فريدة بسخط وضيق: آسفه.
مشيت ولسه هتفتح البروڤة الل جمبها وقفها الشاب اللي شغال.
_ حضرتك محتاجه مساعدة البروڤة مليانه طالما مقفولة ممكن اوصلك لمكان تاني لو حابة وكمان دي ملابس رجالي.
فريدة بصت ليه واتكلمت بجدية: جهاز كاميرات المكان ده فين؟
الشاب باستغراب: ليه؟
فريدة بجدية قربت منه واتكلمت بهدوء: مقدم فريدة الورداني في المخابرات العامة.
الشاب برعب وقلق: ايه... مممم. ممم... تمام يا فندم
فريدة بحزم: فين؟
الشاب شاور لمكان وراه بخوف: الغرفة اهي هناك..
مشيت فريدة بسرعة واتكلمت في الايربودز الل ف ودنها.
_ رنا انا ف المول نشطي المكان تحت وفتحي عنيكِ
رنا بعملية وعيونها علي شاشة المراقبة الل قدامها: تمام لو لاحظت اي حاجه هبلغك.
اومأت فريدة وقفلت ودخلت غرفة المراقبة الخاصة بالكاميرات الل موجوده ف المكان وقعدت وبتفحص كل حاجه من وقت ما طلعت الدور دا، شافت البنت بتجري وداخلة البروفة الل كانت هتفتحها، وقفت من مكانها بسرعة وخرجت مسدسها وجريت عليها وفتحت عليها وملاقتش حد، عيونها برقت وطلعت تجري وبتتكلم في الايربودز، هربت من هنا وصلت لفين عندك؟
رنا باستغراب: مش موجوده قدامي ف اي مكان.
فريدة بتتلفت حواليها وسمعت صوت صراخ طفلة صغيرة، جريت عليها وشافت البنت شايلة الطفلة ورافعة مسدس علي راسها وبتهددها بيها والكل رجع لورا بخوف علي الطفلة وفريدة قربت ليها بحذر والبنت صرخت فيها.
_ لو قربتي خطوة كمان هموتها مش بس هي الل هتموت كلنا هنموت.
رفعت البلوزة وكانت لابسة حزام ناسف والكل صرخ برعب وبيجري.
فريدة عيونها علي الطفلة اللي بتصرخ وتبكي من الخوف وفريدة كلمتها: حبيبتي اهدي مفيش حاجه طنط بتلعب معاكِ بس احنا بنلعب اوكي؟
البنت بغيظ: هخرج من هنا وهسيبها لو عقلك طاوعك تخدعيني صدقيني مش هرحمك وهنموت كلنا.
فريدة بهدوء: اهدي وهنفذلك الل انتِ عايزاه.
البنت بشر: خرجيني اخلصي.
رنا بتتكلم مع فريدة وهي ماشية: فريدة هتعملي إيه؟
فريدة ماشية مش بترد وبتخرج البنت ورنا بتصرخ: فريدة لأ.
فريده قطعت الإتصال وخرجت مع البنت وهي شايلة الطفل الل بتهددها بيه والناس الل موجوده منهم الل بيجري برا المول والل واقف مش عارف يعمل ايه ومرعوب.
YOU ARE READING
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
حلقة خاصة ².
Start from the beginning
