Unicode
...Zawgyi
အပိုင်း(၆၀)ပြဿနာဖြစ်ခြင်း
......
ပထမလ၏ရှစ်ရက်မြောက်နေ့တွင် တော်ဝင်တရားရုံးတော်က တစ်ဖန်ပြန်ဖွင့်လာ၏။မြို့တော်ကို ဖြတ်သွားဖြတ်လာလုပ်နေသော ရထားလုံးများနှင့်ဝေါယာဉ်များသည်ပင် လျော့နည်းသွားရကာ မူးယစ်ဆေးရောင်းသူများကပဲ လမ်းကိုနေရာယူထားကြသည်။တော်ဝင်တရားရုံးတော်ပြန်ဖွင့်လှစ်သည်နှင့် ကြီးမားသည့်ကိစ္စတစ်ခုလည်း ထွက်ပေါ်လာသည်။ရွေ့မင်းသားက ကျန်းနန်ရှိ ဆားအုပ်ချုပ်ရေးနှင့်လောင်းကစားကိစ္စအတွက် ချေးငွေပြုလုပ်ခဲ့ကြောင်းကို အရာရှိတစ်ယောက်က စွပ်စွဲလာ၏။
ထိုအကြောင်းထွက်ပေါ်လာခြင်းက ကြီးမားသောလှိုင်းဂယက်ကိုဖြစ်ပေါ်စေကာ တတိယမြောက်ရက်တွင်ပို၍ကြီးမားလာပြီး ထိုအရာရှိကပင် ရွေ့မင်းသားကလိပ်ပြာမလုံဘဲ သူ့မိသားစုကိုခြိမ်းခြောက်လာသည်ဟု ထပ်မံစွပ်စွဲပြန်သည်။ထို့နောက် သူကညီလာခံတစ်ခုလုံး၏အရှေ့၌ပင် သူ့ကိုယ်သူ ရွှေနဂါးတိုင်လုံးနှင့်ခေါင်းဆောင့်လိုက်ကာ သတ်သေလိုက်တော့၏။
ဤဖြစ်ရပ်က ဆီပူအိုးထဲသို့ရေလောင်းထည့်လိုက်သည်နှင့်အတူတူပင်ဖြစ်ကာ ကျင်းမြို့တော်တစ်ခုလုံးကို တုန်လှုပ်သွားစေ၏။ဧကရာဇ်ကအလွန်စိတ်ဆိုးနေပြီး ညီလာခံတက်ရမည်ကိုတောင်စိတ်မပါဖြစ်နေသည်။အချိန်တစ်ခုအထိတော့ ကျင်းမြို့တော်ရှိလူများသည် ထိုကိစ္စထဲပါသွားမည်ကို စိုးရိမ်ကြသောကြောင့် ကိုယ့်ကိုယ်ကိုကာကွယ်နေကြရ၏။
သွမ့်မင်းသားစံအိမ်တော်တွင်ဖြစ်သည်။
ချီချင်းရီက များပြားလာသောတွေ့ဆုံလွှာတို့ကို လှန်လှောကြည့်နေကာ မျက်မှောင်ကြုံ့လိုက်ပြီးအမိန့်ပေးလာ၏။
"နောက်ကျတစ်ယောက်ယောက် ငါ့ကိုတွေ့ချင်ရင် ငါဖျားနေတယ်လို့သာပြောလိုက်။ဝမ်ရယ်ကလည်းသူ့တာဝန်ကြောင့် အလုပ်များနေတာမို့ စံအိမ်တော်မှာမရှိဘူး။ ဒါကြောင့်မို့ ဧည့်သည်လက်မခံဘူးလို့ပြန်ဖြေလိုက်ကြ"
ဤအချိန်တွင် ဟယ့်ချီကဟယ့်ယွမ်နှင့်ပြဿနာဖြစ်နေလေရာ သွမ့်မင်းသားစံအိမ်တော်က ပါဝင်ရန်မလိုအပ်ပေ။
![](https://img.wattpad.com/cover/308640717-288-k715842.jpg)
YOU ARE READING
ျမင့္ျမတ္ေတာ္ဝင္ျခင္းႏွင့္ျပည့္စုံေသာဇနီးေခ်ာေလး (Myanmar Translation)
RomanceTranslation work of Best Novels Collection Team- BNC Team U can search 'Best Novels Collection Team' on Fb💛 Every friday, bonus day⭐ (စဆုံးPaid gp coming soon) ကိုယ်ကျင့်တရားသုံးပါးနဲ့သူတော်ကောင်းတရားလေးပါးက ဘာလဲဆိုတာကို သိစေဖို့ ကံကြမ္မာကမိန်းမသား...