صحى باسل من النوم ماداوم على غير عادته لكن قام تجهز وطلع مايبي يتكلم مع اهله ولا اي احد ماكان له خلق ابدًا وكان متضااايق مرره على الي صار مع شهد
فتح جواله وشاف اتصالين ورسالة من شهد بس قفل الجوال مارد عليها
عند البنات العصر
ليان: يارب يمددون السفر والله اسبوع مايمدي نتنفس
زينه: تتوقعون نجد وانتصار يروحون؟
مهره: نجد يمكن بس انتصار مستحيل اذا فيصل موجود
زينه: كبرت الموضوع صدق
لين: حرام بنات ماتدرون وش حسّت عشان تاخذ هالخطوه
مهره: الي مخلينا نعذرها انها حامل بس، غير هالسبب هي فعلًا كبرت الموضوع
زينه: وين اصيل ليه ماجت؟
لين: مدري، مهره ليه ماجت اصيل؟
مهره: مدري عنها
عقدت ليان حواجبها باستغراب: ماتدرين عنها؟ صاير شيء
مهره: لا بس ماتبي تجي وش اسوي لها يعني
ناظرت ليان البنات باستغراب وماعلقت
طلعت شهد من الشاور وهي تجفف شعرها
اصيل: بتال راسل لي اسف
شهد عقدت حواجبها: اسف على وش
اصيل: فصلت عليه لما جا وقلت اني كنت احتاجه ومالقيته معي وكلام كثير
وقفت شهد قدام المرايا ووجهها مليان علامات استفهام: وكلامك حقيقي؟
اصيل: هو حقيقي بس بسيطر على هذي الحقيقه وبيكون بس وسيلة تخليه يرجع
شهد: اذا فيه نسبة حقيقة مابيتغير شيء الا انه يكبر وتطيحين على وجهك، لاتجازفين ياأصيل وتخسرين نفسيتك اذا مشاعرك تحركت
اصيل: ماعليك مابخسر شيء، وش نطلب فطور؟
شهد: خلينا نسوي يكفي نطلب اكل وزني بيزيد حرام عليك
ضحكت اصيل: خلاص بقول للعامله تسوي
شهد جلست بزعل: باسل مايرد علي
اصيل: طيب ودك تتصلين عليه من رقمي؟
شهد: ماأدري، ساعه اعذره وساعه اقول ليه يظلمني ومايسمع لي؟ انا حبيبته المفروض يثق فيني
اصيل: اعذريه، كلنا مانستوعب تصرفاتنا بأوقات الزعل
شهد: يعني ايش التصرف الصحيح بنظرك؟
اصيل انسدحت وشغلت اغاني: لو عندي تصرفات صحيحة على الاقل قدرت ارد على بتال
انسدحت شهد جنبها: ليه حياتنا العاطفيه مقلوبه فوق تحت كذا
ضحكت اصيل بقوه: ياليتها واقفه على العاطفيه بس
شهد: مابتردين على بتال؟
اصيل: لا، خليه يتعلم ان زعلي مو هيّن ومابشرع له ضلوع صدري لانه بس قرر يعتذر
شهد: احس الاعتذار من شخص زيه طالع من روحه
اصيل وهي تلعب بشعرها: مو مشكله انا ابيها تطلع من روحه .. وابي ازعزع شعوره وأشتت احساسه وأعكر مزاجه وقليل بحقه بعد
شهد تنهدت وقال: معضلة المرء انه يهووى العذاابات ، تدرين انك همتي فيه بس مصره توجعينه وتوجعين قلبك معاه
اصيل: مايرف لي جفن وانا اكسر قلب شخص اوجعني، تطمني
شهد: لا ماعليك متطمنه يكفيني الي شفته منك
ضحكت اصيل وقامت سحبتها معها: قومي قومي نفطر
صحى عبدالعزيز المغرب ونزل لاهله
انتصار: وش هالنووم صرنا ليل
ابتسم عبدالعزيز باس راس امه وجلس: قررت اصفي راسي بالنوم
نجد: ياحظك ماصحتك امي حتى بالويكند تصحينا
عبدالعزيز التفت لأمه: صدق غرييبه ماصحيتيني لصلاة الجمعه
هند بنفسية واااضحه: تبي تصلي تدل الطريق
عبدالعزيز: افاا زعلانه مني
خزته هند ولفت عنه
انتصار: ليه زعلانه وش صاير؟
عبدالعزيز حاس بغلطه ويحاول يلطف الجو: شدعووه انا وحيدك تخزيني كذا وتنفسين علي
برضو هند مكمله المسلسل ومطنشته
قام عبدالعزيز جلس جنبها وباسها
دفته هند بهدوء عنها: عبدالعزيز من الاخر طفشت من كذبك ولعبك وقلة ادبك ولا طايقه اشوفك فارقني دام النفس عليك طيبه
كلهم ناظروها بصدمه
قام عبدالعزيز بغضب وطلع من البيت بدون اي كلمة
انتصار: وش فيك عليه؟ لايكون عشان مشكلة الزفت بتال
هند بعصبيه غير معتاده: حاولي مره وحده بس تحسسيني انك بنتي الكبيره الي اعتمد عليها، يكفي وانتي خط دفاع لتصرفاته الطفوليه اذا تبين تزعجيني بدفاعك الهمجي قبل تفهمين السالفه اكرميني بسكوتك انتي بعد
انصدموا بناتها من عصبيتها مو متعودين عليها تعصب وانتصار زعلت مررره وقامت لغرفتها وجلست نجد تحاول تهدّي امها
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
