كيان فريدة (الجزء الثالث من روح الزين)

بارت⁴⁹ لِـ «كيـان فريـدة».

بارت⁴⁹
لِـ «كيـان فريـدة»
بقلم منارجمال"شجن".

واقفة بثقة وهدوء وملامحها كلها جدية وكيان بص للباب اللي قدامه بغباء ورجع بص لفريدة وشاور علي الباب: قصدك الباب ده؟؟.

ابتسمت ليه ببرود: مفيش غيره مفتوح قدامك.

مط شفايفه واومأ لكلامها وفجأة رزع الباب بقوة وفريدة اتخضت ورجعت خطوة للخلف ولاقته بص ليها وبيقرب منها وبيتكلم: قفتله يا ديدا كده تمام؟

بلعت ريقها بتوتر من نبرة صوته وابتسمت وحاولت تخفي قلقها منه: تمام أكيد انا بس كنت اقصد يعني انبهك متخرجش كده انت مش واخد بالك انك عاري الصدر ولا إيه واحنا في شتا والجو تلج يعني أنا بس خايفة عليك مش اكتر و.....( فجأة اتفزعت واتكلمت برعب وبتحذير) لا يا كيان وربنا هعيطلك دلوقتي ومش هتعرف تسكتني.

كيان ماسك ايدها الاتنين ومكتفها وعيونه في عيونها بغموض: بتحاولي تستفزيني صح؟

حركت راسها يمين وشمال بسرعة بنفي: لا طبعًا انا بس كنت بقول انه واجبي انبهك.

كيان باستغراب: تنبهيني ها؟.

فريدة بصوت ناعم ورقة: هو فيه إيه بس يعني دي جازاتي علشان قلقانة عليك لا تاخد دور برد.

كيان اتنهد بيأس منها وبِعد عنها بغيظ: رخمة.

ابتسمت ببرود وشدته من ايديه وماشيه بيه: تعالا بس دوق الفطار الل جهزتهولك.

شدها من ايدها رجعها ليه: ادخلي بس كده غيري التيشيرت ده أول حاجه.

بصت لنفسها ورجعت بصت ليه بعدم فهم: ليه مالوا؟.

كيان رجعلها شعرها لورا بحب وعيونه في عيونها بهيام وفريدة انفاسها عالية من الكسوف اللي صابها من نظراته ليها وكيان غمزلها بخبث: اقولك مالوا ومتزعليش؟.

فريدة بتوتر وإرتباك: لأ هغيره تمام...

قاطعها بصوت حنون: ياريت.

هزت دماغها بإيماء وخجل ولسه هتمشي كيان منعها بخبث: أساعدك طيب ؟.

فريدة بغيظ وخجل: لأ وياريت تتأدب شويه بقا مش كده.

كيان ببراءة: يحبيبتي انا غرضي شريف والله اقصد اساعدك في اختيار لبسك انتِ اللي فهمتيني غلط وبما إنك فهمتي غلط يبقي نخليه غلط ونحققه.

فجأة كيان شالها وفريدة بتتكلم بصوت عالي ورعب: لا يا كيان متهزرش كيــــان.....
♡♡♡♡♡♡♡♡♡♡♡♡♡♡♡♡.
«في قصر روح الزين».

صابر قاعد مع نوح وبيتهامسوا مع بعض وصابر اتنهد: لأ فكره مش حلوة برضوا.

نوح واقف يفكر بعُمق وصابر معاه وبعد كام دقيقه روح جت ليهم وكلمت نوح بجدية وماسكة شنطتها وخارجة علي شغلها: نوح ابقي صحي موسي علشان اتاخرت ع الشغل ومش هقدر اصحيه.