اصيل: بتال يحسب نفسه ابوي وجالس يقرر متى اطلع ومتى مااطلع
سيف بهدوء: انا قلت لك روحي، روحي
ابتسمت اصيل بانتصار بوجه بتال وراحت للسياره ومشوا
سيف دخل بدون مايناقش
ابو معاذ: بتال انت ماتتوب؟ تخيل لو ابوك الي طالع تبيه يهاوشك ويقلب عليك مره ثانيه؟
بتال وهو مععصب من اصيل: معليش عمي
دخل ابو معاذ والتفت فيصل لبتال: تستاهل
بتال: فيصل ماني ناقصك
نواف: ليه كل مااوقف معكم هنا تصير هوشه ويطلع شكلي بايخ بينكم
معاذ ضرب كتفه بقوه: اخو اخو موجود بكل الاوقات
بتال: اذا ماخليتها تندم على كلامها انا مااكون بتال
معاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا
بتال: تدري خالد الفيصل وش يقول؟
أحب أعسف المهرة اللي تغلى
وأحب أروض كل طرفٍ يموقي
صرخو لكلمته وضحكو: اسلللم
بالسياره
اصيل منهااااره ضحك: احسسنن تصرف بابا اثبت له ان ماله دخل فيني
شهد: اصيل عطيه جوه اذا تبين تلعبين عليه
اصيل: افهميني شهد ماقدر غثيييث ماينبلع اذا ماتهاوشت بيتمادى واضح
شهد: لاتسوين الي يبي بس جارييييه بالكلام
اصيل: تحسين كيف اوصل له ان عندي مشاعر له؟ مو عارفه ابدأ اللعبه
شهد: ارجعي قولي لأخته بطريقة اوضح انه عاجبك بس متردده، اذا وصله الكلام بيجاااهد ويحاول عشان يبعد عنك التردد وبتكون فرصتك
مرت الايام بشكل عادي ومختصر الاحداث الي صارت فيها
اهل البنت وافقو وتمّت الملكة وبدأت العائلة تستعد وترتب للزواج الي حلف الجد ان الكل راح يتكلم فيه لأن زواج سيف الأول مااخذ حقه وقرر سيف انه يبلع الموضوع ويعديه خلاص لان مابيده شيء استسلم للأمر الواقع
بتال واصيل هدت المشاكل بينهم وبقت النظراات بس محد قادر يبادر للثاني
العلاقه بين اصيل وابوها مو افضل شيء لكن ماشيه عادي واغلب وقتها منشغله بالدوام
مهره ومعاذ علاقتهم صارت اقوى وافضل ومهره صارحت اصيل بعلاقتها بمعاذ
قبل الزواج باسبوع
مهره وشهد عند اصيل بالغرفه يقنعونها تحضر
مهره: ليه تبينين لهم ان الموضوع هزّك وتهربين من وجههم؟ احضري وصيري احلى وحده وماعليك من اي احد عمي سيف تعب وهو يقنعك
شهد: انتي عارفه ان الكل بيسأل عنك وبيجيه فضول يشوفك لاتسمحين لأحد يشوف ضعفك اصيل احضري وخشي بعينهم كلهم
اصيل: بنات افهموني الموضوع غثيث ماقدر اجامل
شهد: اسمعي كلامي خلينا نقوم الحين نختارلك فستان ونحجزلك افضل ميكب ارتست
مهره: وانا معك مابخليك
اصيل ناظرت شهد: حتى انتي تعالي خليك معي
شهد: لا تكفين انا بكون انتظرك بعد الزواج تعالي وعلميني كل شيء
اصيل تنهدت: بسمع كلامكم ولو ندمت انتو المسؤولين
قامو البنات على طول دخلو كل مولات الرياض يختارون فستان أصيل وأستمرت رحلة البحث ٣ ايام الى ان وقع الأختيار على فستان ازرق يموّوووت
وماصار اي شيء مهم الى ان جا يوم الزواج
من العصر امتلا المجلس رجال والعيال كانو بفوضى الحلاقين واستعدادات العصر ووو
البنات بالصالون يتجهزون والكل كان يحاول يعدّي هذا اليوم ويتجاهلون فكرة ان سيف مو راضي
نجد: اصيل مابتحضر؟ ليه ماجت؟
مهره: الا بتحضر بس حجزت ارتست
ليان: ماتوقعتها تحضر صراحه لان حتى احنا ماكانت تجينا الايام الي راحت كثير
مهره: اي ماتبي تحضر بس اقنعناها غصب انا وشهد ماوافقت الا قبل اسبوع
لين: مسكينه والله يارب مريم تكون كويسه معها
زينه: يعني لو مريم ماكنت كويسه عمي سيف بيخليها تتمادى على اصيل؟
انتصار: منجد، بس لا ترا مريم واضح كويسه يوم الخطبه شفتها مره هاديه وتستحي حسيت انها طيبه بعد
مهره: خلاااص اتفقنا ولاشيء ينكد اليوم ومانقول سواليف تنكد
كملو تجهيزاتهم وفي الليل كان الكل جاهز
بالحوش جهزت سيارات السواقين و العيال الي بياخذون اهلهم
طلعت اصيل من بيتهم ماسكه يد ابوها وكانت أمييييره بس مو جميله
من طلعت ونظرات بتال مافارقتها كان منبهههرر فيها وقرر ماينتهي اليوم قبل مبادرته لها
مهره نادت اصيل بصوت عالي: تعالي معنا
اصيل: لاعادي حبيبي بروح مع السواق
مهره: لاا تكفين بنروح سوا تعالي
سيف: اصيل بابا روحي مع مهره لاتروحين لحالك مع السواق
اصيل توتررت لان الي بيوديهم بتال الي كان مسفههههل بجيتها وكأن هو العريس مب سيف
ركبت اصيل السياره وعدل بتال المرايا عليها قبل تجي امه
جت ام فيصل ولما شافت اصيل بالسياره معهم انبسطت فيها: ايييه كفو بنتي احضري وانبسطي مع البنات والله ابرك الساعات يوم شفتك معنا العين اوسع لك من المكان
ابتسمت لها اصيل: تسلم عيونك خاله، ماعليك رايحه انبسط
شغل بتال اغنية "انا اكثر شخص بالدنيا يحبك وانتِ ماتدرين"
ولما جا بارت "ابي هذا الغلا مُعلن تعبت أحب واخبي" جت عينه بعين اصيل
مهره: معاذ عطني جوالك بغير الاغنية
مد لها معاذ الجوال
مهره: اصيل تبين شيء محدد؟
اصيل قررت تكسر هذا الصمت وتبدأ لعبتها: احب عبدالمجيد حطي له اي شيء، او تدرين حطي انسان اكثر احس وقتها
شغلتها مهره وابتسم بتّال وانبسسط لما سمع كلماتها تحديدًا "مثل ماتشعر تأكد اني اشعر فيني منك فيك مني"
وصلو للفندق الي فيه الزواج ونزلوا البنات ورجع بتال يلحق زفة سيف ولما وصل شاف معاذ بانتظاره: وينك تأخرت؟
بتال ابتسم ومسك قلبه: اه يامعاذ
معاذ: وش فيك؟
بتال: اصيل جت معنا
معاذ: امش امش نروح لهم بعدين سولف لي وش صار
وصلو للزواج وبدت العرضه ووقفو احفاد الجد خليفه وعياله كللهم بالعرضه وبدو يعرضون ويغنون بصوت واحد وكان منظرهم كافي يخلي الجد مبتسم ومفتخر فيهم كل الوقت
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
