الروينة ناضت ...المى كتشوف في المسرح بصدمة كلها كترعد ممثيقاش ان هذا النهار جا .. اوس حاضي ملامح المى .. انيرا فرحات بغات تنقز .. غسان ملامحو عليهم الذهول و مقداد محتافض ببرودتو ... كلشي كيدوي و كيهضر مصدومين خبر الساعة ...
كانت بنت صابغة شعرها بليميش
غزلان : اااه كنت طول هذا المدة في الخيرية و مني خرجت منها قلبت عليكم و لقيتكم
المى مشات عندها مهازاهاش رجليها دوزات ايديها على وجهها بحب و عنقاتها كتبكي : بنتيي اهئ اهئ بنتي رجعات كنحمدك اربي و نشكرك بنتيييي رجعات
كلشي تأثر بهذا المشهد الا اماليا
اماليا بتعجب : اش هذا الزمر ( جراتها شامة عندها )
شامة : اويلي سيري قولي ليهم راك بنتهم
اماليا بنفي : لاااا شامة ياك واعدتيني ماديريهاش مشيتي بغيتي تقوليها ليهم
شامة كتنذب حناكها :اويلي المزغوبة كاينة شي وحدة تخلا على عائلة العمراني سمعة و املاك و فلوس و حب و حنان
اماليا: شامة راه خلاوني في الخيرية بغيتيني نسامح ليهم
شامة : اويلي راه الخالق كيسامح بقا غير نتي
اماليا : انا جاية باش ننتاقم ماشي نعطي الحنان
شامة : شوفي اش ديري مع هذا طيرة بقر اللي بغات تاخد بلاصتك
اماليا بحقد : حسابي معاها هو الاخير
غزلان عنقااتهم كاملين كتبكي زعما و اماليا مخنزرة ...
سالة الحفل و مجموعة عائلة العمراني في الصالون ...المى مجلسة حداها غزلان كتعنق و تبوس ...
المى كتشم في ريحتها :الحمد لله بنتي رجعات لية
اوس و مقداد مدخلاتش ليهم راسهم غير ساكتين و كيتفرجو ... وانيرا فرحانة واخيرا رجعات ليها ختها ...غسان حتى هو مدخلاتش ليه لراسو
اوس : كنضن خاص نتأكدو بفحص الاديين
المى: سكت اشمن فحص المهم بنتي رجعات لية
مقداد و اوس خافو لا تصدم المى و مايكون هادشي منو والو وغزلان تلونات ولكن قالت في خاطرها باللي فحص الاديين كيتعطل ومن تماك تفكر فشي خطة
المى عيطات لشامة اللي جات مخنزرة
شامة :نعم الالة
المى ببتسامة :وجدي بيت لبنتي اماليا( شافت فيها )من اليوم سميتك اماليا غزلان حيديها
طلعو للبيت ..و غزلان نعسات حدا المى و المى من نيتها معنقاها كتعطيها في الحنان ...و غزلان كتعاود ليها صراحة على داكشي اللي عاشت في الخيرية و العذاب اللي دوزات ..
مقداد و اوس في البيرو كيهضرو
اوس : ماثقتش عارف احساسي كيف داير
مقداد باستهزاء : صيفطت رجالي طلعو لية اصلها و فصلها حطاتها ماماها في الخيرية حيتاش حملات بطريقة غير شرعية
اوس : وخا هاكاك تحليل لاديين هو اللي يأكد كلشي و باش تشوفو المى
مقداد: خفتها لا تصدم
اوس : هاذي هي الحقيقة المرة وخاصها تقبلها
مقداد : لا بغيتيني خليني نتكلف بالاختبار
اوس :بلاااش انا قاد براسي ...
هادشي كولو داز على مسامع اماليا اللي فرحات
اماليا بنضرات شر : غادي تكشفي الالة غزلان غادي تكشفي
في الصباح
الفطور كيتحط .. و المى اي حاجة كتحطها في طبسيل غزلان و اماليا كتشوف هذا المنضر و كتقول الله يستر
غزلان كضحك:ماما راه لا كلت هادشي كولو غنغلاظ
المى كضحك :غير كولي بصحتك وراحتك
انيرا : غنبدا نغير
اوس كيشوف هو و مقداد المسرحية اللي دايرة هاذي .. مقداد نتابه لاماليا اللي جامعة شعرها على غير العادة عجباتو بزاااف ...
المى :اش بان ليكم نديرو شوبينغ
انيرا : يالله معانا اماليا
اماليا: لا صراحة خاص نحفظ
المى :اش غادي دير معانا الخدامة
اماليا في خاطرها: راني بنتك المكلخة
انيرا : وماااماااا عفااك خليها تمشي معانا
مقداد ماعجبوش ماماه اش قالت ...
المهم سالاو فطورهم ...كلها مشا لشغالو و البنات مشاو للمول و الغارد معاهم .. دخلو لبزاف المحلات و اللي حطات عليها غزلان ايديها كتشرى ...اماليا كتشوف باللي شرات ليها كثر من مئة ليسة و المكياج و الروايح و غزلان بغات تموت بالفرحة ..دخلات غزلان باش تقيس الحوايج و اماليا تبعاتها ...
غزلان يالله بغات تحيد حوايجها ودخلات عليها اماليا
اماليا بشر : هااااي الزوينة
غزلات بتوتر مرتاحتش لنضراتها :بعدي مني يا هذا الخدامة
اماليا: عرفتي شنو سميتي
غزلان تفكرات مني عيطات ليها انيرا: اماليا( ضربات ليها طن في راسها ) نتييي هييياااا
اماليا بشر : براااافو عليك ااااه بنتهم الحقيقية
غزلان :عفاااك انا جراو علية من الخيرية و لقيت هاذي الطريقة الوحيدة باش نلقا شي دار اللي تحضنني
أماليا كتقلد ملامحها : و شكون قاليك انا غنقولها ليهم هما غيكتاشفو هادشي راسهم
غزلان ؛ و شنو بغيتي
اماليا بتهديد : خلي ديك السيدة اللي برا تولفك و تبغيييك و كتقسم ليك بالله وتقوليها ليهم على هادشي اللي بيناتنا حتى نلصق فيك شي مونتيف سمعتيني
غزلان : صافي وخاااا
خرجات اماليا و غزلان مابقا عندها خاطر للحوايج شافت الحوايج اللي يقدوها هزاتهم ... و خرجات .. خلصو و رجعو للقصر و غزلان متوترة ...
دخلو للقصر و هما يشوفو شي اطباء و ممرضات ..
المى لاوس :اشنو واقع
اوس : ضروري مانديرو تحليلة تاع الاديين
المى : حبيبة ممحتاجينش والله
اوس قاس راسها :ضروري مغندخلوش شي وحدة لعائلتنا وحنا مامتأكدينش
غزلان بتوتر شافت في اماليا اللي كتشفى فيها :انا مانقدش نعطي دمي كنخاف من الابرة
اماليا ضربات ايديها براسها من غباءها
مقداد :ماشي ضروري تقدي تعطينا زغبة من شعرك
غزلان :مانقدش نقطع شعري
اماليا :اصلا ياك دايرة كوب غارسون
غزلان:ماااسوقكش
جات الممرضة و حيدات ليها زغبة بريط ...
غزلان :هييييي اش درتي؟؟؟؟
اماليا:ياك ما خايفة ماتكونيش بنتهم الحقيقية؟؟؟
غزلان : لا راني بنتهم
هذا المرة غزلان عرفات راسها قفراتها ..شافت في اماليا و مشات لعندها
غزلان :عفاااك عاونيني وعطيهم زغبتك
اماليا: بشرط الشيء اللي قلت ليك هو اللي ديريه
حيدات اماليا زغبتها و عطاتها لغزلان
مشات غزلان للممرضة عطاتها قالت ليها حيدي لخرى هادي طويلة عليها .. داوها معاهم الاطباء وقالو ليهم غدا غتبان النتيجة غيسهرو معاها و غزلان مافاهماش علاش اماليا مخبية راسها ...
في الليل ..
غزلان ناعسة بوحدها دخل عليها مقداد .. حيد زغبة من شعرها وزاد في حالو مخليها ناعسة براحة ...
في الغد ..
جالسين كيتسناو نتائج الاديين ... غزلان متوترة خافت لا تكون اماليا كذبات عليها ...اما المى احساسها كيقول ليها هادي ماشي بنتك ... اوس متأكد انها ماشي بنتهم و لكن باغي يأكد اللي حواليه
وصلهم ايمايل فيه النتيجة ..اوس شافها تصدم ..
المى بخوف :شنو هي النتيجة
اوس بصدمة : بوسيتيف ( ايجابية )
غزلان مثيقاتش تصدمات تأكدات ان اماليا مكتكذبش .. بدات المى كتعنق فيها و تبوس و حتى انيرا و غسان اما اوس متأكد ان احساسو مكيكذبش ... مقداد وصلاتو النتيجة في الايمايل لقاها نيغاتيف ( سلبية ) وهنا حس باللي شي حاجة غلاط
.شاف في باه اوس غمزو زعما تبعني ومشاو للمكتب
_في المكتب
اوس : مقداد مافهمتش اول مرة يكون غلط احساسي
مقداد : للاسف احساسك صحيح ( شاف فيه اوس بعدم فهم )دخلت عندها للبيت البارح وهزيت زغبة من شعرها و طلعات لية سلبية
اوس :وكيفاش تناسقات زغبتها مع زغبة المى
مقداد :غزلان يا كتعرف اماليا الحقيقية يا اماليا الحقيقية هي اللي مصيفطاها
اوس بغضب : هادشي كيعني باللي بنتي مابغاتش تشوفني
مقداد: ماعرفناش خاصة الزغبة ماتاع الواليدة ما تاع انيرا ما تاع غسان هاذي تاع بنت خارجة منا و مكنعرفوهاش
اوس : تقد تكون غزلان هزاتها ليها بلا ماتعرف بنتي والا شنو السبب اللي غيخلي بنتي ماتبغيش تشوفني الا لا ماعرفاناش
مقداد: في نضرك غزلان باش عرفات اماليا لا مكانتش قالت ليها كلشي
اوس: كنستنتجو ان اماليا مبغاتش تعرفنا باللي كنعرفوها وان بنتي قريبة لية
مقداد : تماما و لتماك وحنا كنراقبو تصرفات غزلان معامن كتهضر و معامن كطلاقا خليها مثيقة مسرحية اننا ثيقناها ...
بعد الغداء اوس و مقداد محاملينش ذيك غزلان اللي ثيقات راسها ... في بيتها جالسة كتغني حتى دخلات عليها اماليا ...
اماليا:اووووه العصفورة كتغني
غزلان: ايييه مني دخلي دقي في الباب واصلا مابغيتش نشوف كمارتك
اماليا كتقلدها : اووووه سدي ذاك الباب شنو زعما العصفورة تاعنا قطعات الواد و نشفو رجليها على مافراسكش
غزلان باستهزاء : شنووو
اماليا: سجلت اعترافك انكي جاية هنا غير باش تقلبي فين تنعسي
غزلان بتوتر : كذااابة
اماليا: وييينو كذابة تبغي تسمعي ؟؟؟
طلقات ليها تسجيل مني حبساتها اماليا فين كيبدلو الحوايج في المكازان
غزلان : شنووو بغيتي عفاااك رحميني
اماليا بشر :ماتلعبيش معاية حسن ليك (كضور في البيت) هاذ الخير غيبقا ديالك اي حاجة كانت خاصها تكون ديالي غتولي ديالك بشرط
غزلان: شنو هو
اماليا: غتقربي من اوس و دخلي للشركة و المى خليها تولفك و انيرا عرفي جميع اسرارها و اي حاجة جي قوليها لية نعرفها انا اللولة
غزلان : مافهمتش علاش مخبية راسك
اماليا:هذاك الشغل شغلي انا ماشي شغلك سمعتيني نلقا شي حاجة قد هاكا مخبياها علية اخرتك غتكون في الحبس سمعتيني ( مشات اماليا )و غزلان كتنذب اش دخلها لعالم الاغنياء
_______________
ارءكم لاش كتخطط اماليا ؟؟؟؟
اشنو غيوقع لغزلان؟؟؟
كيفاش غيعرفو اماليا راها بنتهم ؟؟؟
اش غيوقع لالمى ؟؟؟.
________
الزوينات راني كنقرا وكنخدم و عندي مسؤوليات خرين وهادشي راه مكنتخلصش عليه يعني لا فرحتيني بكومونط و لا فوت مغايوقع ليك والو وثانية وحدة تقدي تفرحيني بيها اما انا الكتابة كتاخد مني ساعتين في النهار ❤❤❤❤
YOU ARE READING
لعنة هوسي ( جزء الثاني من عشقي لمغربية )مكتملة
Romanceهاااي حبيباتي بعد طلب الكثير منكم جيت بالموسم الثاني من عشقي لمغربية تحت عنوان #لعنة_هوسي الابطال اماليا❤ مقداد بعد اختطاف اماليا كيتم البحث عنها من طرف والديها اوس و المى بالاضافة الى مهووسها مقداد ذات الاصول العراقية لتتم محاولتهم بالفشل و بعد م...
