بارت¹¹
لِـ «كيـان فريـدة»
بقلم منارجمال"شجن"
روح بحماس: جاهزة؟
ورد بابتسامة هادية وشرود: جدًا.
بصوا لبعض وابتسموا بفرحة ورجعت عيونهم علي الباب اللي واقفين قصاده، بيت قديم في حارة شعبية مليانة ناس بتمشي فيها واللي بيبيع خردة واللي واقف علي عربية وبيبيع خضار وفاكهة والستات اللي بيتخانقوا طول الوقت علي سعر الطماطم والفاكهة.
خبطت روح وفتحت ليها ست كبيرة في السن وأول ما شافتها ابتسمت بسعادة: روح تعالي يا بتي واقفة عندك كدا ليه أنا مش قولتلك من سابق تيجي تفتحي الباب وتدخلي طوالي( بصت لورد) مين القشطاية اوعي يكون زين لعب بديله أنا شاكة فيه الواد ده من زمن.
ضحكت روح وورد بصت للست بدهشة وبتضحك، روح مسكت إيد الست وباستها ومشيت معاها وبتسندها: تعالي بس ندخل يا عواطف وهفهمك كل حاجه وجايبة سيرة زين ليه دلوقتي ما تقولي إنك قافشة عليه وأنا هفهم (بصت لورد) اقفلي الباب وتعالي.
قفلت ورد الباب وكان عبارة عن باب خشب قديم ودخلت وفي إيدها شنط.
عواطف بتذمر: مجاش ليه الكلب دا متزعليش بقا لما امسكه من ودانه واخليه يفيص تحت ايديا.
روح بضحك وتبرير: والله مشغول جدًا الفترة دي وهجيبه معايا المرة الجاية أوعدك
عواطف بتعب: قعديني بس هنا الأول
روح بصت للأرض: طيب اقعدي علي الكنبة احسن.
عواطف بسخط: قعديني يابت ع الأرض الواد عباس كان هنا من شويه ورشها وبقت زي الفل اهي وساقعة افرشي بس الحصيرة الأول عشان هدومك متتوسخش.
روح هزت راسها بقلة حيلة: حاضر يا عواطف مانا مش هغلبك في نشفان دماغك دي.
ورد وقفت جمبهم وحطت الشنط علي الكنبة وروح سابت إيد عواطف وراحت لركن في البيت شالت حصيرة وبتفرشها في الأرض.
عواطف عيونها علي روح ومبتسمة وبصت لورد: غلبانة وقلبها أبيض.
ورد هزت راسها بإيماء ومبتسمة وعواطف كملت: اوعي تفكري كلامي عن زين صح أنا بس قافشة عليه زي ما مقصوفة الرقبة دي فهمتني دا زينها وهي تبقي روح الزين وميقدرش يعمل اللي قولته دا واصل.
ورد بضحك: فاهمة أنا عارفة قصة حبهم لبعض.
عواطف بحدة مصطنعة وعيونها علي روح: شهلي يا بت كل دا بتفرشي الحصيرة يا خايبة.
روح بغيظ: يا عواطف احترميني شوية مش كدا أهوه خلصت.
مشيت عواطف وسندت علي ورد وقعدوا في الأرض وروح جمب عواطف من الناحية التانية وضربت روح بخفة علي دراعها: اتلحلحي شوية.
روح بتحذير: عواطف هشتمك.
ضحكت ورد وعواطف شدت روح من خدها: قولتي ايه؟.
أنت تقرأ
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
