بارت:548
.
.
لو صحيح مُش داري بيّا ليه بتتلفّت عليّا
ولمّا بتئابلك عنيّا ليه بتُهربْ من عنيّا..؟
.
.
عُمر رجُل والنعم فيه وعزّ الله ماسمعت عنع الا كل طيب وخير و..
ضحك بخفّه ونطق بإحراج:صدمتني بعرضك والله
لكن.. ابشر بعزّك ويبشر عُمر ، انا موافق لكن الشرور شور البنت
وحيدتنا ومابيدي حيله اخذ قراراتها عنها
قاطعه شايع بتسرّع: لا لا ابد ، هذا حقّها ، خذ رايها
وان كانت موافقه خلنا نعجّل بالموضوغ دام الشيخ موجود
ومطالبكم كلها اوامر تتنفّذ
ابتسم يُوسف: تسلم والله ياعمّ ،
التفت لخال لمى ونطق بخفّه: ماعليك امر ياعمّ ، ودي اكلم اختي لو ماعليك امر هل ينادونها لي
هزّ راسه خال لمى بإبتسامه : ابشر بسعدك، تفضّل بالمجلس الثاني وبخليهم يرسلونها لك
هز راسه يُوسف وهو يقوم معه وطلعوا
التفت حمد لشايع فور خُروجهم وهو مدهوش من طلبه المُفاجئ: شايع! وش هالكلام وش طرى عليك
هزّ اكتافه شايع بقل حيله وهو يأشّر على عُمر : اسال هالمجنون لا تسألني
حبكت الا نخطبها هالحين
ضحك عُمر بخفّه وناظره حمد: ابك انت انجنيت؟ عيب عليك تحدّ الجماعه ، لزوم البنت تاخذ راحتها بالتفكير
ليه العجله هذي
ابتسم عُمر وهو يرد بخفّه: خير البر عاجِله
هز راسه حمد بقل حيله ونطق بلال وهو يضحك
وتقريباً نقدر نقول هذي المره الاولى اللي يضحك فيها بلال.. من فتره طويله : خلوه خلوه ، كفو ياعُمر والله انك اللي فاهم صح
واكمل اسامه عنّه: مايبي البنت تروح من يده واغتنم الفُرصه ناظره بلال وتلقائي طرت لباله الفُرص الكثير اللي كانت قباله لاجل يستوعب حبّه لمعازيفه
وما استوعبه الا لمّا نفذت كل الفُرص
تنهّد بضيق وصوت مسموع
الكل انتبه لكن مابيدّهم حيله عليه
كل ما سألوه تهرّب من الجواب وهم تعبوا بالحيل معه
.
.
بالمجلس الآخر
دخلت نُور على يوسف وهي مستغربه مُناداته لها
شافته جالس لحاله والقت السلام ونطقت بغرابه: عسى ماشرّ ياخوي؟
التفت لها يُوسف وابتسم بخفّه: ماشرّ ياروح اخوك
تعالي اجلسي
عقدت حواجبها وهي تتوجّه له وتجلس بجنبه
نطق يُوسف بنبره خافته: تعرفين عُمر ولد شايع صح؟
ولد عمّ خويي عناد!
عقدت حواجبها نور وحسّت بشُعور غريب يجتاحها وهزّت راسها ب اي
واكمل يوسف بإبتسامه: خطبك مني تو
وضحك بخفّه: ويبون الرد الحين والملكة الحين
توسّعت عيونها بصدمة من كلامه وارتفعت حواجبها
ونطقت بإزدراء: يخطبني! والملكة اليوم!
ابتسم يُوسف وهزّ راسه ب اي : عُمر رجال والنعم فيه والله يانُور ، وواضح انه شاريك ويبيك ، ولا ليه تعجّل لهالحدّ! ليه ما انتظر لبكرا ولا بعده وجاء لبيتي وخطبك!
لانه مستعجل عليك ، يبي يملك عليك ويضمنك
بارت:549
.
.
بحياتِك ياولدي إمرأةٌ عيناها سُبحان المعبود
فمُها مرسُومٌ كالعُنقود ضِحكتُها انغامٌ وورود
.
.
عقدت حواجبها وهي جدا محتاره
ولاجل تتحرّر من حيرتها نطقت بنبره خافته: امي تدري؟
هز راسه يوسف بالنفي ونطقت نور: قول لها ، اذا عي موافقه انا ماعندي مانع
ابتسم يوسف وهز راسه بالايجاب وهو يدق على امه يطلب منها تجي هنا
ولما جت وقال لها عن الموضوع ابتسمت بإتّساع وهي تلتفت لنور : والله وكبرتي ياروح امّك
عساه الف مبروك
جمذت ملامحها وهي تحس بجديّه الموضوع فعلاً
نطقت بنبره ثقيله؛ ماما انتي موافقه؟
ابتسمت امها وهزّت راسها بالإجاب: والله يايمّة مُنى عيني اشوفك عروس ، ومنى عينه من خذاك
عُمر نعرفه ونعرف اهله واخلاقه ، ومدريك بالشركة بعد
مافيه شي يخلينا نرفضه
انتي شرايك يمه؟
ناظرتها نور لثراني وحسّت بعُمق فرحتها وفرحة اخوها بعد
ابتلعت ريقها وهزّت راسها بالمُوافقه
ماحبّت ابد انها تهدم فرحتهم اللي انبنت من طلب بسيط من عُمر
احتضنتها امّها بفرح وهي تردّد عليها التبريكات وكذلك يوسف اللي قبّل راسها ونطق بخفّه: بروح ابشّرهم
واجيب لك العقد
ارتجف جسدها وهي بين احضان امّها وحسّت فعلا برهبه الموقف
.
ŞİMDİ OKUDUĞUN
ياعزوف القلب في عز الظروف ، ياضياء هالكون في حزة عتم⚜️
Genel Kurguللكاتبـه عهود حسابها بالواتباد @rwiu-a انستا @rwiu.a ما تحلل اقتباسها او سرقتها او نقلها لمكان اخر ✖️ - ضي المنبوذة من قبل والدها تعيش في بيت جدها تتفأجاء أن زوجة والدها تريد تزويجها والخلاص منها لرجل لايخاف الله، فتهرب وتلتجأ للعقيد عناد فيتزوجها...
