كيان فريدة (الجزء الثالث من روح الزين)

بارت¹⁷ لِـ «كيـان فريـدة».

بارت¹⁷
لِـ «كيـان فريـدة»
بقلم منارجمال"شجن"

«في أسوان»

فريدة كانت هتعمل اتصال وتكلم روح وزين وتطمنهم عليها وفجأة فون كيان الل في ايدها رن وجت بدل ما تضغط علي اتصال لرقم زين فتحت علي رقم جنة الل كانت بتتصل سمعت كلامها فجأة وهي بتتكلم: كيان وحشتني اوى ارجع بسرعة انا بجد محتاجاك جمبي.

سكتت فجأة ومكنتش عارفة ترد وبصت لشاشة الفون باستغراب واكتشفت انها ردت علي رقم مسجله كيان بإسم جنة كيان، حمحت وبصت ليه وهو قاعد جمبها وسلمته الفون بحرج: مكالمة عشانك.

كيان وقف وقرب منها ومسك فونه وأول ما شاف اسم جنة ابتسم وكلمها: إيه يا حببتي إنتِ كويسة؟؟.

جنة كشرت: إنت ساكت ليه بكلمك ولاقيتك مش بترد.

كيان اتجنب علي جمب ووقف قصاد شباك الأوضة: الموبايل كان مش معايا المهم كنتِ بتقولي إيه؟.

جنة بدهشة: إزاي بتسلم فونك لحد دانت بترفض تخلي روڤانا أو انا وحتي مامتك تمسك فونك.

كيان اتنهد: يبنتي ما تخلصي وتقولي كنتِ بتقولي إيه.

جنة بحزن: قولت إني محتاجاك جمبي ووحشتني.

كيان بحب: يومين بالكتير وهرجع بس فيه حاجة مال صوتك مش طبيعي.

جنة بضيق: مفيش عادي بس جبت لبس واسع ومقفول زي ما طلبت مني وماما شافتني لابساه وقالتلي اقلعيه لأني شبه الحجة الكبيرة فيه.

كيان نفخ بضيق: ملكيش دعوة بكلام حد وتتأثري بيه وثقي في نفسك شوية ولينا كلام كتير مع بعض لما ارجع اوكي.

جنة بيأس: طيب بس خد بالك من نفسك المهم.

كيان: حاضر هقفل دلوقتي وهكلمك تاني تمام؟.

جنة بإيماء: ماشي يحبيبي باي.

قفل كيان مع جنة وبص لفريدة لاقاها قاعدة تاكل ولاحظ انها بتتألم من راسها وبتغمض عيونها بوجع، قرب من ترابيزة كانت موجوده في الاوضة كان عليها علاج فتح علبة منهم وخرج منها قرص برشام ومسك كوباية ماية وقعد قصادها ومد إيديه ليها بيهم: اشربي القرص دا وهتكوني كويسة.

فريدة بصت لايديه ورجعت بصت ليه: إيه دا؟

كيان وعيونه في عيونها: مسكن جابته فريال من شوية وقالت لو حسيتي بتعب جامد وصداع تاخدي منه.

هزت دماغها وفتحت إيدها وحط ليها قرص البرشام وحطته في بوقها واخدت الماية منه وشربتها.

حطت الكوباية جمبها ولسه عيونه عليها وملاحظ تعابير وشها: بقيتي أحسن.

فريدة بسخط: لسه واخدة الدوا يا كيان مكملتش دقيقة ومنزلش للمعدة حتي عشان احس بتحسن.