Unicode
အခန်း-၃၅. လင်ညီအစ်မ
....
ချီချင်းရီသည် ပန်းပုံဆွဲထားသော ရနံ့ပါသည့်ဖိတ်ကြားလွှာတစ်ခုကို ဆော့ကစားနေသည်။ သူမကမုကျင်းကိုစိတ်ဝင်တစားကြည့်လိုက်ပြီး
"နားထောင်ကြည့်ရအောင်။ ဆောင်းရာသီမှာ ရွေ့ဝမ်ဖေးက ဇီးပန်းပွင့်စားသောက်ပွဲအတွက် လူတွေကိုဖိတ်ကြားထားတယ်တဲ့။ဒါက စိတ်ဝင်စားမှုကြောင့်လား ဒါမှမဟုတ်လူတွေကို နှိပ်စက်ဖို့လား"
ချင်းမိသားစုသည် စာပေပညာရှင်မိသားစုဖြစ်သောကြောင့် ဤရွေ့ဝမ်ဖေးချင်းပိုင်လုက(ရွေ့မင်းသား၏ဇနီး) သူမ၏ဂုဏ်ပုဒ်နှင့်အညီ ယဉ်ကျေးသိမ်မွေ့သောသူဖြစ်သည်။
"ပန်းပွင့်တွေက အဖြူရောင်နှင်းစက်တွေပေါ် ဘယ်တော့မှမကြွေကြဘူး။ ပြီးတော့ဆောင်းလေအေးအေးထဲမှာ ခြောက်သွေ့သွားရတယ်။ဘယ်သူကမှအထီးကျန်ခြင်းကို မနှစ်မြို့တဲ့အတွက် အဝေးကနေပဲကြည့်နေကြတယ်"
ချီချင်းရီကပြုံးလိုက်ပြီး ဖိတ်ကြားလွှာကို တစ်ဖက်သိုထားလိုက်ကာ ပူနွေးသောလေကို ရှူထုတ်လိုက်၏။
"အဖြူရောင်နှင်းစက်တွေအရမ်းများနေရင် ဆောင်းဦးရဲ့ စပါးနှံတွေလည်းများနေမှာပေါ့။ ဆီးနှင်းခဲတွေ အရည်ပျော်သွားတဲ့အချိန်ကျရင် ကောင်းကောင်းရိတ်သိမ်းနိုင်ကြဦးမလား ငါသိချင်မိပါရဲ့"
မုကျင်းကပြုံးလိုက်ပြီး ဖိတ်ကြားလွှာကိုယူလိုက်ကာ တစ်ဖက်သို့ ပြန်ထားလိုက်ပြီး ပြန်လည်ဖြေကြားလာ၏။
"ဒီအစေခံကြားတာကတော့ ဆီးနှင်းအရည်မပျော်ခင်နဲ့ နှင်းတွေကျတာ မရပ်သွားခင်ရိတ်သိမ်းဖို့ အဆင်ပြေမှာပါတဲ့။ဆီးနှင်းတွေမခဲရင် ရိတ်သိမ်းတာကဆိုးသွားရုံပဲရှိမှာပါ"
"ငါတို့ရဲ့ မုကျင်းက အများကြီးသိထားတာပဲ"
ချီချင်းရီက မတ်တပ်ရပ်လိုက်၏။
"တတိယညီမလေး နန်းတော်ထဲဝင်လာကတည်းက ပထမဆုံးလုပ်တဲ့စားသောက်ပွဲဆိုတော့ ယောက်မတော်ဖြစ်တဲ့ငါက သေချာပေါက် ပျက်ကွက်လို့မဖြစ်ဘူး။ ငါအချိန်မှီလာခဲ့ပါမယ်ဆိုတာ တစ်ယောက်ယောက်ကို အကြောင်းပြန်ခိုင်းလိုက်"
YOU ARE READING
ျမင့္ျမတ္ေတာ္ဝင္ျခင္းႏွင့္ျပည့္စုံေသာဇနီးေခ်ာေလး (Myanmar Translation)
RomanceTranslation work of Best Novels Collection Team- BNC Team U can search 'Best Novels Collection Team' on Fb💛 Every friday, bonus day⭐ (စဆုံးPaid gp coming soon) ကိုယ်ကျင့်တရားသုံးပါးနဲ့သူတော်ကောင်းတရားလေးပါးက ဘာလဲဆိုတာကို သိစေဖို့ ကံကြမ္မာကမိန်းမသား...
