Unicode
အပိုင်း-၁၃ ချန်တကုန်းစံအိမ်တော်
...နောက်တစ်ကြိမ် ဂါရဝပြုရမည့်နေ့က ရောက်လာခဲ့ပြီ။ကြင်ယာတော်နှင့်ကိုယ်လုပ်တော်တို့က စောစီးစွာရောက်လာကြပြီး မိဖုရားနန်းဆောင်၏ဧည့်ခန်းတွင် စောင့်ဆိုင်းနေကြသည်။ဤတစ်ကြိမ်တွင် သူတို့၏ကိုယ်အမူအရာက ပိုမိုရိုကျိုးနေသည့်အပြင် အစေခံတို့ကိုလည်း ယဉ်ယဉ်ကျေးကျေဆက်ဆံသေး၏။
ကျင်ကျန်းသည် အစေခံအချို့နှင့်ရောက်လာပြီး ကြင်ယာတော်တို့အတွက် လက်ဖက်ရည်ငှဲ့ပေး၏။ထို့နောက် ဘေးဘက်တွင် ငြိမ်သက်စွာသွားရပ်နေသည်။
"မိန်းကလေးကျင်ကျန်း ငါတို့ဒီနေ့အစောကြီးရောက်လာတာ ဝမ်ဖေးကိုအနှောင့်အယှက်မဖြစ်စေဘူးမလား"ဖုန်းဇီကျင်း၏မျက်နှာတွင် တောင်းပန်သည့်အရိပ်အယောင်တို့ ပေါ်လွင်နေပြီး အိပ်ခန်းအတွင်းဘက်သို့ ကြည့်လိုက်သေးသည်။
"ဝမ်ဖေးက လွန်ခဲ့တဲ့ရက်တွေမှာ အလုပ်တွေများထားတော့ ပင်ပန်းနေမှာပဲ"သူမက အရိုအသေပေးလိုက်သော်လည်း မျက်လုံးတို့ကတော့ လှောင်ရယ်နေသည့်အလားပင်။
သူမက သေချာပေါက်ကိုအလုပ်များရမည်။မောင်းမဆောင်အကုန်လုံးကို သူမ၏လက်အောက်သို့ရောက်အောင်စီမံနေသည့်အပြင် ဝမ်ရယ်ကိုလည်းသူအခန်းထဲ၌ ညတိုင်း နေအောင် စွမ်းဆောင်နိုင်သေးသည်။ဝမ်ဖေးကတော်သည်ဟု ပြောနိုင်၏။
"ကြင်ယာတော်ဖုန်းက ချဲ့ကားပြောနေပါပြီ။ စံအိမ်တော်က အခုတလော အလုပ်မများပါဘူး။ဝမ်ရယ်ကလည်း ဝမ်ဖေးကိုဂရုစိုက်တာကြောင့် ပင်ပန်းမှုတွေလည်းမရှိတာမို့ ကြင်ယာတော်ဖုန်းစိတ်မပူပါနဲ့ ဝမ်ဖေးကမကြာခင်ရောက်လာပါလိမ့်မယ်"
ဖုန်းဇီကျင်းသည် သူမ၏စကားပြန်လည်ချေပခံလိုက်ရမည်ကို မထင်ထားခဲ့ပါချေ။သူမက ခဏတုံ့ဆိုင်းနေပြီးနောက်
"ဝမ်ဖေးကျန်းမာရေးကောင်းတာက ငါတို့ညီအစ်မတွေအတွက် ကံကောင်းမှုပါ"ချီချင်းရီ ဧည့်ခန်းတံခါးနားရောက်သော် ဖုန်းဇီကျင်း၏စကားကိုကြားလိုက်ရ၏။သူမကရယ်လိုက်ကာ အခန်းထဲဝင်လာသည်။
YOU ARE READING
ျမင့္ျမတ္ေတာ္ဝင္ျခင္းႏွင့္ျပည့္စုံေသာဇနီးေခ်ာေလး (Myanmar Translation)
RomanceTranslation work of Best Novels Collection Team- BNC Team U can search 'Best Novels Collection Team' on Fb💛 Every friday, bonus day⭐ (စဆုံးPaid gp coming soon) ကိုယ်ကျင့်တရားသုံးပါးနဲ့သူတော်ကောင်းတရားလေးပါးက ဘာလဲဆိုတာကို သိစေဖို့ ကံကြမ္မာကမိန်းမသား...