Master's Servant (SIR Series #1)

08

I'M nervously waiting inside the office kung saan mangyayari ang interview. Maayos naman ako sa pag-e-english kaso ang kanina ko pang iniisip, paano kung ang kailangan nila ay magaganda? Mga matatangkad-I mean, matangkad ako kaso sakto lang. Paano kung complete sa college? Hay, bakit naman sa pagiging katulong kailangan pa ng nakatapos ng pag-aaral 'di ba? Ano yun? Tanga lang.

Napasinghap ako ng pumasok na ang babaeng mag-i-interview sa akin. Sanaol, maganda sa formal attire. Napanguso ako sa isip ko, na-i-insecure nanaman ako, oo. Ngumiti ito sa akin at umupo na kaharap ko. May dala siyang IPad. Nahiya pa ako sa samsung kong laging natetegi. Itinago ko nalang iyon sa bag ko.

"Good morning." nakangiti nitong bati. Ngumiti rin ako saka bumati pabalik.

"Your name is Athanea Navarro, right? so let's start?" tumango na ako bilang sagot. Kinakabahan talaga ako. Paano kung hindi ako matanggap? Hays. Madami pang nakapila sa labas at nakaupo, at nagtataka ako kung bakit nga ba ako ang pinaka-una. Naalala ko na 01 ang flyer kaya naman lalo akong nagtaka. Grabe namang kaswertehan iyon.

"So, what's the house course that you are good at?" unang tanong nito. Unang pumasok sa isip ko ang pagbe-bake. And I bet, hindi naman sila hahanap ng baker eh. Kaya naisip ko, magaling rin ako sa pagluluto.

"I'm good at cooking. I love baking too, but since the Empire was looking for maids, not a bakers, I think the house course that I would love to do is cooking." ngumiti ito sa akin at nag-take down notes muna siya bago ulit nagtanong.

"Why do you want to be a one of the maid on Emerald Empire?" she asks. Napaisip ulit ako. Ano nga ba?

Sa totoo lang, hindi ko rin sure kung na-excite ba ako dahil magkakatrabaho na ako at malaki pa ang sweldo. O hindi kaya ay na-excite ako dahil hindi pa ako nakararating sa ganoong kalaking mansyon at empiro.

"Actually, kakatanggal ko lang sa trabaho. And I saw the flyer on my mailbox kaya sino pa ako para tumanggi? I just need a work, no deep reason attached." nakangiti siya pero nabawasan iyon. Para siyang nagtaka bigla .

"Is there's something wrong?" I asked. Tuluyan na kasi siyang nagtaka. Tumango tango siya at nag-take down notes ulit.

"Nothing. But am I heard it right? In your mailbox?" she asked once again. Tumango lang ako saka siya nagtapos. Nakipagkamay ako at nagpasalamat.

Pagkalabas ko ay kinakabahan pa rin ako. Omg, this is ugh! I can't believe it. Sa sobrang kaba ay hindi ko na nga namalayan kung gaano kalaki itong building. Oh my goodness, what a huge ...

"I-Ito na yung Emerald Company? Oh, grabe naman ang laki..." bulong ko sa sarili habang naglilibot ng tingin sa buong paligid. Ang tatayog talaga ng buildings, at nakaka-akit tingnan ang green tiles nito na kumikinang sa sinag ng araw. Kapag tumingin ka sa tuktok ng building, para itong babagsak sa iyo . Nakakalula.

Ang hagard ko na.

Tumingin ako sa isang kotse at nakakapagsalamin ako rito. Ang ganda ko, hehehe. Ngumiti ako sa kotse at nagpabebe. Wala namang nakakakita e, haha. Inilagay ko ang kaunting buhok nanaligaw sa mukha ko sa likod ng tainga ko gamit ang aking hintuturo.

Ch-in-eck ko na rin kung may tinga ba ako. Hays, thankfully, wala naman. Nag-flying kiss ako sa salamin saka umalis. Familiar ang kotse na iyon, ah. Hindi ko lang alam kung saan ko nakita. Ang gara kasi.

NAMILI ako ng gulay at karne para sa gabihan ko. Gamit ko iyong huling sahod ko, nakapagbayad na rin ako ng buo kay Aling Vina kaya hindi ako nabungangaan kanina. Malaki pa nga ang ngiti nito.

Dumaan muna ako sa gilid ng Mall dahil sa gilid niyon may nagtitinda ng milk tea. Umupo muna ako roon para magpahinga dahil napaka init ng tanghali.

Maya maya ay may nagsalita sa likod ko.