هند: مين من البنات تبي تلفت انتباه الرجال برا البيت؟
بتال الي باقي مو فاهم السالفه: مدري .. مين؟
هند: ومين الي سمعتها تكلم بالحوش؟
بتال يحاول يفهم: دقيقه ايش اشرحي السالفه خليني افهم
هند: مو انت قايل كذا عن البنات بالمجلس؟
بتال: ينقص لساني ولا اتكلم عن بنات عمامي هالكلام
بعد صمت استوعب وجه عبدالعزيز المنكوب وفهم السالفه وضحك: ترمي سواد وجهك علي؟
ابو فيصل: هند فهمينا وش صاير
هند: عبدالعزيز يقول سبب هوشتهم ان بتال يتكلم عن البنات بالمجلس، وانا ابي افهم الموضوع بحضوركم لاني ماصرت اتحمل هذا الوضع
ابو فيصل ناظر بتال بحده: وش هالكلام
بتال حط رجل على رجل وابتسم بوجه عبدالعزيز الي انخرس: اذا مو مصدقيني اسألو اي احد من العيال لو طلع مني هالكلام، واثق ومرتااااااح
عبدالعزيز ناظره بحده ويحاول يثبت موقفه: ليه تدور احد يرفع لك يدافع عنك ويطلعك منها؟
بتال: ماأحتاج من يرفعني انا دايم رفيع، بس انت لقيت من يرجعك مكانك
ابو معاذ بنبره حاده: اسكت انت وياه
اتصل ابو فيصل على العيال يجون واول مااجتمعو حسو بتوتر الوضع
فيصل: امرنا يبه
ابو فيصل: وش الكلام الي كنتو تقولونه قبل يتضاربون؟
بعد تفكير قال باسل: عن دوامي وترقيتي، ليه؟
هند: يعني بتال ماتكلم عن البنات؟
معاذ: اي بنات
عبدالعزيز: كلكم جحدتوا غلطه الحين؟
فيصل: اعقب بس تكذب وتبي تبلينا بكذبتك؟
ابو فيصل بصوت عالي: انا قلت اسكتوا احنا الي نتكلم
حصه: يعني بتال ماتكلم عن بنات العايلة؟
العيال: لا
عبدالعزيز الي باان التوتر عليه: طبعًا بتقولون لا رغم ان فيه شيء صار قدامهم وشيء وراكم بس مافيكم نخوه توقفون بوجهه
معاذ: احنا رجال ولو بتال متكلم بخواتنا احنا الي بنساويه بالارض ماننتظر حضرتك تتصرف، وهذا الكلام ممكن يطلع منك بس مايطلع من رجال زي بتال
بتال بنفس البرود والابتسامه: خابرك ماتطول الي اطوله
هنا انفججر عبدالعزيز من الأهانات الي تتوجه له بحضور الكل: بما انكم جحدتوا الي صار ماعندي كلام اقوله غير ان خساره الشنب على وجه كل واحد فيكم جااللسيين تعززوون لوااحد يدخلل بععرضككم!
معاذ ارتفع صوته: سد فمك وتخسى ارجع اقول لك محد يدخل بعرضنا ونوقف ساكتين، هذي رجوله وش فهمك فيها؟
ابو معاذ بحده: انطم انت وياه ، مافيه حشيمه تتهاوشون واحنا بينكم؟؟
هند ناظرت عبدالعزيز وهي بتنفججر: اطلع برا
ماصدق عبدالعزيز ينتهي الموضوع كذا وقام طلع
حصه: وش نفهم من النقاش الحين؟
هند: انا من الاساس ماكنت متأكده من كلام عبدالعزيز ولا ماجمعتهم هنا
حصه: الله يهديك بما انك مو متأكده ليه سويتي كل هذا
هند ناظرتهم: عشان افهم كل واحد فيهم ان كل بنت بالعايله اخته ومحد يتوقع يسوي شيء او يكذب بشيء يخرب علاقة العايلة ببعض ويطلع منها
ابو معاذ: لاتشيلين هم ياهند محد يزعل منك من تصرفات عبدالعزيز يبقى ولد وطايش
هند ابتسمت له وقالت: خلاص انتهى الموضوع بس بتال تعال ابيك
دخلت هند للصاله مع بتال جلست وجلس قدامها: امري
هند: ماابيك تزعل مني استفزني موضوع ان الكلام يمس البنات وقلت لازم اتأكد واوقف اي احد يتكلم بهالطريقة
بتال باس راسها: شدعوه ياعمه تمونين بس تأكدي كلهم خواتي ولا ارضى عليهم وانتِ لك حشيمتك ومكانك مهما وصلت مع عبدالعزيز
هند: على طاري عبدالعزيز
ناظرته بجديه وقالت: انت تحب اصيل؟
انخطف لون بتال بس قدر يسيطر على الوضع: احبها كيف يعني، اكيد زيها زي البنات اعزهم واخاف عليهم مهما كان تراها بنت عمي بعد
هند: بتال لاتراوغ سؤالي واضح
بتال: لا بس ليه
هند وهي مو مصدقته: مو مهم ليه، المهم لو كنت تحبها لاتبيّن هالشيء لأحد لاني متأكده خطبة عبدالعزيز وراها شيء ومااستوعبته الا امس
بتال لازال يراوغ: كيف يعني
هند: مافيه مبرر لهوشتكم بعد ماطلع خبر الخطبه الا انه حاول يستفزك بالموضوع، اذا انك تحبها حبها بطريقة صح لاتجيب لها الكلام
بتال: الله يهديك ياعمه وش هالكلام مافيه شيء
هند: عمومًا هذا الي عندي افهم كلامي كويس
بتال: ابشري لاتشيلين هم
رجعوا للمجلس وكملوا يتقهوون مع ان الجو متكهررب
YOU ARE READING
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
