كيان فريدة (الجزء الثالث من روح الزين)

بارت⁴⁵ لِـ «كيـان فريـدة».

بارت⁴⁵
لِـ «كيـان فريـدة».
بقلم منارجمال"شجن"

«في بيت حسين»
والد حسين قاعد يقرأ في كتاب ودخلت ليه رجاء وماسكة في ايدها قهوته وحطتها قدامه وقعدت جمبه واتنهدت بقلق: عيد كلمت حسين ولا لسه؟.

عيد بجدية: سيبيه في شغله يا رجاء مش عايزين نقلقه.

رجاء بقلق وتوتر: قلبي واكلني عليه معرفش فيه ايه كلمه نطمن عليه باللّٰه عليك.

عيد اومأ بتفهم: حاضر.

حط الكتاب قدامه وشاف فونه بيرن ورجاء اتكلمت بلهفة: شوف كده يمكن هو وشاف اتصالاتي عليه وهيطمنا.

بص جمبه ومسك الفون واتكلم بنفي: لأ دا رقم غريب.

رجاء بهدوء: طيب رد يمكن موبايله ضاع ولا قطع شحن منه.

شال النضارة من علي عيونه وفتح علي المُتصل واتكلم: الو السلام عليكم.

رد ابو حسين بعد كلام من الشخص اللي بيكلمه: ايوه انا والد الضابط حسين خير؟
هدوء تام بعد لحظات سيطر علي أبو حسين ومبينطقش وبلع ريقه ببطء وتعب وهز دماغه باستغراب: إستُشهد؟؟

رجاء وقفت فجأة من مكانها من كلمة جوزها ومش بتتكلم عيونها عليه وبس وهو كمل المكالمة بجدية: حياتك الباقيه يا فندم.

رجاء بلهفة وصوت عالي: مين يا عيد.

عيد للشخص: إن شاءلله هكون في استقبال جُثمانه في مطار القاهرة مع السلامة.

رجاء بصوت كله وجع: إنت بتقول ايه مين اللي إستُشهد وهتستقب.... هتستقبل مين يا عيد جُثمان مين؟.

عيد وقف وقرب منها وهي قلبها بينبض بعنف وابو حسين اتكلم: احنا مؤمنين بقضاء الله وربنا إدانا امانه وخدها تاني واللّٰه العظيم المفروض نكون مبسوطين.

رجعت لورا بعدم فهم: نتبسط لمين؟.

عيد بهدوء: لحسين ابننا.

رجاء بأنفاس عالية وفزع: إبني مالوا فيه ايه؟.

عيد بوجع: ابننا إستُشهد.
رجاء بدهشة ورعب: حسين إبني؟ إبني راح (حطت ايدها علي قلبها وبتتألم) اه اه قلبي إبني لأ.

قرب منها عيد وضمها وهي بتبكي بقهرة ووجع قلب وبتتكلم بحسرة: لسه مفرحش يا عيد حسين لسه مفرحش، لسه بدري عليه.

بعدت عنه وابتدت تلطم وتزعق: ابني راح مات يا عيد حسين مات.
مسك ايدها واتكلم بصوت عالى: بس متعمليش كده.

زعقت بصوت يوجع القلب وبتبكي: لسه مشبعتش منه لسه مفرحتش بيه.

ضمها ليه تاني وبيحاول يهديها: دا في الجنة ونعيمها يا رجاء ابنك بطل.

بتهز دماغها بنفي وتبكي وبيطبطب عليها ودموعه نزلت: في مكان احسن من هنا بكتير الله يرحمك ياحسين، الله يرحمك يابني.