Chapter 16
Sue Xing NwayMarch 17, 2023
Chapter 16
လျန့်ပေါအားချောက်ချရန်ကြံစည်ကြသူများမှာ သူနှင့်လမ်းကြောင်းတူသော တက်သစ်စအမျိုးသားနာမည်ကြီးများဖြစ်မည်မှာ ထင်ရှားပေသည်။
" ဒီဟာတွေတော့လား...ရန်ဖြစ်ချင်ရင် သူတို့ဘာသာသူတို့ဖြစ်ကြလေ ...ငါ့ပါဆွဲထည့်စရာလား .... ဖုန်းပေးစမ်း "
ဝူရွှယ်က စုယိ၏အကြံအစည်ကို တိုက်ရိုက်ပင်ငြင်းပယ်ပစ်သည်။
" Reply ပြန်ပြီး ကီးဘုတ်ဖိုက်တာလုပ်တာကို တားမြစ်ထားတယ် "
" ဘာလို့လဲ "
ဝူရွှယ်က စုယိ၏ Weibo စကားဝှက်ကိုပြောင်းနေပြီး နှစ်မိနစ်အကြာတွင် ဖုန်းကိုပြန်ပေးလိုက်သည်
"နင်က အရမ်းတော်လွန်းတယ်...
ပြဿနာရှာတဲ့နေရာမှာလေ...
ငြိမ်ငြိမ်လေးနေပြီး ငါ့ကိုပဲယုံထားလိုက် "
စုယိက တစ်ခုခုပြန်ပြောရန်ပြင်လိုက်သော်လည်း WeChat app၏ ညာဘက်အပေါ်ထောင့်မှ '၂ ' ကိုတွေ့သောအခါ ချက်ချင်းရပ်တန့်သွားသည်။
[ ချူယင်း - လယောဉပှေါကှဆငှးနဝောာ ]
[ ချူယင်း - *အသံမက်ဆေ့ချ်*]
စုယိက ဖုန်းကိုနား နားသို့ကပ်ပြီး နားထောင်လိုက်၏။
[ ခြေထောက် သက်သာပြီလား ]
ချူယင်း၏လေသံကိုနားထောင်ကြည့်ရသလောက် အလွန်ပင်ပန်းနေပုံရသည်။
ထိုအချိန်တွင် စုယိ၏စိတ်ထဲရှိ လျန့်ပေါနှင့်သက်ဆိုင်သော ပေါက်တက်ကရ ကောလဟာလများအားလုံးသည် လကမ္ဘာပေါ်သို့လွင့်စင်သွားတော့၏။
စုယိက ဖုန်းကို လက်နှစ်ဖက်ဖြင့်ကိုင်ကာ ထပ်ရောက်လာသော မက်ဆေ့ချ်တစ်ခုအား ပြန်ဖြေရန်လုပ်နေသည်။
[ ချူယင်း- တိုက်ရိုက်ထုတ်လွှင့်တာက မြန်မြန်ပြီးသွားတာပဲ ]
'ဒါကြီးကက ဘယ်လိုစကားတုန်း...'
[ စုယိ - ဟုတ်တယ်...ပြီးသွားပြီ...ခြေထောက်က နာနေတုန်းပဲ QAQ... ရှင် Liveကိုကြည့်ခဲ့တာလား ]