أن أن أأأأأأأأن 😂❤.
مفاجأة صح 😂❤.
اجهزوا عشان الفترة الجاية عبارة عن مفاجآت 😂❤❤❤.
______________________________________
واقفة روح بتتفرج علي ابنها حسين ومستمتعة بشكله وهو بيتعلم السباحة وجدو خالد معاه في البسين وبيشجعوا.
_ يلا يا وحش شد كمان.
الحماس بيزيد جوا حسين وبيحرك ايديه ورجليه وبيعوم بسرعة ووصل لأخر حمام السباحة وشاور لمامته واتكلم.
_ شاطر يا ماما ولا لأ...
ضحكت روح بخفة وهزت دماغها بتشجيع.
_ برافو يا قلب ماما شاطر جدًا.
لف حسين وكمل عوم وراجع لجده وجت سارة قربت منها وحطت ايدها علي كتفها وروح لفت ليها.
_ كويس إنك متأخرتيش تعالي اتفرجي معايا علي حسين بقا يعوم ازاي واتطور جدًا بعد ما كان بيخاف بقا شجاع
بصت ليه سارة وابتسمت ورجعت اتكلمت مع روح...
_ تعرفي ان حازم السبب؟
اتبدلت ملامح روح للضيق وعدم الفهم
_ حازم؟ ازاي هو السبب مش فاهمة؟.
لسه سارة هتتكلم منعها صوت حسين وهو بيصرخ بصوت عالي وبيجري وهو عريان وينادي علي ابوه
_ بابا جي بابا جي.
لفت روح شافت حازم بيجري علي حسين ويحضنه ويشيله ويلف بيه بفرحة وبيتكلم معاه حسين
_ وحشتني أوي، وفيت بوعدك وجيت زي ما اتفقنا.
حازم بيرجعلو شعره لورا وبيبتسم بسعادة مالية قلبه
_ معقول اسيبك واخلف بوعدي معاك؟
حسين ابتسم: لأ بس اتأخرت شويه صغيرين بس مش مهم المهم انك جيت انا عرفت اعوم حلو اوي زي مانت علمتني ومبقتش اخاف من المايه خالص.
حازم بفرحة: انت موهوب يا حسين وشجاع جدًا وانا فخور بيك أوي.
حسين بحزن: بس انا مضايق منك برضو
حازم بحزن: ليه انا عملت حاجه زعلتك؟
حسين اومأ: قولتلي انك هتعيش معايا انا وماما ومعملتش كده.
حازم لمح روح عيونها عليه وبص ليها نظرة طويلة كلها أسف ووجع من جواه ومش عارف يرد يقول ايه لحسين ولا يحاول ازاي مع طليقته ترجعله هو ندم ونفسه تسامحه بس هي رافضة جدًا ترجعله.
نزل حسين من علي دراع حازم ومسكه من ايديه ومشي بيه وقربوا من روح اللي ارتبكت جدًا من قرب حازم منها ونظراته ليها وساكتة تماما وحسين اتكلم.
_ ماما انا بقيت بحب بابا ومش بخاف منه ولا بكرهوا زي ما كنت بقولك هو بقا شاطر وبيعمل حاجات صح ومش بيغلط ينفع نرجع نعيش مع بعض؟.
YOU ARE READING
كيان فريدة (الجزء الثالث من روح الزين)
Mystery / Thrillerهي فريدةٌ من نوعها لها سِحرٌ خاص، هو شخصٌ حاد الطباع يُريدُ الإنتقام لِما حدث لوالدته من قِبل أبيه، ويا للعجب عندما تكون الفريدةُ الحارس الشخصي لِأبيه.
