Unicode
ငါကမိန်းမလှလေးတွေကို ကာကွယ်တဲ့သူ
......
ကျောက်စိမ်းတားမြစ်ဥယျာဉ်သည် စံအိမ်တော်၏အနောက်ဘက်တွင် တည်ရှိသည်။လူသူအသွားအလာကင်းမဲ့သော်လည်း ပတ်ဝန်းကျင်က သပ်သပ်ရပ်ရပ်ရှိပြီးအေးချမ်းသည်။
ချီချင်းရီက သူမ၏အစေခံမုကျင်းလက်ကိုကိုင်၍ လခြမ်းပုံသဏ္ဍာန်တံခါးအား ဖြတ်သွားသည့်အခါ ထိုကျောက်စိမ်းတားမြစ်ဥယျာဉ်၏အဝင်ဝက သူမ၏အမြင်အာရုံကိုဖမ်းစားသွားတော့သည်။
ကျောက်စိမ်းတားမြစ်ဥယျာဉ်၏တံခါးစောင့်နှင့် တာဝန်ခံဖြစ်သည့် အစေခံအိုနှစ်ယောက်ကတံခါး၌ စောင့်ဆိုင်းနေသည်။ချီချင်းရီကိုမြင်သော် သူတို့သည်အပြုံးမျက်နှာဆင်မြန်းလျက် အလျင်အမြန်ရောက်လာကြ၏။
စားဖိုဆောင်၌ဖြစ်ပျက်သွားသောကိစ္စသည် စံအိမ်တော်တစ်ခုလုံးသို့ ပျံ့နှံ့နေပြီးသားဖြစ်၏။တခဏအတွင်းမှာပင် မည်သူကမှဝမ်ဖေးကို မရိုမသေမပြုရဲကြ။ ဝမ်ရယ်ကဝမ်ဖေးဘက်တွင်ရှိနေသည်ကို သူတို့မြင်တွေ့ခဲ့ကြသည်မဟုတ်ပါလား။သူတို့ကအစေခံများသာဖြစ်သည်။ထို့ကြောင့်သခင်ဖြစ်သူကို အပြစ်မပြုရဲပါချေ။
"ဒီအစေခံက ဝမ်ဖေးကိုဂါရဝပြုပါတယ်"
တာဝန်ခံဖြစ်သည့်အစေခံအိုက အရှေ့သို့ရောက်လာပြီး ရိုသေစွာဂါရဝပြုသည်။သူမက ဝမ်ဖေးရဲ့ပထမအစေခံကို ကပ်ဖားယက်ဖားနှင့်ကြည့်လိုက်ပြီး
"အစားအသောက်တွေ ပြင်ဆင်ထားပြီးပါပြီ။
ဝမ်ဖေးအထဲဝင်လာပြီး အနားယူလှည့်ပါ"
"မင်းတို့ကို အလုပ်မရှုပ်စေဘူးလို့ငါမျှော်လင့်ပါတယ်"
ချီချင်းရီကသူမ၏ဦးခေါင်းကို အနည်းငယ်စောင်းငဲ့လိုက်၏။
သူမကိုမျက်နှာချိုသွေးနေသော အစေခံအိုနှစ်ယောက်၏အပြုံးကိုလျစ်လျူရှုလိုက်ကာ ကျောက်စိမ်းတားမြစ်ဥယျာဉ်ထဲသို့ တင့်တယ်စွာနှင့်ဝင်သွားတော့သည်။
ဝမ်ဖေးက သူမတို့ကိုပျူငှါစွာဆက်ဆံသော်လည်း ဝမ်ဖေးကမြင့်မြတ်တော်ဝန်ဆန်ခြင်းတို့နှင့် ပြည့်လျှမ်းနေသောကြောင့် သူတို့ကိုယ်သူတို့ သေးငယ်သွားသယောင်ခံစားရ၏။
CITEȘTI
ျမင့္ျမတ္ေတာ္ဝင္ျခင္းႏွင့္ျပည့္စုံေသာဇနီးေခ်ာေလး (Myanmar Translation)
DragosteTranslation work of Best Novels Collection Team- BNC Team U can search 'Best Novels Collection Team' on Fb💛 Every friday, bonus day⭐ (စဆုံးPaid gp coming soon) ကိုယ်ကျင့်တရားသုံးပါးနဲ့သူတော်ကောင်းတရားလေးပါးက ဘာလဲဆိုတာကို သိစေဖို့ ကံကြမ္မာကမိန်းမသား...
