صحت اصيل من النوم بعد الظهر اتصلت على شهد
شهد: هلاا حبيبي
اصيل: اهلين شهودي ، متى نطلع؟
شهد: امم وش رايك بعد المغرب نتقهوى بعدها نطلع للحفله؟
اصيل: حلوو بمرك انا
شهد: لاا ماأتحمل سواقتك بالزحمه انا الي بجي اخذك
ضحكت اصيل: اتفقنا ، تعالي بدري لان صارت سوالييف لازم اقولها لك
شهد: جوي جوي خلاص تم
نزلت ليان للصاله عند اهلها وجلست تتقهوى
ليان: يمه مابتروحين ل ام فيصل بمناسبة ان بتال رجع؟
ام معاذ: الا اكيد بس ماأدري متى ماقررت
ابو معاذ: شدعوه مب من بعدهم
ام معاذ: اكيد بيجلسون سوا ولدها كان غايب عنها ماأبي اضايقهم
معاذ: بتال كل وقته طالع اصلًا روحي اي وقت
لين: قولي لنا اذا بتروحين يمه بنروح معك
اما مهره نزلت لأمها بتوتر: يمه تسمعين صوت فيصل وأنتصار؟
ناظرتها امها بخوف: لا وش فيه؟
مهره: مدري شكلهم متهاوشين
تأففت ام فيصل بضيق: والله ماعاد ادري وش اسوي معاهم
مهره بزعل: انتصار حامل مايصير تعصب
ام فيصل: وش بيدي اسوي يامهره؟ هذي حياتهم ماقدر اتدخل فيها انتي تعالي اجلسي ولاتتدخلين بعد
كانت انتصار واقفه قدام فيصل وهي تررجف من العصبية لو بيدها احرقت فيصل
انتصار بصراخ: فييصل لاااتتكذذبب انا شففتت الممحادثثه بعيووني بكذب عيوني واصدقك؟؟؟
فيصل بنفس النبره: تستاهليين انا كم اقول لك يدك لاتطول على جوالي؟؟ فاتحته تفتشين لييه اصغرر عياالك اناا؟
رمت انتصار جواله بالارض بقوه وكسرته: ليه ماأمسكه؟ عشان ماأشوف سواد وجهك ياخااين؟
صرخ فيصل بوجهها: مرريضه انتيي مجنوونه؟
انتصار: اييييه مريضه ومجنونه من اللحظه الي رجعت لك فيها وانا ادري انك ماتستاهلني تبي تقابلها يافييصل وانا حاامل؟ احتررم اني حامل ب ولدنا على الاقل
هدت نبرة فيصل شوي: ماقابلتها
ضحكت انتصار بقهر وهي تناظر عيونه: يعني هذا تبريرك وعذرك؟ ماقابلتها؟ لكنك كنت تبي تقابلها ومعشمها بالزواج ماكأن فيه وحده بحياتك
فيصل: كانت نزوه والي قلته لها كلام بس
احتدت نبرة انتصار اكثر: حقيير انت ماتستحيي على وجهك تقول هالكلاام بوجهي؟ بنات الناس مب لعبة عنددك تلعب عليهم بعدها تقول نزوه! تدري هذي حركات مين؟؟ "شددت على كلامها" حركات عيال الشواارع!
ضربها فيصل كف وصرخ بغضب: سكتت لك كثير تعلمي تثمنين كلامك!
حطت يدها على خدها بصدمه ودمعت عيونها من القهر: هذا تصرفك لما تحسست من كلمة وجرحتك ولا فكرت بموقفي وانت طاااعني بسكاكييين ، الله يحرق قلبك يافيصل وتأكد ان ولدك بعمره ماراح يحب اب ضعيف وعديم مسؤولية زيك
فيصل بعصبية وهو يقاااوم انه يضربها مره ثانيه: انقللعيي عن وجهي قبل اقص لسانك
انتصار بهدوء وصوتها يرجف تقاوم البكي: ايه بروح مابجلس عندك ، حدك رخاص الشوارع
راحت للغرفه حطت يدها على التسريحه وأطلقت العنان لدموعها وبدت تشاااهق ويدها الثانيه على بطنها
المغرب وصلت شهد عند باب الفيلا وبعد دقايق نزلت اصيل ركبت السيارة
اصيل: تأخرت عليك؟
شهد: مب شيء جديد تأخيرك
ضحكت اصيل وفتحت المرايا تعدل ميكبها: شكلي كويس؟ حسيت ميكبي اوفر شوي
شهد: لا كويس ترانا رايحين حفله ، وش الي قلتي بتقولينه لي؟
التفتت لها اصيل بحماس: اييه خليني اقول لك وش صار مع خالي
شهد بأستغراب: مع مين؟
ضحكت اصيل: خالي
شهد: اي خال!
شرحت لها اصيل الموضوع وهي تضحك من تعابير الصدمة بوجه شهد
شهد: ياساااتر ياصغر الدنيا! وش هالصدف
اصيل: اييه التفاصيل صدمتني مره
شهد: وبتال وش ردة فعله؟
اصيل: جدار ماتقدرين تاخذين منه رياكشن واحد
شهد: ماصار شيء معاه؟
اختفت ابتسامة اصيل لما تذكرت الي صار وبدت تقول لها
आप पढ़ रहे हैं
امطري ياخيبة كبار الهقاوي .. وارعديّ
रोमांसمعاذ: انت متى بتيأس؟ خلاص يكفي عناد يكفي مشاكل العايله كلها تشيل همكم لا اجتمعتوا ابتسم بتال وقال: تدري خالد الفيصل وش يقول؟ أحب أعسف المهرة اللي تغلى وأحب أروض كل طرفٍ يموقي
