عشااني بس ساعه ونرجع والله
تأففت انتصار وقامت تلبس: يابثرك
في المجلس كانوا جالسين يتقهوون والككلل موجود بدون استثناء
اتصل سيف على بتال وماكان يرد ف ارسل له لوكيشن بيته وقال له يروح يجلس فيه ماياخذ اوتيل ، قفل جواله وألتفت لأصيل وقال بصوت مسموع لها بس: وش فيه وجهك
اصيل: بطني يوجعني
سيف: البيريود؟
اصيل: لا
حط سيف يده على بطنها وسمّى عليها: من ايش يابابا؟
حطت اصيل راسها على كتفه: ماأدري بس عادي لاتشغل بالك
سيف: نروح المستشفى؟
اصيل: بابا عادي الالم مو قوي ترا بس مزعج
سيف: طيب اذا حسيتي انك مو بخير قولي لي
ناظرت مهره اصيل وتوقعت انها بس متضايقه عشان بتال وماتدخلت
ليان بهمس: نجد وانتصار مين غاصبهم يجون جالسين بزاوية المجلس لحالهم؟
مهره بنفس الهمس: بالطقاق
زينه: وأصيل ليه جالسه عند عمي ليه ماجت؟
مهره: شكلها تعبانه
ابو فيصل: تجهزتوا للمزرعة؟
هند بأستغراب: انتو ماغيرتوا رايكم؟ ماتجهزنا
ام معاذ: ولا احنا توقعت ماراح تطلعون
ابو فيصل بهدوء: شدعوه نوقف حياتنا يعني؟ تجهزوا بسرعه بعد الغداء
تأففت اصيل وناظرت سيف: لازم نروح؟
سيف: اطلعي غيري جو حبيبي
مريم: سيف حتى انا ماودي اروح
سيف: ليه؟
مريم: برد على غيث
سيف: تخربين طلعتك عشان برد؟ الملابس وش قصرت فيه؟
مريم: انا ابي انبسط والله بس خايفه عليه
اخذ غيث بحضنه وباسه: اطلعي انبسطي مابيصير الا الي كاتبه ربي
التفت غيث لأصيل ومد يدينه لها
ضحكت واخذته من ابوها: كل مره يشوفني يجيني
سيف: مين يلومه
ابتسمت وباست سيف
بعد الغداء كل احد توجه لبيته يجهز متطلبات الطلعه
سيف: مريم ليه مابديتي تتجهزين؟
مريم: مابي اروح
سيف: اطلعي انبسطي غيث نتركه داخل مع العاملات ومابيصير له شيء
مريم: مشكلتي مو غيث
سيف بأستغراب: وش مشكلتك؟
ناظرته مريم: صدق تبيني اكون معاك بشكل عادي؟ متناسي كل كلامك الي قلته؟
سيف: يوووه ياحبك لخلق المشاكل، ايه انا قلت هالكلام لأنك جبتيه لنفسك وطالما انه لازال كلام لاتخلينه يكبر ويوصل مواصيل ثانيه
مريم: والله غريب امرك ياسيف ماتدري وش تبي
حس سيف انها مجروحه من كلامه ونزل باسها: ادري اني ابيك، يلا قومي لانتأخر
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
