لعنة هوسي ( جزء الثاني من عشقي لمغربية )مكتملة

الحلقة 15 ( الموسم الثاني )

بعد ثلاثة اشهر ..
نازلة من الدروج فرحانة خاصة جاوبات على كلشي ...مشات خدات قهوتها من ستار باكس كتمشى و هي كتأمل الجو الربيعي تاع أمريكا اللي قريب للصهد ...دازت من واحد القنت اللي خاوي حتى كدار شي حاجة على نيفها من بعدها كتفقد الوعي ...
حلات عينيها بشوية ..بان ليها كيشوف فيها باشتياق ..من نضراتو قدرات تكتاشف انهم عرفو الحقيقة و متأكدة من الامر لسببين الاول ان شامة فمها فيه الدودة و الثاني نضرات مقداد
اماليا : شنوو مغاديش تسلم على ختك الصغيرة
مقداد باستهزاء : هذا الساعة عندي ختي وحدة سميتها انيرا
اماليا جات بغات تحرك ايديها لقاتهم مربوطين : حل لية
مقداد: غادي نحل ليك مني نوصلو للمغرب
ضورات عينيها بان ليها راسها في ديبو كبيير الا انه جزء منو السقف مافيهش يعني ممغطيش ...تمات نازلة طائرة خاصة حتى وقفات ... مقداد مشا عند اماليا هزها وهي كتركل ..
اماليا:طلاااااق مني طلق سمعتينييييي طلق
مقداد بقا غادي بيها مامسوقش ليها ...حطها في بلاصتها ودار ليها السمطة و هي حاقدة
اماليا: اععععع شامة كطيري كطيري هادشي وصيتك ماتقوليش
مقداد شاف فيها وقرب للوجهها حتى كتحس بانفاسو وهي قلبها بدا كيضرب
مقداد : ماعندك فين تهربي بلاصتك حداية و معاية ( خنزرات فيه )
مشا مقداد لمكان اخور و اماليا حقدات عليهم كثر ....ياك بعدات منهم وخلات ليهم الدنيا ومافيها اش بغاو منها بعدما تخلاو عليها  (هادشي اللي كتقول في خاطرها )
بعد مدة مااستقرات الطائرة ...مشا مقداد لعندها وحل عليها حيتاش اكيد مغاديش تهرب من الطائرة و هي كتحلق
اماليا: مكانش ضروري
خنزر فيها مقداد و مشا جلس بعيد عليها ..و هي تبعاتو بفضول
اماليا: فين دايني ؟؟؟ عند هاذوك اللي تخلاو على بنتهم كبدتهم المشة مابقاتش كتخلى على ولادها في هذا الوقت
مقداد : انسة الذكية شحال عمري انا
اماليا: باش غنعرف كنت كنقيد فيك في الحالة المدنية
مقداد : عندي 30 عام و نتي شحال عندك ؟؟
اماليا: 20 عام
مقداد : عشت معاك مدة هادشي كيعني شنو
اماليا بعدم فهم لاش بغا يوصل : يعني
مقداد : يعني باباك وماماك تبناوني اذن شنو الدافع اللي غيخليهم يتخلاو عليك وهما دارو الخير في واحد غريب عليهم
اماليا سرطات ريقها : بغيتي تقصد انه اناااا ( سكتات مدة )انا غالطة ؟؟؟
مقداد: ماعرفتش
اماليا: مااايمكنش بابا جاسر مستحيل يكذب ويكون خطفني منكم
بسرعة حسات بيه وصل عندها كيشوف فيها بشوفات نارية حتى تفعفعات و بدات كترجف
مقداد: ذاااك الزا*** كون مكانش كيتعذب عند الله و كان باقي حي نوريه الخطيف على حقو و طريقو وندمو على دموع ماما اللي بكات و هادشي اللي دار مكانش غادي يدوز ليه بالساهل  ( ضرب الكرسي وسرطات اماليا ريقها بخوف ) ساعة عندو الزهر اللي مات واخر ( بتحذير ) اخر مرة تجبدي لية سميتو فهمتي
اماليا بخوف: وخاا
ماتنكرش انه خلعها خاصة التسييفة اللي دار ماعرفاتو ايمتا تقلب ...
اماليا: انا غنمشي نعس
ناضت من حداه للبيت و نعسات فيه ...بعد مدة ..فيقاتها مضيفة الطيران انهم وصلو للمغرب ...اماليا فكرات بخطة
اماليا:قولي ليه راني مزيرة راني في الطواليت..
مشات المضيفة علمات مقداد ..ديك ساعة  استغلات اماليا الفرصة و لبسات حوايج المضيفات لقاتهم في الماريو  ...شدات الطربوش ودارت راسها كتغطي على الشمس ..دازت من حدا الغارد اللي ماقشعو والو ..مقداد كان في الطموبيل كيتسنا الانسة المصونة ..حتى بانت ليه دايزة من مشيتها عرفها ...تنهد بقلة صبر  وخرج من الطموبيل غادي عندها ...اماليا غار شافتو جاي عندها وهي ضربها بجرية بالطالون ...شوية برزطها و حيداتو شاداه بايديها كتجري حتى وصل عليها مقداد وشدها من كرشها
اماليا: طلااااااق طلااااااق
مقداد: غترصااااي زغاااااي
اماليا كضرب وتركل : اععععع بعد منيييي
بقا غادي بيها حتى دخلها للطموبيل و دخل حداها و ساق بيهم الشيفور
اماليا كتركل معصبة : واااش نتاا خارج لية في عوووودي وااااابعد منيييي كنكرهك
مقداد: وخا تلواي لية تماك
بعد مدة قررات اماليا تفقسو
اماليا بمكر : دابا نتا ابتداءا من دابا غتسمى خويا
مقداد شاااف فيها وهو كثر منها قرب حتال لوجهها و هي كتشوف فيه اش باغي يختارع و باسها من فمها
مقداد : كاين شي اخ كيبوس ختو من فمها
اماليا من الصدمة سخفااات
مقداد شاف فيها خافي ابتسامتو  : ولدنا الولاد بكري
وصلو للقصر ...المى غادة جاية في الصالون واوس برزطاتو
اوس : المى
المى  عينيها مغرغرين : بنتي غنشوفها من ورا هذا السينين كلها اش كتوقع مني ااوس 
غسان : راك غار شفتيها قبل ثلت شهور
انيرا خنزرات فيه : كانت بصفة خرى
غسان في خاطرو : تفووو غنولي انا الصغير
المى سمعات صوت الطموبيل خرجات كتجري...بانت ليها اماليا بلباس المضيفات بعدما فاقت ومخنزرة في مقداد اللي باسها بدون موجب شرع نازلين من الطموبيل ..يالله اماليا بغات ضور فيه و هي تسمع واحد الصوت وصل لشرااايين قلبها
بنتي ......
اماليا بلا ماضور قلبها بدا كيرجف و هي تحس بذاتها تنملات عليها ...مبغاتش ضور مبغاتش تبان في موضع ضعف ...
المى مرة خرى :بنتي
اماليا بداو دموعها كينزلو شلال و هي ضور لعندها ..مشات المى كتجري لعندها عنقاتها وغوتات وهي كتبكي : بنتتيييييي حبيبتيييي هئ هئ هاااااائ بنتييييييي ( بعدات كتشوفها ممصدقاش  كتبوس في ايديها و وجهها و  راسها ) والله حتى بنتي بنتي كبراااات اول وحدة نحس معاها بشعور الام
اماليا بدات كتبكي : اهئ اهئ سمحي لية اماما صحابني راكم تخليتو علية ماتيقوش شحال تجرحت وبلا مانحس ثيقت جاسر ثيقت الجريمة اللي دار فيكم و فية
المى عنقاتها : بنتييييي حبيبتي بنتي الحمد لله عشت حتال هذا النهار اللي شفتك فيه سمحي لية سمحي لية اللي ماعرفتكش من الاول سمحي لية اللي ماحسيتش بيك من الاول
كان بعيد اوس تزير عليه قلبو بسبب انه ماقدرش يحمي عائلتو وقع هادشي ..اما انيرا جلسات كتبكي ليهم تماااك هي وشامة ...اما غسان فتغرغرو عينيه من هذا المنضر ففي الاخير كلهم شهدو على معانات المى مني ضيعات بنتها وكيفاش كانت حالتها
اما مقداد فمحملش الوضع اللي كانت عليه اماليا و مو حس بشعور اول مرة يحس بيه في حياتو  اللي هو الغيرة 
( الناس في الناس و القرع في مشيط الراس )
/////