لعنة هوسي ( جزء الثاني من عشقي لمغربية )مكتملة

الحلقة الثانية

فاقت كتوجد في راسها بعدما لبسات حوايجها.. رشات عطرها على عنقها بلا ماتقيس الكسوة حيتاش شامة مغامرة معاها كتاخد الحوايج من المحل فاش خدامة حتى كتلبسهم اماليا و تردهم ... هزات صاكها و خرجات بعدما باست شامة و هي تشد الطريق حتى وصلات لبلاكة تاع الطوبيس ركبات و هو يحطها قدام البلاكة قريبة للجامعة .  شدات طاكسي حتى وصلها قدام الجامعة و هي تنزل حتى بان ليها بنادم كيجري و الطلبة اللي معاها مقجقجين ( مجموعين )على واحد الطموبيل... تبعاتهم تعرف اش واقع حتى وصلات كتبان ليها طموبيل واعرة عمرها شافت بحالها عند شي واحد من الطلبة... نزلات انيرا بلباسها الرسمي و ضحكتها الطفولية تابعها غسان اللي داير الكيت ممسوقش كيتمزك للموسيقى و كلشي مجموع عليهم بغاو يعرفو شكون راكب في هذا الطموبيل اللي كاينة وحدة منها في العالم .. حتى تصدمو مني عرفو انهم من عائلة العمراني ... و هي تسمع اماليا جوجات وراها كيوشوشو
البنت 1 : وايلي شكون هاذو
البنت 2 :وايلي ماعرفتهمش شكون راهم عائلة العمراني باباهم اوس العمراني بيلياردير عندو بزاف تاع الاملاك في الجزائر و المغرب و هو جزائري عندو شركات النفط و اسهم في قطاع المواصلات في المغرب عاد كان سياسي كبير بالاضافة الى امتلاكو لبنكة جزائرية و الفنادق التي لا تعد و لا تحصى و استقر في المغرب على قبل مرتو المى
البنت 1 : و شكون هذا المى ؟؟
البنت 2 : المى العمراني ربحات لقب احسن سيدة اعمال هي مولات الماركة تاع الافضل لكي عاد ناوية تدخل لميدان الموضة
البنت 1 : باينة هما اغنى وحدين في الجامعة غادي تحطم غرور نادين
و بداو كيضحكو .. اماليا سمعات باللي جاي اللي ينافس نادين و هي ضحك بشر شافت في انيرا بانت ليها نية و باينة قلبها بيض ماشي بحال نادين جميع الفقراء كتنمر عليهم و تحتاقرهم حتى كينتاحرو و لا كيخرجو من المدرسة
/ المدرسة فيها الروض و الابتدائي و الاعدادي و الثانوي و الجامعة اللي فيها جميع التخصصات و تابعة للنضام الأمريكي/
اماليا بجراة تقدامات عند نادين اللي حشمات حيتاش كلشي كيشوف فيها :سلام احبيبة
انيرا ببتسامة صادقة :سلام
اماليا بضحكة صفرة : باينة فيك جديدة بالله معاية نوريك قسمك دخلتي لخاطري مني شفتك
انيرا  مدات ايديها  : بالمناسبة سميتي انيرا
اماليا ضحكات : سميتي اماليا
غسان غير سمع سميتها ضار بالعرض البطيئ تقول غاما كان داير الكيت شاف في عينيها كيشبهو عينين اوس بحال الصقر حتى تفعفع
انيرا بحزن : سميتك كتفكرني بواحد الشخص عزيز على قلبي
اماليا مكانتش داياها في هضرتها شافت نادين جاية عند انيرا بغات تجرها لصفها حيتاش تماك اللي كيحكم هو اللي عندو الفلوس بزاااف
اماليا جراتها : يالله معاية
بقات جاراها و انيرا  تابعاها في جهة اخرى نادين مع كليكتها
شيماء : اشنو غنديرو خاصنا ندخلوها معانا
نادين بالسم :ممتيقاش انها اغنى مني و لكن هادشي غادي ينفع بابا لا ولينا صحاب معاهم فمن الاحسن تعاملوها مزيان
اماليا جارة انيرا حتى وصلو للفيستيير تاع الروض
انيرا  بتعجب :مالك ؟؟
اماليا ساطت بارتياح :هووووف سمعي كاينة واحد البنت هنا سميتها نادين عقلي عليها كتنمر على الفقراء اكيد نتي ماشي بحالها بغات تجرك معاها حيتاش هنا اللي عندو الفلوس اكثر هو اللي كيحكم نتي مغاديش تسنطي لهضرتها سمعتي و حاولي ما امكن تبعدي منها ( وراتها اماليا فيديو كتلوح البيض على واحد البنت باين من لباسها فقيرة )هانتي شوفي باش متقوليش كنكذب عليك يالله بسلامة
مشات اماليا مخلية انيرا مافاهمة والو خرجات و هي تلقا ليها نادين مع شيماء و يسرى
نادين :هااااي سميتي نادين
انيرا فعلا مارتاحتش ليها و هي ترض عليها ببتسامة صفرة بلا ماتسلم عليها :سمحي لية خاص نشوف قسمي
مشات انيرا مخلية نادين مقموعة و هي تزنك بالغضب
نادين :اش كتسحاب راسها هذا البنت انا غادي نحدهم ليها غير بلاتي
يسرى :و باباها مخفتيش منو راه ماشي اي واحد
نادين:حتى تكون نادين كتخاف
كانت اماليا كتسمع لحديثهم و هي تزير على ايديها
اماليا : بففف شوف على ورطة حطيت فيها البنت مالها حتى هي متنافقهمش حتى هي خرجات فيها طول و عرض اويلي معامن انا
خرجات اماليا بعدما مشاو نادين و كليكتها.. دخلات لحصتها كتقرا و هي معصبة حتى سالات و رجعات لدارهم عند شامة .. اما انيرا مشات لدارهم مع غسان و هما كيتناغرو حتى نزلو و تلقات ليهم المى
المى:كي داز نهاركم الاول ؟؟
انيرا :زوين
غسان : بففف رديتوني كنقرا مع ولاد كيليميني
المى :ومالك مزيانة باش ترجلهم هههههه يالله دخلو وجدو راسكم غنمشيو عند طاطة نجمة
ميلات انيرا شفايفها بانزعاج و حتى غسان كذلك
وجدو راسهم و ركبو كلهم اللور سايق بيهم الشيفور و تابعينهم سيارات كحلين فيهم الغارد حتى وصلو للقصر واعر بزااف .. نزلات المى كتقرقب بطالونها تبعاتها انيرا ثم غسان .. حتى تلقات ليهم نجمة مزالة محافضة على لياقتها و لما لا و هي ايقونة الموضة عندها شركة تصاميم خاصة بيها ...
نجمة عنقات المى كضحك:الحب
المى :اححح و تعرفي شحال توحشتك
"" المى و نجمة صحابات تعرفو على بعضياتهم في لافاك و كملو حياتهم مع بعضياتهم بالاضافة الى ان أزواجهم اصدقاء كذلك """"
في الصالون جالسين قداهم اشهى المأكولات و صينية تاع البراد منعنعة 
نجمة:ايوى قالو لية بغيتي دخلي لمجال الموضة هاااي هاااي غير نغبر غادي تنافسيني
المى :ماشي شي حاجةغير مكنلقاش ملابس مناسبة لماركتي هذا هو السبب اللي دفعني نأسس شركة خاصة بالتصاميم تاع الملابس
نجمة :شوف كي كنا و كيف ولينا شكون قال البنت اللي باباها كان باغي يزوجها بزز حيتاش كانت بايرة نوصل لهادشي اللي وصلت ليه و شكون قال البنت اللي كانت كل همها يبغيها اوس وصلات لهادشي اللي وصلتي ليه
المى : فرحتي مغاديش تكمل الا بحضور بنتي اماليا يمكن عاقبني الله على تسميمي لمامات اوس
نجمة :ماتقوليش هاكاك هي السبب باش ماتو ليك واليديك مني صيفطات ذاك المجرم يحرق الدار حتى ماتو ليك واليديك و زايدون اوس سامحك مني كنتو في العراق والله جزاك على صبرك بانيرا و غسان و حتى مقداد اللي تبنيتوه
المى كتبكي :ياربي تكون عايشة بخير كانت زوينة بزااااف
سمعو شي صوت حم حم .. كان اوس مع اركان اللي غير شاف المى كتبكي زير على ايديه بالاعصاب و مشا لعندها
اوس : واش غادي تبقاي تبكي دائما على هذا الموضوع واعدتك بنتنا غادي لقاها
المى كتبكي : كيفاش غادي تلقاها فين هي هذا الكلام كنسمعو لمدة 18 سنة و بنتي ماشي بين ايدي
اوس عنقها كيطبطب عليها صعيب فراق الام مع صغيرها خاصة كتحمل المى المسؤولية لنفسها على فراق بنتها
اركان اللي كان باقي محافض على لياقتو البدنية خدام في الانتربول الدولي كعقيد ضد الاراهاب يعني هو ما مع الجزائر ما مع المغرب مع اللي يقد يحمي الابرياء ...
اركان :اوس خاص نهضر معاك
بعد اوس المى عليه و مشا تبع اركان لبيروه
جالسين فوق البيرو كيهضرو و يتناقشو
اركان :صراحة قديت نوصل لواحد الخيط يديني لبنتك
اوس ببرود :جاسم هو اللي خطفها هو اللي خطف بنتي اماليا و هي كاينة دابا في المغرب
اركان بصدمة :كيفاش عرفتي
اوس :رجعت نشوف جميع اعدائي نقلب عليهم و تأكدت ان جاسم مماتش فهو الوحيد اللي يقد يديرها و يخطف كبدتي باش نتحرق عليها
اركان :اشنو غادي دير دابا
اوس :باش نلقا بنتي خاص نلقا جاسم و انا ديك ساعة غادي ندمو على النهار اللي فكر فيه يدخل لحياتي
انيرا كانت غادة حتى تخوا عليها الماء ماعرفات كيفاش تبلات
اوار كضحك :مفاجأة
ذكرى :يااااس ياااااس درنا ليك فخ
انيرا غمضات عينيها و غوتات :ععععععععع ذكراااااا اواااااار غنقتلكم
طلعات لعندهم تابعاهم و هما يهربو حتى سدو عليهم بيتهم بالساروت و بقات كضرب الباب حتى خرج معصب يالله فايق من النعاس
فارس :مغاديش تهداي ؟؟؟
انيرا معصبة :سير فحالك و لبس حوايجك و نتا مزبط
علينا هناية ( كان عريان )
فارس :سلامة شكون جا لعندنا واش فينما مشيت نلقاك تفو على كمارة
و سد عليه الباب و هي تقعد انيرا كتعاير فيه
انيرا :وخا عليك المكلمن
^فارس و انيرا بحال الخوت يعني مايمشيش بالكم بعيد انه كاينة شي علاقة حب ^