بارت40
.
.
أحبيني ولا تتساءلي كيف ولا تتلعثمي خجلا ولا تتساقطي خوفا
.
.
عقدت حواجبها عزوف وناظرته لثواني وبعدها همست بضعف: اهلي سوو حادث
أبوي مات وامي وداليا ما ادري عن وضعهم
عقد حواجبه بلال وناظرها بهدوء وسرعان ما استوعب وتوسعت عيونه بصدمه ، ونطق بحده: وش تقولين أنتي!
ابتلعت ريقها عزوف وعيونها امتلت بدموعها من جديد وهمست : انفجرت السيارة فيه ومات
تكفى بلال بشوف أمي وداليا ، بتطمن عليهم تكفى
ناظرها بلال بهدوء وشرد ذهنه بحبيبه خاطره وقلبه
وش بيكون حالها الحين وكيف وضعها
دقت كتفه عزوف ونطقت برجاء : تكفى بلال خذني لهم بريح قلبي
ناظرها بلال وهز رأسه ب طيب : طيب طيب قومي بدلي وتعالي معي بسرعه
قامت عزوف تبدل بشكل سريع
أما بلال راح لشقته أخذ مفاتيح سيارته وطلع
وعلى طلعته طلعت عزوف من شقتها
ناظرته لثواني وتقدم لها وشبك اصابعه بأصابعها وشد على يدها وهمس بخفوت : كل شي تمام ان شاء الله لا تخافين
ناظرت له بعيون دامعه وهمست : ان شاء الله
ترك يدها بلال
وربت على كتفها بهدوء ونطق بخفوت : يلا مشينا
ناظرها عزوف لثواني ونطقت بخفوت : تراهم بمستشفى باريس
هز رأسه بلال ب طيب : معليك ، يلا مشينا .
.
باريس
مستشفى باريس المركزي
تحديدا غرفه داليا
كانت غاطه بنوم عميق
وجسمها ساكن عن الحركه تماما
مايتحرك فيها غير قلبها اللي ينبض بشكل سريع
فتحت عيونها بصعوبه على صوت تحبه كثير
كان بلال واقف قبالها ويمسح على شعرها بهدوء وينادي عليها بخفوت
ابتسمت له وقربت بتنطق لكن منعها بلال لما حط يده على شفتها وهمس لها : لا تتعبين نفسك ، ارتاحي
جيت أودعك بس ارجعي نامي
انحنى لمستواها وطبع قبله هاديه على خصلات شعرها وهمس: ودعتك الله يالغاليه
غمضت عيونها داليا بخفوت لثواني ثم رجعت فتحتها
ونطقت بلهفه: بلال لا ترو..
بترت جملتها لما ماشافت بلال وشافت قبالها ابوها
عقدت حواجبها وتلفتت حولها لكن ماشافته ولفت لابوها ونطقت بضيق: وين بلال؟
ابوها بنبره جدا هاديه نطق: راح ، تعالي معي
مد يده ليدها وقومها وقامت معه
واخذها معه وهي تتلفت وراها تدور على بلال
فجاءه شأفته واقف جنب عزوف وامها وكانوا يناظرون لها ومبتسمين ويلوحون بيدينهم لها وفجاءة اختفوا عن أنظارها من جديد
صارت تتلفت حواليها تدور عليهم لكن ماحصلت لهم اثر
فجاءه يختفي من حولها كل شي ويرجع عالمها لسواد معتم
ويرتفع من حولها صوت الاجهزه
حاولت تفتح عيونها مره ومرتين وثلاث لكن دون جدوى
ماتحصل عليه الا السواد العتيم
حست بانفاسها تضعف ونبضات قلبها تتباطئ شياً فـ شياً .
KAMU SEDANG MEMBACA
ياعزوف القلب في عز الظروف ، ياضياء هالكون في حزة عتم⚜️
Fiksi Umumللكاتبـه عهود حسابها بالواتباد @rwiu-a انستا @rwiu.a ما تحلل اقتباسها او سرقتها او نقلها لمكان اخر ✖️ - ضي المنبوذة من قبل والدها تعيش في بيت جدها تتفأجاء أن زوجة والدها تريد تزويجها والخلاص منها لرجل لايخاف الله، فتهرب وتلتجأ للعقيد عناد فيتزوجها...
