لعنة هوسي ( جزء الثاني من عشقي لمغربية )مكتملة

الحلقة 39

حل الصباح
مقداد و اماليا ماقدوش ينعسوو ...الليل كلو وهما كيشوفو في بعضياتهم ....تم داخل عمر و الشرار مطلوق من عينيه
عمر : نهايتك قربات شحال فرحت مني نتا بين ايدي ( شاف في اماليا قرب لعندها كيدوز بايديه في وجهها و هي كتبعد منو بقرف محاملاهش ) بدلت الخطة قبل مانقتل مرتك العزيزة غادي ندوز معاها ( غمز مقداد ) لحضات زوينين
مقداد جهل تقيسو في عينيه و ماتقيسوش في اماليا تغدد بغا يحماااق : لااااا الز*****ماتقيسهااااش سمعتيني لاااااااا وياااااك هي لاااااا تااااعي سمعتيني ( كيجر في السناسل بكل جهدو ) ماااتقيسهاااااااش غنقتلك غييير بلاتي طيح بين ايدي ( تجر واحد من الخشبات بسبب جهد مقداد وهو يتخلع عمر و رجع اللور )
عمر غوت بخوف: عاودو سدو عليه السنسلة سمعتوني سدوها
جاو الرجال زيرو داكشي و مقداد كون لقاه كون طار عليه
مقداد بعصبية : قتلني دير اي حاجة المهم ماتقيسهااااش عمر لاااا ماديرهاش
عمر: اممممم هي نقطة ضعفك ( قرص حنكها ) اختيارك زوين ولكن هذا الحلوة خاص نتمتع بيها
حليها عمر السنسلة و جرها و هي كتركل وتغوت
اماليا:مغادش نخليك تقيسني سمعتيني مغاديش نخليييك ....
ركب عمر هي وياها في طموبيل وتحرك سايق بيهم الشيفور ....
دخلات واحد المراة هازة جوج زلايف
المراة مغطية وجهها: هاااكو هااا الفطور
شكروها الحراس و شربو ديك الحسوة سرعانة ماااداخو و طاحو ناعسين وهي دخل ديك المرأة عند مقداد
المراة حيدات الزيف من وجهها وهي تبان قمر
قمر بخوف : مقداد كيفاش نقد نعاونك
مقداد: حلي لية هذا السناسل
جربات قمر تحلهم ولكن كانو قاسحين عليها
قمر : مبغاوش يتحلو شنوو ندير
مقداد: غتمشي لخيمتي غتلقاي تيليفون في الكحل اول نمرة عيطي للفريق تاعي باش يدخل قولي ليهم اوامر تاع مقداد
مشات قمر كتجري لخيمتو بقات كتقلب حتى لقاتو ...ماعمرها خدمات فيه ولكن وحلات ...قلبات شوية لقات اول نمرة صونات ليها
كان الجنرال متوتر حيتاش مقداد ماتاصلش بيهم حتى صونا ليه التليفون شاف نمرتو
الجنرال: الو سيد مقداد
قمر : انا مرتو مقداد طلب منكم تدخلو دابا حيتاش تم كشف امرو
الجنرال: كيفااااش وخااا غادي نتدخلوو دابا ...
الجنرال ديجا كان موجد حيتاش مقداد غبر فشك في الموضوع ...امرهم يتدخلو و يمشيو للمدينة...
بعد نصف ساعة ....تم داخل الجيش نتاشر في كلا بلاصة ....اصلا غلبوهم حيتاش عددهم كبير ...بأمر من مقداد العيالات مايهاجموهمش غير الرجال اللي يهاجمووو ...دخل الجنرال لعند مقداد..بغا يحليه لقا الموضوع معقد 
مقداد معصب : هز المقدة و ضرب
الجنرال:ولاااا ضربت ليك ايديك
مقداد خايف على اماليا : غيييير ضرب
هز الجنرال المقدة و بقا كيضرب حتى تحل ...مقداد حك ايديه معصب
مقداد : خاااص نلقا عمر سمعتيني
الجنرال: وخااا
ركبوو في الطموبيل متوجهين لخيمة عمر كيف دخل لقا لطيفة مخبية و مخلوعة ومشا لعندها شدها من زيفها
مقداد :فينوووو عمر
لطيفة:مااعرفتش عفاااك رحمني
مقداد : مغنعاودش هضرتي فينو عمر (هز الفردي ) ولاا نقتلك اليومة
لطيفة:كاين كاين في واحد الخلا تماك عندو خيمة خاصة كيدي ليها البنات بعيدة غير شوية من جهة اليمين
طلق منها مقداد و تبعووه بزاف تاع الجيوش لخرين...
في ديك البلاصة وصل عمر جار اماليا
اماليا: طلق منيييي المجرم طلاااااااق
عمر جارها : زيدي قدامي
دخلووو للداخل وطلقها وهي كترجع باللور مخلوعة
عمر بشهوة : من الاول تخيلتك ديالي وحلاوتك غتكون بوحدها
اماليا بكره : بعد مني المجرم بعد
جاا بغا يشد ايديها و هي تضرب بصبعها لعنقوو حتى تخنق ورجع اللور ...خرجات كتجري  حتى تبعها داك الولد الشيفور اللي جا مع عمر ..شدها وهي كتركل
اماليا بالمغربية: طلاااااق مني طلاااق الله ياخد فيك الحق طلاااااااق ...
عمر كيتحسس عنقوووو وصل عندهم  : احححح حلاوتك بوحدها كتعجبني المراة اللي شرسة
يالله جا بغا يجرها من عند داك الولد و هو يشوف القرطاس دخل في داك الولد حتى رجع باللور ...كلشي تصدم واماليا تخلعات...شدها عمر وهو يشوف لقا مقداد اللي تيرا فيه
مقداد بكره : نوريك تشدها الزا****
عمر جرها مخلوع غير الناس اللي جاو معاه كانو كثر من رجالو...تخلع عمر و رجع باللور جار اماليا
مقداد نزل من الطموبيل مكره
مقداد: طلق منها اعمر حسن ليك
عمر بخوف كولو كيترعد بغاا يحماق ماتقبلش يموت بهذا الطريقة حط الموس على اماليا : غادي نقتلها لا كنت غادي نموت غادي ندي ليك اخر حاجة كتهمك في الدنيا مرتك وولدك
مقداد معصب: عمر غير طلقها مغادي ندير ليك والو عنخليك تمشي في حالك
اماليا كتبكي : مقداد اهئ اهئ يمكن جا الوقت اللي غادي نموت فيه سلم لية على ماما وبابا و شامة انيرا وغسان و متنساش كنبغييييك بزااااف دوزت معاك لحضات زوينين عمرني نساهم كنتي اول واحد يضرب ليك قلبي هو نتااا و غتكون اخر واحد
يالله بغا عمر يجر الموس باش ينحرها و هي تبان هيليكوبتير ...دار القناص السلاح مشير على عمر و هو يثيري في راسو حتى رجع اللور عمر تارك الموس اللي كان بين ايديه...اماليا حسات بالقرطاسة  داز من حدا وذنيها دازت شوية للقدام ماثيقاتش هذا اخر الاحداث اللي وقعو وهي طيح مغمى عليها و الدم نازل من تحتها
مقداد حل عينيه مخلوع مشا عندها كيجري ..
مقداد:اماليا اماليا حبيبتي حبيبتي (عنقها مخلوع مني شاف الدم )مغادي يوقع ليك والو ياااك انا السباب اناااا انااا دخلتك في انتقامي مكانش خاصني ندير هاااكااااا انا غلطت
تحطات الهليكوبتير وخرج منها رجل عضلاتو باينين زائد ناقص اللحية وهاز السلاح تاع القنص ....
ادغم بلهجة مغربية : يالله نهزوها للهيليكوبتير
مقداد: علااااش مرتي باقة حيةعلااااش غادي نهزها علاااااش
ادغم مزادش معاه في الهضرة عرفو مصدوم هز اماليا بين ايديه  دخلها للهيليكوبتير و مقداد تبعوو
مقداد بعصبية : شنووو كدير هي باقة حية
ادغم بعصبية:داكشي اللي مادرتيهش نتااا
بقاو غادين بيها حتى داوها للنصف الاخر من العراق اللي مافيهش المشاكيل والحرب..تحطات الطائرة في احد المستشفيات و نزلات اماليا كلها دم ...كانو الممرضين ديجا واجدين حيتاش علموهم من قبل ...دخلوها للمصعد و نزلوها حتى للبلوك ..و مقداد مخلوع
مقداد غمض عينيه متكي راسو على الحيط:ماانقدش بلاا بيها مانقدش يااربي
ادغم حط ايديه في كتفو : ثيقني هي غتكون لباس ..
مقداد ضرب ايديه مع الحيط : مانقدش بلا بيهااا مانقدش
ادغم سكت هو عمرو جرب الحب باش يشوف علاش مقداد دار هذا ردة الفعل...بعد ساعات خرج طاقم من الأطباء وهو يهضر واحد فيهم
الطبيب: الام راها لباس عليها هي و الجنين خاصهم فترة راحة وتقدو تخرجو من هنااا
مقداد حمد الله و شكروو عاد استوعب اشنوو كان كيدير ..شاف في ادغم و دوا معاه
مقداد:سمح لية اصاحبي (عنقو عناق رجولي ) شكرا بزاف بسببك مرتي دابا راها لباس 
ادغم: ماشي مشكيل مابيناتناش (شاف بعيد ) غادي ترجع لية هذا الخير
مقداد: مافهمتش
ادغم؛كلشي بوقتو مزيان
______
في الليل في المغرب
دايرة صوفيا وهجار حفلة بسبب انتصارهم عارضين غير على شكون و شكون
صوفيا بفرحة: واخيرا وصلناا لداكشي اللي بغيناا وفرقنا العائلة السعيدة
هجار كدوي في وذنيها : مغنرتاح حتى نطلق خويا بديك الكلبة اما المى رجعت ليها صرفها..
دخل مهران و هي تم غادة عندو صوفيا
صوفيا:ولدي لباااس عليك
مهران مبتاسم : لبااااس انا فرحان بزااف لدرجة عندي ليك مفاجأة
صوفيا : اااهه وريني هذا المفاجأة
خاد مهران كاس ضرب عليه حتى تلفت ليه كلشي...
مهران  : عندي ليكم مفاجأة مخصصها لعمتي و ماما الحبيبة
كلشي كيستامع ليه باصغاء
مهران :كيف كتعرفوو انا كبراتني ياسمين اللي كتبقا مراة باا و كتبقا ماما هي صوفيا هي المرأة اللي جابتني  لالدنيا(صوفيا كضحك )ولكن نسات ماما الحبيبة انه الحب ماشي بالدم بل بالعلاقات و الضروف و الزمان ..حاولو يفرقو بيني و بين مرتي وبين بابا مع مرتوو و هما كيصحابهم نجحوو ..بانت المى و ياسمين و انيرا و علي و اوس
مهران كمل : كنا عارفين رجعتهم ناويين على الشر و لا بغيتو الدليل هاهو
وراهم فيديو في التلفزة كيدويو على خطتهم ..صوفيا وهجار ماعجبهمش الحال انهم تشوهو و هما يحمارو و زراكو و صفارو
مهران: كيف كتشوفو انا ماطلقتش مراتي هي باقة على  ذمتي ومستحيل نتفرق من حبيبتي و ام ولادي نشأ الله
مشات انيرا عنقاتو فرحانة بزاااف باستو قدام كلشي في حنكو ...كلشي صفق ..وهجار و صوفيا تعصبوو
هجار كتغوت :مغاديش تبقاا فيكم سمعتوني مغاديش تبقا فيكم
اوس : مغاديش تبقا فينا كون كنتي غادي تبقاي في المغرب خرج قرار من المحكمة على يتم فصلك لأمريكا وعمركي تفكري دخلي المغرب
علي :  كذلك بالنسبة لصوفيا غترجعي منين جيتي لفرنسا
هجار بكره عرفاتو استغل سلطتو : غتندم ااوس العمراني غتندم
طلعات الفوق هي و صوفيا باش يجمعو حوايجهم ......كلشي مشا في حالو ..خرجات هجار جارة باليزتها كذلك صوفيا معصبين بزااف ...خرجو من القصر
صوفيا:دابا اشنو غادي ندير
هجار : ماعندي ماندير ليك سيري كملي تشردك في بلاصة خرا
مشات هجار  بعدما شافت اخر مرة في القصر متوعدة ليهم بالجحيم ...
المى عنقات اوس فرحانين حيتاش تحل ليهم المشكيل..كذلك علي و ياسمين...و بقا مهران و انيرا
انيرا ببتسامة : فرحانة بزاف حيتاش رجعات الامور كيف كانت وانك ثقتي فية و فضلتيني على عمتك وماماك وحميتيني منهم
مهران: نتي راك ماشي غير مراتي نتي راك كلشي في حياتي ( باس راسها )كنبغيك
انيرا عنقاتو : حتى انااا احبيبي
غسان و سجى في الجردة كيتسناو تسالي خطة اوس و مهران حيتاش كانو عارفينهم بغاو يشتتو شملهم
غسان كيلعب برجليه : في نضرك شنوو هو الحب
سجى : ماعرفتش ماقريناهش في المدرسة
غسان بغيض : راه كاينين شي حوايج مكيتقراوش في المدرسة
سجى : هاااااااام فهمت اذن قريه لية
غسان تزنك : كيفااااااش نقريه لييييك
سجى تأملات : قريه لية
غسان بعد منها :دابا تكبري ونقريه ليك
المى مشات عندهم : غسان سجى دخلووو
مشاو كيجريو منتاهيين مشاكيل العمراني وهنا غادي ينتاهي فصل جديد من حياتهم ...