بارت⁸
لِـ «كيـان فريـدة»
بقلم منارجمال"شجن"
«في قصر أيمن الجارحي»
بيجري الجارحي في جنينة القصر ورا غيث ومُغيث والكورة مع غيث وبيلعب بإحترافية وجاب جول ورفع إيديه الاتنين لفوق وصرخ: جووووووول.
الجارحي ضحك: برافو يا غيث.
غيث ببراءة: انا 3 وانتوا صفر.
مُغيث كشر: عشان إنت بتحب الكورة لكن أنا مش بحبها وبلعب معاك عشان متزعلش.
غيث قرب منه وحط إيديه علي كتفه واتكلم ببراءة: بس لازم تحبها عشان تبقي لعيب كورة ونبقي مع بعض.
قرب منهم الجارحي بحب وقعدهم علي النجيلة وقعد قصادهم: عايز مُغيث يحب الكورة ليه يا غيث.
مُغيث بطفولة: عشان هو حابب يطلع لعيب كورة مشهور وأنا مش بحب الكورة يا جدو.
غيث بحزن طفولي: خلاص لو مش بتحبها مش هخليك تلعبها تاني وأنا كمان هسيبها.
الجارحي ابتسم: لأ يحبيبي مينفعش تتخلي عن حلمك.
غيث بص لمُغيث: بس كدا مُغيث مش هيكون معايا لانه مش بيحب الكورة.
الجارحي بابتسامة: بس دا مش معناه إنك تسيب حاجة بتحبها وتحرم نفسك منها إنت موهوب ولازم تركز علي حلمك مش شرط تكون إنت واخوك مع بعض في كل حاجه بس مؤكد انكم هتفضلوا اخوات طول العمر وتقفوا جمب بعض.
مُغيث بابتسامة وايديه علي كتف غيث: جدو معاه حق يا غيث إنت لازم تحقق حلمك وتبقي زي مو صلاح زي ما بتقول دايمًا.
الجارحي لمُغيث: طب غيث وعرفنا حلمه إنت حلمك إيه يا مُغيث.
مُغيث بابتسامة جذابة: أنا عايز أكون زيك إنت وبابا.
الجارحي بفرحة: عايز تكون دكتور.
هز راسه بإيجاب: أيوه يا جدو واعمل زي بابا بالظبط لو فيه حد محتاج مساعدة اساعده وكمان اكشف علي الناس اللي مش معاها فلوس مجانًا ويدعولي.
الجارحي عيونه عليه ومبسوط وبيفكر قد إيه طبع زين واخلاقه وتربيته قدرت تترسخ في ابنه.
غيث بتذكر: جدو يالا عشان نلحق نصلي العصر بيأذن أهوه.
انتبه ليه الجارحي وضحك بفرحة ليهم وقام اخدهم ودخلوا القصر: يلا وكمان نلحق نقعد مع تيتة حفصة شوية قبل ما ارجعكم البيت.
مشي غيث ومُغيث وماسكين إيد الجارحي ودخلوا معاه بفرحة وسعادة.
♡♡♡♡♡♡♡♡♡♡.
في قصر روح الزين.
رجع زين من شغله مع سليم وشاف موسي قاعد ماسك فونه وبيقلب فيه وقف قصاده بهدوء وانتبه ليه موسي ووقف احترامًا ليه: بابا حمدلله علي سلامتك.
YOU ARE READING
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
