" កូនកើតផ្តាសសាយ? តោះចូលផ្ទះ ឡើងទៅបន្ទប់ងូតទឹកក្តៅ
ឱ្យស្រួលខ្លួនជាងនេះ ថ្ងៃបន្តិចពួកយើងជិះឡានចូលក្រុង ត្រឡប់ទៅអូសស្ត្រាលី នៅល្ងាចនេះ " ជុងហ្គុកចាប់បីកូនស្រីតូច ដើរចូលផ្ទះវិញទាំងញញឹមស្រស់ បង្គាប់ឱ្យនាងងូតទឹករៀបចំខ្លួន មុនពេលចាកចេញទៅអូស្ត្រាលីល្ងាចនេះ មិនអាចនៅបារាំងយូរជាងនេះទេ ក៏ដោយសារនាង ជិតចូលរៀនផង។" ហេតុអ្វីក៏លឿនម្លេះលោកប៉ា? "
" ថ្ងៃច័ន្ទដើមសប្តាហ៍ថ្មី កូនត្រូវចូលរៀន ប៉ាមិនចង់ឱ្យកូនខកការរៀន ដើរលេងពេលក្រោយក៏បាន ពេលទំនេ នៅមាន
ច្រើនទៀត "" ចាសលោកប៉ា "
ទីក្រុងសុីដនីយ៍
ចំណាយរយះពេល ហោះហើរ ជាង២២ម៉ោង ពីទីក្រុងបារីស មកដល់ទីក្រុងសុីដនីយ៍ ប្រទេសអូស្ត្រាលី រាងក្រាស់ខ្ពស់ស្រឡះបីកាយតូចកូនស្រី បោះជំហានឈានចូលវិមានមីន ដែលមានម្តាយទាំងពីរ ទទឹងរងចាំជួបកូនប្រុស និងចៅស្រីមករស់នៅ
និងរៀននៅទីនេះ ៖" ប្រុសតូច កូនមកហើយហ្អេសកូន? " លោកស្រីមីនក្រឡេកឃើញកូនប្រុសឈានជើងចូលមក ក្នុងដៃកូនប្រុសមានត្រកងបីក្មេងស្រីខ្លួនតូចមួយជាចៅរបស់គាត់ លោកស្រីនិងលោកជំទាវ អង្គុយរងចាំ កូនប្រុសជាង២ម៉ោងមកហើយ។
" ហ្វីយ៉ាចៅស្រីយាយ លោកអើយលោក " លោកជំទាវចន ទម្លាក់ខ្នើយទៅម្ខាងក្រឡេកមើលទៅទ្វារវិមាន ឃើញកូនប្រុសចូលមកគាត់ម្នីម្នា ស្ទុះទៅអង្អែលដើមដៃអង្អែលមុខចៅស្រី ព្រោះតែនឹករលឹកចៅពេក ចំណែកឯម្ចាស់តូច ក៏បីត្រកងកូនស្រីមកអង្គុយនៅសាឡុង។
" នាងផ្តាសសាយ លេបថ្នាំផ្តាសសាយ ទើបគេងលក់ បែបនេះ "
" ហ្អឹម...លោកយាយធំ ជំទាវយាយ អ្ហឹកៗ យ៉ាយ៉ានឹកម៉ាក់យាយ "
" អូហ៌!! កុំយំក្មេងឆ្លាតរបស់យាយ " លោកប៉ាដាក់ខ្លួននាងគេងផ្អែកខ្នងនិសាឡុង ខណៈដែលហ្វីយ៉ាគ្រហឹមដើមក ភ្ញាក់ពីគេងល្មម នាងងាកខ្លួនមកយំឱបលោកយាយធំ និងជំទាវយាយរបស់នាង យំសសិតដូចកូនក្មេង លោកជំទាវចនឃើញដូច្នេះ ក៏ទាញកាយតូច មកឱបក្រសោប គោះអង្អែលស្មាចៅថ្នមៗ គាត់ស្រលាញ់ចៅខ្លាំងណាស់ លោកស្រីមីននិងម្ចាស់តូចសម្លឹងមើលអ្នកទាំងពីរនិង យ៉ាងមានក្តីសុខ។
" រំអួយណាស់តើ "
" កុំមកថាឱ្យចៅរបស់ម៉ាក់ គិតតែកូនទៅ ឈប់ខូចឬនៅ? "
" ជំទាវម៉ាក់ សឺត!! នឹកម៉ាក់ ស្រលាញ់ " ប្រុសតូចបុិនរករឿងម្តាយ ធ្វើឱ្យម្តាយខឹងច្រឡោត រាល់តែដងពេលបានជួបគ្នា ម្តាយកូនមួយគូរនេះចូលចិត្តតែញ៉ោះគ្នា លោកជំទាវសម្លក់កូនមិនដាក់ភ្នែក ទើបកូនប្រុសជើងល្អរបស់គាត់ ចាប់ក្រសោបមុខគាត់ថើបមួយខ្សឺត។
" ចង់បានប្រពន្ធឬទើបយកចិត្តថ្នាក់នេះ អាកូនទន្សាយ " លោកជំទាវចន យកដៃជូតស្នាមថើបកូនចេញ ខាំមាត់សម្លក់កូនបុិនយកចិត្តថ្លើម ឱបថើបណាស់ ប៉ុន្តែគេនៅមិន ចោលចរិតក្បាលខូចដដែល ទើបគាត់សួរផ្តឺកូន។
" បើម៉ាក់ដណ្តឹងឱ្យកូនក៏យក កូនសម្លឹងឃើញហើយ " ប្រុសកំលោះកាន់តែឱបរឹត យល់ចិត្តម្តាយដដែល កែវភ្នែកមុតថ្លាសម្លឹងមើលកូនស្រីអង្គុយក្បែរម្តាយ ចិត្តគំនិត របស់គេគិតផ្សេងពីមាត់។
" ហត់នឿយនិងចាញ់បោកសម្តីកូនណាស់ ប្រុសតូច " មិនខុសទេម្ចាស់តូចលក់មុខម្តាយ មកច្រើនដងគួរសមហើយ ជ្រើសគូរណាត់មិនដែលត្រូវ ខកការរហូត ឥលូវចេះមកម្ញិកម្ញ៉ក់ សុំម្តាយចង់បានប្រពន្ធ ដូចមិនសមទំនង ជាហេតុដែល លោកជំទាវមិនចាញ់ល្បិចរបស់កូនប្រុសគាត់។
" ម្តាយកូនល្មមឈប់ឈ្លោះគ្នាហើយ ហ្វីយ៉ាស្ងាបងងុយគេហើយនេះ នាំនាងទៅវិមានចន ឱ្យគេស្រួលបួលសិនទៅ " លោកស្រីមីនឯណ្ណោះវិញអង្គុយមើលម្តាយកូនទាំងពីរ តមាត់គ្នាដូចបងប្អូន យកឈ្នះចាញ់ មិនយល់ថាពេលនេះ ហ្វីយ៉ាកំពុងតែងងុយគេងស្រាប់ផង នាងផ្អែកក្បាលទៅនិងដើមទ្រូង ជំទាវលោកយាយ របស់នាង ទើបលោកស្រីមីនដាសតឿនម្តាយកូនទាំងពីរ ឱ្យផ្អាកឈ្លោះគ្នាសិន ណាមួយហ្វីយ៉ាមករស់នៅទីនេះ នាងមិនស្នាក់នៅវិមានធំ របស់លោកស្រីមីនទេ នាងស្នាក់នៅវិមានចន ព្រោះមានលោកប៉ានិងជំទាវយាយ នៅទីនោះ មើលថែនាងបានដិតដល់ ជាងលោកស្រីមីន ណាមួយលោកស្រីមីន ក៏មិនចង់បំបែកចៅស្រីចេញពី រង្វង់ដៃប៉ាតូច របស់នាងដែរ ធ្វើតាមការផ្តាំផ្ញើរបស់
យ៉ុនហ្គី កូនប្រុសគាត់។" គួរតែស្តីឱ្យកូនប្រុសពៅ របស់អ្នកបងទើបត្រូវ ប្អូនមិនដឹងរឿង តោះ!! អេហ្វ ឆាប់ចេញឡានទៅ ចៅយើងងងុយហើយ "
" ជំទាវម៉ាក់ឆ្នាសមិនប្រែ ម៉ាក់ធំកូនលារសិនហើយ ជុប!!
ហ្គូតណាយបាទ ម្ចាស់ក្សត្រីយ៍ របស់កូន "" ចាស បើកឡានស្រួលបួលកូនប្រុស "
______
និពន្ធដោយ : មីនស៍ហ្វាTo be continue
![](https://img.wattpad.com/cover/339713770-288-k350693.jpg)
BINABASA MO ANG
សំណព្វចិត្តប៉ាតូច{រដូវកាលទី២}
Romanceចន ជុងហ្គុក♥︎ មីន ម៉ារីតាហ្វីយ៉ា [ រដូវកាលទី២បន្តពីរឿង កូនបំណុលចងស្នេហ៍ ] ខុសដែរទេចំណងស្នេហា ផ្តើមពីឋានៈលោកប៉ានិងកូនចិញ្ចឹម មើលថែបីបាច់នាង តាំង...
ភាគ: ៣៤
Magsimula sa umpisa