كيان فريدة (الجزء الثالث من روح الزين)

بارت⁵⁵ لِـ «كيـان فريـدة».

مش عارفه صاحيين ولا لأ بس قدرت اسهر واكتب ليكم بارت صغنن كـ تصبيرة ليوم الجمعة بإذن الله، ويارب اقدر اصحي للجامعة الصبح ومتهزقش 🙂🙆🏻‍♀️.

بارت⁵⁵
لِـ«كيـان فريـدة».
بقلم منارجمال"شجن".

نايم كيان وفريدة بتحاول تقوم من جمبوا بدون ما يحس بعدم وجودها وعيونها عليه وهي بتقوم وفي حالة توتر، قدرت بعد لحظات تقوم وبصت حواليها جابت فونها وخرجت برا اوضتهم بهدوء تام ولسه بتراقب كيان وهو نايم، بلعت ريقها ببطء وقفلت الباب بهدوء ومشيت بسرعة وهي بتقلب في الفون تبعها ودخلت اوضة تانية وعملت اتصال وبعد ثواني رد عليها الشخص اللي بتتواصل معاه واتكلمت: فيه إيه؟.

مجهول بهدوء: عايز اشوفك.

فريدة بإرتباك وبتبص وراها بحذر: حاليا مش هينفع كيان رجع بالليل.

مجهول بدهشة: ازاي يعني؟ أنا محتاج اقابلك ضروري اتصرفي.

فريدة بحنق وصوت خافت: قولتلك مش هينفع.

مجهول بحدة: خليه ينفع أنا بنبهك لازم اشوفك والنهاردة في نفس المكان.

فريدة لسه هترد عليه سمعت صوت باب اوضتها بيتفتح وقفلت مع المجهول وبتداري الفون وراها وخرجت من الاوضه شافت كيان عيونه جت عليها واتكلم: روحتي فين ع الصبح كده؟.

فريده بتوتر وبتشاور علي الأوضة اللي كانت فيها: سمعت صوت خبط في الأوضة دي وجيت اشوف فيه إيه لاقيتني سايبة الشباك مفتوح من امبارح.

كيان اومأ وابتسم ليها بصدق: ماشي… صباح الخير علي عيونك الحلوين دول.

فريده ببسمة وخفوت: صباح النور… هحضرلك الفطار لحد ما تجهز عشان ننزل الشغل.

قرب منها باسها من جبينها وضمها ليه: هنجهزوا مع بعض دا غير انه مفيش شغل الفترة دي انا اخدت أجازة.

فريدة بعدت عنه بهدوء وبصت ليه: أجازة ليه؟..

كيان بتنهيدة: عشان سعادتك وحشاني وحشاني أوي.

ضمها ليه من تاني وفريدة بعدت عنه بعدم فهم: ايوه مانا كده عندي شغل و...

قاطعها كيان: لا سعادتك انتِ في أجازة برضوا معايا.

فريده بذهول: إيه؟ …

كيان ضم حواجبه وبيبتسم: إيه! وكمان فيه سفرية هنروحها بالليل اجهزي.

فريدة بتعجب: سفرية إيه دي كمان؟

كيان باستغراب من طريقة كلامها: دهب قولت اعوضك عن غيابي ونسافر مع بعض.

فريدة بصوت ممزوج بالضيق والخفوت: انت ازاي متاخدش رائي في حاجه زي دي يا كيان؟.

كيان: أخد رائيك في المفاجأة اللي عملتها ليكِ؟؟.