ကျွန်မက ကျွန်မအား ထွေးပွေ့ထားသော သန့်၏ လက်အစုံကို ကိုင်လိုက်ကာ
ကျွန်မ - " ဟင့်အင်း... မမအတွက် တစ်ခုတည်းသော လိုအပ်ချက်က မမအနားမှာ အသန့်လေး ရှိနေပေးဖို့ပဲ... အသန့်လေးမျက်နှာ တစ်ကမ္ဘာထင်ပြီး အရာရာကို လွှတ်ချခဲ့တာမို့ မမကို ချစ်ပေးပါ၊ ဂရုစိုက်ပေးပါ... ဒါလေးတစ်ခုပဲ မမ တောင်းဆိုချင်တယ်... မမကလေ အရင်ကတော့ အသန့်လေးကို မြင်နေရတာနဲ့တင် ကျေနပ်နေတဲ့လူစားမျိုး၊ ဒါပေမယ့် အခုလို အမြဲအတူရှိနေခွင့်လေး ရနေတော့ လောဘတက်လာမိတယ် ထင်ပါရဲ့..."
သန့် - "လောဘတက်တော့ရော ဘာဖြစ်လဲ... မမမှာ လောဘတက်ပိုင်ခွင့်ရှိတယ်... အသန့်လေးက မမအပိုင်၊ အသန့်လေးရဲ့ဘဝမှာလည်း သန္တာရောင်ဆိုတဲ့ မမတစ်ယောက်ပဲ ရှိခဲ့သလို၊ အမြဲတမ်းလည်း မမပဲ ဆက်ရှိသွားမှာ..."
ကျွန်မ - "အသန့်လေး..."
သန့် - "ရှင်..."
ကျွန်မ - "မမတို့ ထားဝယ်ကို ထပ်သွားကြရအောင်... မမတို့ရဲ့ နှဖူးစာရွာလည်ခဲ့တဲ့ နေရာလေးဆီကို..."
သန့် - "အင်း,,, သွားကြတာပေါ့၊ အစ်မကြီးတစ်ယောက်က အသက်မပြည့်သေးတဲ့ ကလေးမလေးကို ခိုးချစ်ခဲ့တဲ့နေရာ..."
ကျွန်မ - "ဟုတ်ပါတယ်၊ ကျွန်မပဲ စချစ်ခဲ့ရ၊ ကျွန်မပဲ စပြောခဲ့ရတာ၊ ဟောသည့်မာနခဲလေးရဲ့ အချစ်ကို လုဖို့ တအားပင်ပန်းခဲ့ရတာ... အပြိုင်အဆိုင်တွေကလည်း များလိုက်တာဆိုတာ..."
သန့် - "မမကသာ သူတို့ကို အပြိုင်အဆိုင်လို့ လိုက်ပြီးသဘောထားနေတာ၊ အသန့်လေး မျက်လုံးထဲမှာ မြင်တာက မမတစ်ယောက်တည်းပဲဟာကို..."
ကျွန်မ - "တကယ်လား..."
သန့် - "ဪ ... သူကဖြင့် ကျွန်မ အိပ်ရာပေါ်ရောက်နေပြီ အခုထိ တကယ်လား လုပ်တုန်း..."
ကျွန်မ - "အသန့်လေးကလေ... စကားအကောင်းကို ပြောလို့ မရဘူး,,,"
ကျွန်မတို့အတူ ရယ်မောလိုက်ကြလေသည်။
...................................................................
မေမေ ပြောဖူးတဲ့ စကားတစ်ခွန်းရှိသည်။
"လူတွေက အတူရှိတုန်း တန်ဖိုးမထားကြဘဲ ပြန်မရနိုင်တော့တဲ့အခါမှ တမ်းတတတ်ကြတယ်"တဲ့...
YOU ARE READING
The Rope (Own Creation)
Teen FictionAs my own style, I rated this story as 13 yrs old & above. (Zawgyi) တခ်ိဳ႕ေသာ ၾကိဳးေတြက မထံုးႏိုင္ေပမယ့္လည္း ႐ုန္းႏိုင္ခဲတယ္ေလ... Summary အလြန္ထက္ျမက္တဲ့ သန့္ၾကယ္စင္ဆိုေသာ မိန္းကေလး ရည္းစားေဟာင္းႏွင့္ ျပႆနာတက္ကာ စိတ္ေျပလက္ေပ်ာက္ ခရီးထြက္လာရင္း သႏၱာ...
Part - 30 (Ending) Unicode
Start from the beginning
