صحى سيف وقبل يفتح عيونه داهمته ريحة نورة الي ماليه المكان تنهد وطلع لغرفته فتح دولابه اخذ ملابسه ودخل يتسبح
صحت مريم على دخوله وتجاهلته تمااامًا
خلص شاور وطلع يتجهز ويتبخر ويتعمد يتأخر محاولةً للفت انتباهها ولازالت متجاهله وجوده الى ان فقد الامل وطلع لصلاة الجمعه وصادف بطريقه ابوه واخوانه وعيال اخوانه
الجد: وراك تهرول ليه طالع متأخر؟
سيف بوجه جدددًا شاحب: راحت علي نومه
فيصل: عمي تعبان؟
سيف مسح على وجهه: لا حبيبي بس مانمت زين
ناظروه ابو فيصل وابو معاذ بشك وكملوا طريقهم للمسجد
اجتمعوا العائلة بعد الصلاة لغداء الجمعه
الجد: سفرة الاجازه تكنسلت، حصه عندها شغل وماحنا بتاركينها
حصه: لا يبه لاتخربون سفرتكم عشاني والله اذا سافرتوا كأني انا المسافرة
بتال: افااا ياعمه ماتسوى السفره بدونك
ابو معاذ: اي والله ماعليه الايام جايه ونسافر بظروف افضل
ابو فيصل: تبون اجهز مزرعة العُلا؟ او الدرعية؟
مهره: ايييه يبه نبي العلا
معاذ: والله ياليت ياعمي
التفتت مهره على صوته واول ماناظروا بعض شمقت له
ابو فيصل: حصه تقدرين تروحين العلا؟
حصه بضيق: ياأبو فيصل لاترتبطون فيني انا ماعليّ
ابو فيصل: لاوالله ماتمشي سيارة ولا تطير طيارة بدونك
ابو معاذ: كلها اسبوع ياحصه بتروحين وبتغيرين جو ان شاءالله
مازن: روحي يمه وانا هنا اسوي الي تبين
سيف ضحك: انت وامك بتمشون قدامي يامازن
ابتسم سيف ومارد
هند: طيب وش رايكم نروح للعُلا الويكند الجاي؟
ام معاذ: والله نحتاج والاجواء زينه هالايام
الجده: يومين نسافر لها ماتسوى، الطريق شيين
الجد كان كل تفكيره ب حصه ويبيها تغير جو: الا عادي يومين يستانسون فيها حلوه
ابو فيصل بضحكه: ترا حيرتوني وش تبون عشان اعرف وش اسوي
ابو معاذ: توكلوا على الله وخلونا نروح
بتال: تبون اروح قبلكم ارتب لكم الوضع؟
ابو فيصل: هذااك اول تروح قبلنا، الحين تداوم بمكتبك ماتفوّت يوم وماتمشي قبل الويكند
ضحك بتال: ابشر
سيف: المكاتب يبي لها من يقابلها يابتال شغلك اذا ماكان تحت يدك انساااه
بتال: احتاج اسرار نجاحك اجل
سيف ابتسم: ابشرر بي، تعال زورني اي يوم بمكتبي
طلعت اصيل من الشاور ووقفت تتبخر، دخلت عليها العاملة وقالت لها ان فيه مندوب وصل غرض لها ، اخذت الورد من يدها بأستغراب لكن ابتسمت لما ماشافت عطر عبدالمجيد "اول حكايتنا"
مر الأسبوع بهدوووء
بدأ بتال يداوم وكانت بداية نااجحه وعلاقته مع اصيل تتطور بشكل ملحوظ
معاذ ومهره لازالو على نفس الحال نظراات وكل واحد شايل بقلبه
مريم ماراحت بيت اهلها لكن ماكلمت سيف ولا تجرأ سيف يكلمها
انتصار كل مايمُر يوم تتأكد انها تسرعت بقرارها مع فيصل وبمجرد ماوقفت محاولاته فقدته وندمت
يوم الخميس الظهر جهزوا اغراضهم في السيارات مستعدين يتوجهون للعُلا
دخلت اصيل البيت مستعجله بعد الدوام وطلعت غرفتها تسبحت ولبست ونزلت
سيف: اصيل ارجوك فكيني من الازعاج على ملابسك هذي المره بس
اصيل بأنفعال: ترا اشغلتوني على ملابسي ماأفهمكم شايفيني طالعه ببكيني ولا ايش؟
سيف بحده: انا وش قايل عشان تردين علي بأسلوبك الهمجي هذا؟ مليون مره اقول لك تكلمي مع الي اكبر منك زين
اصيل مسكت راسها بقلة صبر: ماخذيني غصب وانا حايمه كبدي من السفره معكم وفوقها بتربوني الحين على ملابسي وكلامي؟ لاااا كثير علي
اخذت شنطتها ولبست نظارتها وطلعت بعصبيه ووسط عصبية سيف بعد
ضحكت مريم باستهزاء وطلعت وراها
وقفت اصيل عند السيارة تحذف اغراضها فيها بعصبيه
مهره بالسيارة جنبها: وش فيك؟
اصيل بدون ماتناظرها: ماخذيني غصب وتعبانه من الدوام وقرروا يربوني اليوم اهين ام الاستفزاز
مهره ضحكت: مين الي بيربيك؟
اصيل بحده: بابا اليوم قرر ان ملابسي تجيب له مشاكل يرحم ايام المايوهات
مهره بضحك: وبتمشين معاه وانتي معصبه عليه؟ تعالي تعالي مع حبيب القلب روقي
اصيل: لا مانيب جايه يكفيني سيارتي الواقفه عند الباب مب مخليني اسافر عليها
ارسلت مهره لبتال يقنع اصيل تجي معهم وفعلًا ارسل لها: الطريق ثقيل على قلبي، ممكن تهونينه علي واشم ريحتك بسيارتي؟
اصيل: مو مشكله خذ عطري وعطر سيارتك
بتال: لا أبيك انتي معاي
اصيل: لا بتال مب حلوه اجي معكم وسيارة بابا ماشيه
بتال: لك خلق مريم وابوك؟
اصيل: لا
بتال: يلا انتظرك
جا سيف للسيارة: يلا خلصتوا نمشي؟
اصيل وهي تشيل التوت باق: بروح مع مهره
تجاهلها سيف لانه مايبيها تحس ب الي صاير مع مريم اصلًا
ابو معاذ بصوت عالي: معاذ خذ امك وخواتك انا بروح اخذ هند
الجد: ليه عسى ماشر؟
ابو معاذ: عبدالعزيز عنده شغل بيجي بالليل وودي انها تلحق على السفره من اولها
الجد: ايييه الله يخليكم ذخر لخواتكم وانا ابوك ابيكم دايم كذا
ابتسم ابو معاذ: اللهم امين، تربيتك يبه
خلال دقايق توجهت جميع السيارات للعُلا
أنت تقرأ
امطري ياخيبة كبار الهقاوي .. وارعديّ
Romanceمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
